پارت و ڕێکخراوه‌کان

بەناوی خوای بەخشندەو میهرەبان

بەڕێز / سەرۆکایەتی پەرلەمانی کوردستان

ب / پێشنیار

سڵاوو ڕێز . .

 بەپێی ماددەی (٧) لە پەیرەوی ناوخۆی پەرلەمانی کوردستان، پەرلەمان بۆی هەیە بە زۆرینەی دوو لەسەر سێ ی ئەندامانی، ماوەی هەریەکێك لە دوو خولەکەی بۆ ماوەیەك کە لە مانگێك تێنەپەڕێ درێژ بکاتەوە، بە مەبەستی بە ئەنجام گەیاندنی ئەو ئەرکانەی دەبنە هۆی درێژ کردنەوەکە .

جا لەم سۆنگەیەوە، و بەهۆی ئەوەی دەیان پڕۆژەی یاساو بڕیار لەم خولەی پەرلەماندا ماونەتەوە و پەسەند نەکراون، پێشنیار دەکەم پەرلەمان لە پشووی هاوینەی خۆی کەم بکاتەوەو بیخاتە سەر ئەم خولەی گرێدانە بۆ گفتوگۆ کردن و پەسەند کردنی کۆمەڵێك پڕۆژەی گرنگ کە ئەمانەی خوارەوە بەرای ئێمە لە گرینگترینیانن : -

١-پڕۆژە یاسای هەموارکردنی مووچەی فەرمانبەران لە هەرێمی کوردستان کە لە دانیشتنی نائاسایی ژمارە (٣) لە ٢٣/٢/٢٠١٠ خوێندنەوەی یەکەمی بۆ کراوە .

٢-پڕۆژە یاسای دیکۆمێنتپارێزی .

٣-پڕۆژە یاسای جێبەجێکردنی یاسای گەڕاندنەوەی فەسڵکراوانی سیاسی ئیتیحادی لە هەرێمی کوردستان کە لە 9/6/2011 خوێندنەوەی یەکەمی بۆ کراوە .

٤-پڕۆژە یاسای هەموارکردنی یاسای ئەنجومەنی پارێزگاکان ژمارە (٣) ی ساڵی 2009 .

٥-پڕۆژە یاسای حزبەکان لە هەرێمی کوردستان .

٦-پڕۆژە یاسای بەرەنگاربوونەوەی گەندەڵی .

٧-پڕۆژە یاسای دەستەی کوردستانی بۆ دیراساتی ستراتیجی و توێژینەوەی زانستی .

٨-پڕۆژە یاسای بەرەنگار بوونەوەی لەشفرۆشی .

٩-پڕۆژەی یاسای هەموارکردنی یاسای باری کەسێتی هەموار کراو لە هەرێم دا .

١٠- پڕۆژە یاسای زمانە فەرمییەکان .

١١-هەردوو پڕۆژە یاسای هەموارکردنی یاسای داواکاری گشتی ژمارە (159)ی ساڵی 1997 و پڕۆژە یاسای داواکاری گشتی لە هەرێمی کوردستان .

١٢-پڕۆژە یاسای ماف و ئیمتیازی پیشەگەرانی مین .

١٣-پڕۆژە یاسای دەستەی نیشتیمانی بۆ دانوستان .

١٤-پڕۆژە بڕیاری رێکخستن و بەفەرمی ناسینی قوتابخانە شەرعیەکان (حوجرەکان) .

١٥-پڕۆژە یاسای هاوکاری بۆ ئافرەتانی بێ هاوسەر .

١٦-پڕۆژە یاسای مافی نەخۆش .

١٧-پڕۆژە یاسای پاراستنی پیرۆزیە ئایینیەکان .

١٨-پڕۆژە یاسای هەموارکردنی یەکەمی یاسای دەسەڵاتی دادوەری .

١٩-پڕۆژە یاسای جێبەجێکردنی یاسای ئیمتیازاتی لێکۆلەرە دادیەکانی ئیتیحادی ژمارە (٨٠)ی ساڵی ٢٠١٢ .

٢٠-پڕۆژە یاسای سندوقی داهاتەکانی نەوت و گاز .

٢١-پڕۆژە یاسای بە خاوەن کردنی خانووە بێ تاپۆکان .

٢٢-پڕۆژە یاسای دەستەی کومیسیۆنی باڵای هەڵبژاردنەکان لە هەرێمی کوردستان .

٢٣-پڕۆژە یاسای پشتگیری دارایی حزب و قەوارە سیاسیەکان .

لەگەڵ ڕێزدا . . .

د. ئەحمەد وەرتی

ئەندامانی پەرلەمانی کوردستان

٢٦/٦/٢٠١٣

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.