بزنس تان دیوه‌ هه‌ڕه‌شه‌ له‌ خه‌ڵك بكات؟. .. به‌هرۆز جه‌عفه‌ر

له‌چه‌ندین لاوه‌ كۆمه‌ڵگه‌ی كوردیی ئه‌تك ئه‌كرێت. زیاد له‌لایه‌كه‌وه‌ پرۆسه‌ی سه‌رقاڵكردن و شۆرینه‌وه‌ی ئه‌قڵ " غسیل دماخ" ی تاكه‌كان هه‌یه‌. هۆی ئه‌مه‌ش دروست نه‌بونی بیركردنه‌وه‌ی ڕه‌خنه‌گرانه‌ و كوشتنی قسه‌ی جددییه‌ له‌ماوه‌ی ئه‌وه‌نده‌ ساڵی رابردوودا. كوان ئه‌و هه‌موو ره‌خنه‌گره‌ ئازاو ئازادانه‌ی كه‌ حه‌وت ساڵ به‌ر له‌ئێستا له‌شه‌قام و ناوه‌ندی میدیایی ئێمه‌دا هه‌بوون؟!. چییان لێهات؟!.

ئه‌وه‌ روونه‌ كه‌ میدیای سێبه‌ر و سه‌ربه‌ده‌سته‌ڵات به‌ پاره‌ی خه‌ڵك خه‌ریكی به‌لا ڕێدابردن و گه‌وجاندن و تاریكاندنن. دزین و تاڵانی له‌ خواری خواره‌وه‌ بۆ سه‌ری سه‌ره‌وه‌ ئه‌م سیسته‌مه‌ی ته‌نیوه‌ته‌وه‌. به‌ڵام له‌بری دروستكردنی تاك كه‌نالی ئین ئارتی NRT و بزوتنه‌وه‌ی گۆران، به‌ته‌واوی ئیشیان له‌سه‌ر خه‌ساندنی ئه‌قل و مه‌نتق كرد. ئه‌و هه‌موو ده‌نگه‌ شاز و ناوازه‌یه‌شی هه‌بوو. له‌بۆته‌ی خۆیاندا تواندیانه‌وه‌و. ناشیرینیان كرد و. فوویان كرده‌ زۆریان و. به‌تاڵیشیان كردنه‌وه‌:

یه‌كه‌م: به‌رنامه‌یه‌ك هه‌یه‌ ناوی " ڕووداوو میژووه‌". ته‌بعه‌ن هه‌رچی بانگ ئه‌كات. باسی كۆتایی حه‌فتاكان و سه‌ره‌تای هه‌شتاكانی تێ ئه‌كه‌وێت. . ئی كه‌باسی حه‌فتاو هه‌شتاشی تیاكرا. باسی كوشتن و كاره‌ دژ به‌ مرۆڤایه‌تیه‌كانی كاك نه‌وشیروانیشی تیا ئه‌بێت. هه‌موو جار و جار نه‌جارێك ئه‌مه‌ رووئه‌دا. جگه‌ له‌وه‌ی باسی كوشتنی كۆمۆنیسته‌كانیشی تیا كراوه‌ به‌ فه‌رمانی كاك نه‌وشیروان. وه‌ڵا ئیتر به‌رئه‌نجامی ئه‌مه‌، رێخه‌ری گشتی بزوتنه‌وه‌ی گۆڕان كه‌ كورسیه‌كی په‌رله‌مانی عیراقی به‌ به‌لاش و حه‌لاش داوه‌ به‌ خوشكی خاوه‌نی نالیاو ئێن ئارتی. توڕه‌ توڕه‌ ئه‌بیت و. به‌رنامه‌كه‌ دائه‌خه‌ن. ئیتر ئه‌و ماوه‌یه‌ی كه‌ كاك نه‌وشیروان له‌ده‌ره‌وه‌ی وڵاته‌. به‌رنامه‌ی "ڕووداوو میژوو" فورسه‌ت ئه‌هێنیت و. ده‌ست پێئه‌كاته‌وه‌. ئێستا كاك نه‌وشیروان هاتۆته‌وه‌. دیسانه‌وه‌ مقۆمقۆیه‌ وا به‌رنامه‌كه‌و پێشكه‌شكاره‌كه‌شی دوورئه‌خه‌نه‌وه‌!!

دووهه‌م: كاكه‌ خۆ ئه‌مه‌ پیویستی به‌ میتۆد و دیراسه‌و. عیملاقی ئیقتێادی نییه‌. ئایا به‌پاره‌ی چاڤی لاند و دوو چوار جۆلانه‌ كه‌ هه‌ر جاری ملی دوانی له‌سه‌ر ئه‌شكێت و به‌رئه‌بنه‌وه‌! (3) سی كه‌ناڵی فوول ئێچ دی ئه‌چیت به‌ڕێوه‌؟؟؟!!. كه‌نالێكی عه‌ره‌بی كه‌ (200) كه‌سی تیا بیت. هه‌ر زۆر به‌لای كه‌مه‌وه‌ یه‌كی (500$) ی بۆ دابنه‌. مانگانه‌ ته‌نها مووچه‌ی كارمه‌ند (100000) سه‌ت هه‌زار دۆلار ئه‌كات!. جگه‌ له‌ ئه‌قماری ێناعی!. بێجگه‌ له‌ دوو كه‌ناڵه‌كه‌ی تر!!.

سیهه‌م: ئێستا له‌ عاله‌ما. مه‌رحه‌له‌ی داگیركردنی خاك و ئاسمان و ئاو و بیره‌ نه‌وت كۆتایی پێهاتووه‌. قۆناغی به‌رۆبۆتكردن له‌ ریگه‌ی ته‌كنه‌لۆژیاش تێ په‌ڕیوه‌. بانكه‌كانیش مه‌رحه‌له‌ی چه‌ته‌یی و قه‌رز و گه‌مه‌كردنیان خه‌تم كردووه‌. مه‌رحه‌له‌ی ئه‌وه‌یه‌ به‌ یه‌كجاریی شۆڕشی جه‌ماوه‌ریی و شۆڕشی قوول دژی سه‌رمایه‌داریی بیری خه‌لك ببه‌نه‌وه‌. ئه‌مه‌ش به‌ داگیركردنی ئه‌قڵی خه‌ڵك و، كۆنترۆڵكردنی جووڵه‌ی هه‌ست و ئاوه‌زی خه‌ڵك. جاوه‌كو "تیۆدۆر ئادۆرنۆ" ش له‌ دیاله‌كتیكی رۆشنگه‌ریدا ئه‌لێ " باشترین حه‌ل ته‌سلیم نه‌بوونه‌". . موشكیله‌ی سه‌رمایه‌داریی له‌ ڕێگه‌ی بانق و ئیعلامه‌وه‌ ئه‌وه‌یه‌ ڕاسته‌وخۆ هه‌ره‌شه‌ له‌ چاره‌نووسی ئینسانه‌كان ئه‌كات. بێئه‌وه‌ی به‌خۆیان بزانن. ره‌نگه‌ چه‌ند ده‌رزییه‌كی دی كادرۆن و كۆرتیزۆن به‌دوای یه‌كا. ئارامت بكه‌نه‌وه‌و. له‌گیانت خۆش بێت. به‌لام دوای موسته‌قبه‌لێك له‌ په‌ل و پۆت ئه‌خات. .

چواره‌م: خۆی بزنس و ئابوریی به‌گشتی ئامانجه‌كه‌ی بریتی یه‌ له‌ خۆشبه‌ختی كۆمه‌ڵگه‌. به‌ڵام ئه‌مه‌یان هه‌ڕه‌شه‌ له‌ كۆمه‌ڵگه‌ ئه‌كات!. هه‌ره‌شه‌كه‌ هه‌ر دزین و پاره‌لووشدانی خه‌ڵك نییه‌، كه‌ تاقه‌تم نییه‌. ئامارو داتا جارێكی تر له‌سه‌ر نالیاو هاوشێوه‌كانی بخه‌مه‌وه‌ ڕوو. به‌ڵام ئه‌م جۆره‌ ده‌ستگایانه‌ سه‌ركه‌وتوو بوونه‌ له‌كڕین و خه‌ساندن و ده‌م نوقاندنی سه‌دان گه‌نج و ڕۆژنامه‌وان و. . هه‌روه‌ك دروستكردنی لیستی ڕه‌ش بۆ سه‌دان رۆشنبیر و توێژه‌ر كه‌ ئیهمالیان بكه‌ن. پاشان دۆزینه‌وه‌ی سه‌دان ئه‌حمه‌قی حزبه‌كان و. سه‌رقالكردنی خه‌لك به‌مانه‌وه‌. قۆناغی ئاینده‌ی ئه‌م جۆره‌ بزنسه‌ ترسناكه‌ ره‌نگه‌ كوشتنی فیزیكی و موخابه‌راتی بیت. من له‌مه‌ زیاتر جارێ ناخه‌مه‌ روو.

پینجه‌م: ئه‌گه‌ر به‌ریزان كاك سۆران عومه‌ر و كاك عه‌لی حه‌مه‌ ساله‌ح وه‌ك دوو په‌رله‌مانتاری به‌ویژدان. سه‌رخواری ئه‌م ده‌ستگایانه‌ نین و. قه‌رزاریان نین له‌وه‌ی كه‌ ئه‌مان له‌ لایه‌ن ئێن ئارتییه‌وه‌ فوویان تێكراوه‌. بۆچی ده‌رباره‌ی به‌هه‌ده‌ردان و فه‌زاحه‌ت و ئیختیلاسه‌كانی نالیاو چاڤی لاندو كه‌ناڵه‌كانیان هیچ ناڵێن؟. من واز له‌و هه‌موو حزبه‌ ئیسلامی و عیلمانی و ژۆرناڵ و كۆنه‌ په‌رله‌مانتار و ره‌هه‌ندییه‌ ئه‌هلییه‌ ماستاوچییانه‌ی تر دێنم. كه‌ ئیشوكاریان سه‌ردان و ده‌ستخۆشییه‌.

ئه‌زانی چی؟. سێ و چوار مێش و مه‌گه‌ز له‌سه‌ر كورسی دانیشتون به‌ته‌نیشت یه‌كه‌وه‌. هه‌ریه‌كه‌ی " مایك" ێكیان گرتووه‌ به‌ ده‌م یانه‌وه‌. باسی چاكسازیی و پاكوخاوێنی ئه‌كه‌ن. . ئه‌گه‌ر هه‌ر له‌مه‌ش تێناگه‌ن ئه‌وه‌ كاتێكمان زانی وه‌ك خه‌ڵاتی په‌رله‌مانتاره‌ عه‌نتیكه‌و هه‌ڵاتووه‌كان. . ڕه‌شوو ڕووت كه‌وتنه‌ خه‌ڵاتكردنی نالیا. ئه‌مجاره‌ ئێژن عافه‌رم ئێوه‌ن سه‌به‌بی ئه‌وه‌ی كوردتان به‌ عاله‌می خوا ناساند!!!. ئه‌ها بیرت نه‌چێت ئه‌و له‌شكره‌ سیاسی و په‌رله‌مانتار و جه‌ریده‌وانه‌ به‌تاڵ و فشۆڵه‌ به‌رهه‌می كاری بزوتنه‌وه‌ی گۆران و كه‌ناڵه‌كانی نالیاو ئێن ئارتییه‌. " ئاقڵ بن. ده‌نا به‌ فوول ئێچ دی پیتان ڕائه‌بوێرن. خه‌ڵكینه‌. ".

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.