عێراقا وان و كوردستانا مه...سهدیق سنداڤی
ژ ئێكا
تائیفهگێریێ و ب هێزكرنا دهستههلاتا رهها، د ڤی دهمێ داوێدا ههر وهكو دیار، ب چێركینیا تلان ژ بال رژێمێن ماوی تێكهر د عێراقێ دا، چهندین رێكهفتنێن جورا و جور ێن موركری، د چهند دهلیڤادا ێن هاتنه لادان ژ ئالیێ دهستههلاتا بهغدا ب دهست.ژ ڤێ چهندێ یا خویا دبه كو دیروكا رهش ئا ب دهستێ زلهێزێن یهك ل دیڤ یهكێ ین بغدایێ هاتیه توماركرن.جارهكا دی زیلكێن خوه دده ویا مشتهلیا بویهرێن نهخاز شتلێن كاریسات و چامێن رهش سهری هلددن و بسهر دكهڤن دكشن.بهلێ ب سهرو بهرهكی جودا و سهر ناڤهكێ دی.ئهڤهژی وێ رادگههینه كو پیلانهكێ بنڤه بنڤه، كار یێ لسهر تێكرن دژی گهلێ كورد، كو ههرێما ئازاد بهرڤ پێشهروژهكا تاری ببه، دهسكهفتێن چهندهها سالا ژ دهست برهڤینه.
ئیدی گهلێ كوردستانێ نهما دكاره ل هێڤیا گوت گوتا بمینه، باوهریێ ب فلان رێكفتنێ و بێهڤان رێكفتنێ بینه.پێتڤیه ب هشیاری سهر ڤێ پێڤاژوێ بسكنه و ئاخڤتنا خوه ههبه، ههلوێستهكا دیروكی بهرامبهری ڤی كاودانێ ههستیار رابگههینه.ل كارگێرانێن پێتڤی بكهرهه و ناڤ مالا خوه بهتر رێكبێخه و بهیزبێخه.ئیدی بهرژهوهندیا گهلێ كوردستانێ ژ ههر بهرژهوهندیهكا پارتیاتی و كهسایتی یا بهرتهنگ بێته دیتن.ئهزمون بێنه وهرگرتن ژ ههر سهر پێهاتیكا پهیوهندیدار.ههولهكا ژ دل و داگرتی بێت داین كو كورد ب كهدا دهستێ خوه، خوه خودان بكن و باوهریێ ب چ هێزێن دهوروبهر ین كوردستان داگركری نه ئینن وههمی دهما رێكهفتنێن بێ وهژدان ین دژی گهلێ كوردستانێ هاتینه ئهنجامدان ب بیربینن، ههر ژ رێكفتنا لوزانه ههتا بگههه رێكهفتنا جهزائێر.
ههلبهت ههتا كو كورد د سنورێن ناڤنهتهوی ناسكری ین دهولهتا خوهدا ژیان نهكن، نه روژ ههلاتا ناڤین ئارام دبه و نهژی گهلێن دهوربهرێ كوردستانێ ب راست و دروستی دگههن مافێن خوه ین رهوا.ل ڤیرێ ب سهرئێخستنا پروژیێ دوهلهتبونێً.پێتڤیه ههمی هێزین كوردستانی، ب ئاوایهكێ چهلهلنگ بژداربن.ئهڤهژی نهوهیه كو ئهڤ بزاڤ سهرناكڤه، نهخاسم ئهم دقوناغكێ دا دهرباز دبن كو دهر و دورێن كوردستانێ گورانكارێن مهزن لێ دروستبینه ولێ دروست دبن.ئهڤه ژی هیڤیهكا ههری زندیه كو وههڤوهلاتیێن كوردستانێ بیرێ لێ بكن وخوه ئامادهكن ژ بو وێ روژێ كو كوردستان سهرخوهبونا خوه رابگههینه و بهارا كوردی بێ روژهڤی.
ئهگهر ئهم بكورتی ب دیروكا ڤان وهلاتێن دهوربهری كوردستانێ دا بچین، ئهم دێ بینن ههمی دهما كورد ێن بینه كاریگێرین ئهرینی و بنهجه بو سهر ئێخستنا ههر ئارمانجهكا رهوا دژی داگركهرێن ڤان وهلاتا كو د همان دهمدا ژی داگهركهرێن كوردستانێ بونه، ههر وهسا د ئالوزێن ناڤخوی ژی دا، كوردا رولهكی بهرچاڤ و ئهرینی ین لیزتین ههتا ئهڤ نهتهوێن دهوروبهر گههشتنه پیكهاتنهكێ، ههر وهكی پێرابونا سهروك بارزانی د پیكهاتنا حكومهتا عیراقێ یا ڤی داویێد دا، لێ بهلێ مخابن ئهڤ رفتارین جامیرانه، پشتی دهمهكی كورت ین راستی تیكدانن و ئاسێكرنا گههشتنا مافێ گهلێ كوردستانێ ین هاتین.ئانكو دهستێن هاریكار ژبو پیكهاتنێ ێن راستی سهلخاندنێ و برینداركرنێ هاتین.
یا دیاره كو مروڤێ كورد، ب چ ئاوا عیراقێ وهكو وهلات و دهولهتا خوه نهدیته و نابینه، ئهڤهژی خوهزایه كو مللهتهك خودان دیروك و زمان و كولتورهكێ جودا و جوغرافیهكا تایبهت و ب پیلانهكی ناڤنهتهی، دور ژ ههر تیوهركی خوهزای و ساخلهم.ئاخا وی هاتبه پارڤهكرن لسهر چار دهوهلهتین دهوروبهر، كو عیراق ئێك ژوانه، ب درێژاهیا دیروكێ د چارچوڤی ڤی دهولهتێ دا ئهڤ خوه جیه، هاتبه جهوساندن، ههبون و مافێ وی هاتبه تَیكدان و بهرزهكرن.كو ئهڤ هزره د سهرێ كور و كهچێن ڤی گهلێ خوراگر دا ب بزڤن.بێژن و دهنگێ خوه بلندبكن ژ ههر ههر دوست و دژمنهكێ را، عیراقا وان كوردستانا مه، ئهڤ گریدایه ب مانا مه.
سهدیق سنداڤی
03.03.2013
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.