بێ متمانەی سیاسی لە ناو ئەحزابی سیاسیدا بۆتە ترادیسیۆنێک کە هیچ کام لە حیزبەکان، یان سەرکردەکان متمانەی سیاسیان بە باقی حیزبەکان و کەسانی ناو حیزب و دەرەوەی حیزبیش نیە، هەروەها کەسە سیایسەکانیش بو جۆرە، ئەگەر لەهەر پلەوپایەیەکی حیزبی و سیاسیش دا بێت . مێژوی سیاسی و ڕێکخراوەیی کەسانی دیاری ناو ساحەی سیاسی کوردستان لای هەموان ڕوونە، هەرکەس لەگەڵ حیزبی دوەم و سێهەم مێژویەکی هەیە پڕە لە کوشت و کوشتار و ئیبادەی جەماعی و هەریەک لە هەوڵی ئەوەدابو کە جینۆسایدی حیزبەکەی تر بکات، ساحەی سیاسی لە کوردستان ببوە جێگای ململانێ ی ساخ کردنەوەی تەماعی دەوڵەتانی ناوچەکە و هیچ کەس و تاقم و حیزبێک لە ساڵانی پێشو دا نەبو سەنگەری لەوی تر قایم نەکردبێت . ئەو ڕقە سیاسیە ئێستەشی لەگەڵدا بێت، وەها ڕیشەی داکوتاوە کە ڕۆچۆتە ناو فراوانترین چین وتویژەکانی کۆمەڵیش، کە ئەمە بوەتە سونەتێکی باوی ناو سیاسیەکانی کوردستان . من پێم وابێت زۆرێک لەو حیزبە سیاسیانە کاتێک سەردەخەنە سەر سەرینی نوستن نازانن بەیانی چی دەقەومێت، وە چ ئاڵوگۆڕێکی سیاسی تازە دێتە ئاراوە، لەبەر ئەوەی ڕەوتی ڕوداوەکان زۆر لە ڕەوتی کلاسیکی خێراتر و جیاوازترە، ئەوانە زۆریان سیاسەت بە نرخی ڕۆژ دەکەن، یەک هوتافی خۆبەخۆییانەی جەماوەری هەمو ئیستیراتیجیەتی حیزب و ڕێکخراو دەگۆڕێت و خۆبەخۆییانە ڕێکخراو بە دوای خۆیدا پەلکێش دەکات، نەک بە پێچەوانەوە، ئەم حیزبانە ناتوانن دەرکێکی زانستیان بۆ ڕەوتی ڕوداوەکان هەبێت، وە هەر ڕۆژە و گوتارێکی سیاسیان هەیە و جۆرە تەبلیغێک دەکەن، وە هەموشیان بەدوای پچڕینی دەسەڵاتەوەن . . دوای دانیشتنە دو قۆڵی و نهێنیەکەی نەوشیروان و مەسعود بارزانی ڕاڕاییەک باڵی بەسەر مەکتەبی سیاسی هەمو ئۆپۆزیسیۆن و بە تایبەت ینک دا کێشاوە، و هەر یەک لە خۆی دەترسێت پاشقولی سیاسی لێ بگیرێت . چونکە ناوەندی بڕیاردان لە یەکلایی کردنەوەی پێک هێنانی حکومەت دا پدک، چونکە لە هەڵبژاردن دا زۆرترین دەنگی بەدەست هێناوە، پدک خاوەنی ئەو مافەیە کێ بکاتە شەریکی دەسەڵاتەکەی، بۆیە ئەم ساتەوەختە هێندە ناسکە هەر دانیشتنێکی ژێر بەژێر دەبێتە دروستکەری گومان لای ئەوانی تر، بەوەی هەمو کەس و لایەنەکان متمانەی سیاسیان لە دەست داوە و ئەو بێ متمانەیەش هەندێ لە هەڵوێستە سیاسیەکانیش دەگۆڕیت، نمونە ئەگەر پدک و گۆڕان گەشتبێتنەخاڵێکی ڕێککەوتن، ئەوا هەمو پلانە سیاسیەکانی ینک دەبنە بڵقی سەرئاو، بەوەی دەبێت ستراتیجیەتی خۆیان خێرا بگۆڕن، کە لەگەڵ ئەو ڕێککەوتنە ژێربەژێریەی گۆڕان و پدک دا بگونجێت .
نەبونی ئاسۆیەکی ڕون لای هەموان و هەر کەس لە پارکی سیاسی خۆیدا قەراری گرتوە و چاوەڕوانی ئاڵوگۆڕە سیاسیەکانە .
ناوەندی سیاسیش بۆ یەکلاکردنەوەی کێشەکان پدک و هەر دو بەڕێز کاک مەسعود و کاک نێچیرە، کە ئەوانیش بەر لەهەر شت بەرژەوەندی سیاسی و حیزبی پاراستنی پەیوەندیە دەرەکیەکان و نەوت و داهات و مەسەلە ئەمنیەکان دەخەنە پێش مەرجی دانیشتن، چونکە من ئەو هەقە بە حیزبی گەورە و باڵادەست دەدەم کە پایەی سیاسی و هەیمەنەی دەسەڵاتی خۆی لە کوردستان و ناوچەکەدا بپارێزیت، چونکە باڵادەست ترین حیزب لەناو ساحەی سیاسیدا تەنها پدک، کە پێشتر حەریفێک و شەریکێکی هەبو، بەڵام ئەو ئێستا لە شکست دایە و ناتوانێت وەکو جاران دەنگدار بێت و خاوەن بڕیار بێت، پدک بۆ ئەوەی حکومەتێکی بنکە فراوان دابمەزرێنێت، وە کەس جارێکی تر نەبێتە ئۆپۆزیسیۆن، وە بەش بە حاڵی دەنگەکان و کەمێک خاتریشی لەگەڵ دا بێت، تا بێتە ناو حکومەتەوە .
کایەی سیاسی ئەم دەورانە جیاواز ترە لە دەورانی پێشوتر، ئەم جارە گۆڕان لە ناو یاریەکەدایە، وە تۆپیش لە دەستی پدک دایە، ئەو بە تەنها سەرپشکە کێ بکاتە برا بەش و کێ هاوڕێ ی بێت لەناو حکومەت
دا، ئەویش بە پێی بەرژەوەندیەکانی خۆی و پاراستنی دەستکەوتەکانی، مامەڵە لەگەڵ باقی حیزبەکانی تر دەکات، بێ متمانەیی ینک بە خودی نەوشیروان و کاوێژ کردنەوەی پەیمانە ئیستیراتیجیەتێکە، ئاگاداریەکە بۆ پدک کە ئەوان بەو هاوپەیمانیەتیەوە پابەندن، بەڵام پدک گوێ لە هەمویان دەگرێت و کامیان بۆ ئەو نزیکە لە بەرژەوەندیەکانی ئەوا ئەو شانسی زیاتر لە هاوڕێیەتیەکەدا هەیە . بە پدک بە برابەش کردنی هەر ڕێکخراوێک چ ینک یان گۆڕان، ئەوا بەمانای ئەوەیە دوو حیزبی باڵادەست خاوەن ئیختیارن کێ چ وەزارەت یان فەرمانگەیەکی بەربکەوێت، بۆیە ئایندەی ئەم کێشمەکێشە ناڕۆشنە
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.