دوزا سه‌رخوه‌بونا كوردستانی و ریفۆاندومی دوزه‌كا نه‌ته‌وه‌ی و نیشتبمانی یه و خه‌ونه‌كا كه‌ڤنار و دێرین و پیروزا هه‌رتاكه‌كی كورده پتری سه‌دسالانه گه‌له‌ك خه‌ونی پێڤه دبینه قوربانێن مه‌زن ژێرا هاتینه دان، روبارێ خوینی هاتینه رشتن، باژار و گوند وگونده‌وار كاڤل و وێرانبوینه، ژبو ڤی خه‌ونی ب سه‌دان خورتێن كورد هاتینه ب دارڤه‌كرن و خلفا وه‌ریسان راموسینه، ب ده‌هان لژێر ئه‌شكه‌نجێده گیانی پیروز هندا كرینه، جه‌رگێن دایكان شه‌وتینه. هزرا ریفراندومی و سه‌رخوه‌بونا كوردستانی دیتن و پێشنیارا كه‌سه‌كی یان ئالیه‌كی ده‌ستنیشانكری نینه، ئه‌ڤه دوزا گوله‌ك پێنجی ملیونیه و گرێدای پێشه‌روژا هه‌موو كوردایه ئه‌ڤه خواست و حه‌ز و ئیرادا ملله‌ته‌كی یه دڤی رێز لی وه‌ره گرتن، ب دیتنا من ب چ سه‌ده‌م و به‌هانه‌به خوه ڤه‌دزین یان پشتگیری نه‌كرنا ڤی دوزی ل گوره‌ی هه‌موو پیڤه‌ران دكه‌ڤه چارچوڤی خیانه‌تا بوكه ئانكو خیانه‌تا گه‌ل و وه‌لات. ئه‌شكه‌ره‌یه كه‌س نینه نزانه كو ئیرو ره‌وشا سیاسی ل هه‌رێما كوردستانی ره‌وشه‌ك نه‌لباره هنانی راده‌یه‌ك پێشچاڤ گوتارا كوردی یه‌ك نینه ناكوكی و ئلزیێن ناڤخوه‌یژی هه‌نه تێكلیێن نێڤبه‌را پارتیێن كوردی و ئالیێن سیاسی وه‌كو پێتڤی نینه، دیسان كه‌س نینه كو نزانه ئیرو هه‌رێما كوردستانی د شه‌ره‌كی هه‌ری دژواردایه لگه‌ل ده‌وله‌تا خیلافه‌تا ئیسلامی ل ئێراقی و شامی، ژ وێژی كلێزتر ئه‌و كریزا دارای یه یا ئه‌ڤ هه‌رێمه تێده ده‌رباز دبه لی به‌لی ل هه‌مبه‌ر ڤێژی هنك خالێن پوزه‌تیڤ و د به‌رژه‌وه‌ندا كوردانده لڤی ده‌می هه‌نه ژوانان: ئیرو سه‌دسالیا لهه‌ڤهاتنا سایكس پیكوت ب داوی هات كو ب ئه‌گه‌ری ڤی ل هه‌ڤهاتنی ب سه‌دان هزار كه‌س بونه قوربان و به‌لكو گه‌له‌ك پێنجی ملیونی ب ئاخ و سه‌روه‌ت و سامانی خوه‌ڤه بویه قوربان دڤی سایكس بیكوتا نه‌دادوه‌رانه‌دا گه‌له‌كی كه‌ڤناری لسه‌ر ئاخاخوه كو ل وی ده‌می د نێڤبه‌را 750000-2000000ئاكنجیانبو هاته پارچه‌كرن و وه‌كی میراته لسه‌ر گه‌لان هاته به‌لاڤكرن كو كوردستانه و ل هه‌مبه‌ردا 50000-200000 ئاكنجی ل كوێتی و لبنانی كرنه ده‌وله‌ت و بونه ئه‌ندام د كوما گه‌لانده، به‌لی ئیرو ل سه‌دسالیا ڤی رێككه‌فتنا دویر ژ وژدانی و هه‌موو ئه‌ته‌كێتێن مروڤایه‌تیی وره‌ش یا ژ ئالیی ته‌ڤایا گه‌لی كوردڤه تی پروته‌ستو و شه‌رمزار كرن گرژبون ڤیستیڤالێن پروته‌ستوی یێن تێنه گێران وكور و سمیتار و میتیتگ یێن تێنه ل دارخستن ئه‌ژی ژبو نه‌هێلان و ژناڤبرنا ڤی لهه‌ڤهاتنی و تو خویبێن ده‌ستكردێن هاتینه ده‌ینان وجهی دلخوه‌شیی یه قه‌ت روژه‌كی گه‌لی كورد ئه‌ڤ تو خویبێن سایكس بیكوتی ناسنه‌كرینه و دانپێدانژی قی نه‌كرینه هه‌روه‌ها هه‌رێما كوردستانی وه‌كدیفاكتو ئیرو ده‌وله‌ته‌كا سه‌ربخوه‌یه تنی راگه‌هاندن مایه و جڤاكی نێڤ ده‌وله‌تی لی موكر وه‌ره چونكی ژ بهارا سالا 1991ی وه‌ره ئه‌ڤ هه‌رێمه خوه ب رێڤه دبه نزانم گرێداناوی ب ئێراقا ئه‌ره‌بیڤه چی حیكمه‌ته‌ك بو هه‌یه یا چ جوره فه‌لسه‌فه‌یه‌كه تنی دا هزری خوه دڤی خالێده بكین گرێدانا هه‌رێما كوردستانی مانه ژ ئه‌گه‌ری هه‌بونا ڤان دوو خالانه؟؟ (ئه‌وژی ئالیی ئاسایشی و پاراستنا هه‌رێمی و ئالیی دارای) نها ئێراقی بودجه‌یا پێشمه‌رگوی و خه‌رجێن وی یێن برین و مه‌هانه‌یێن فه‌رمانبه‌رێن هه‌رێما كوردستانی یا بری ئانكوئێراقَ بخوه ئامرازێن پێكڤه ژیانی یێن برین ئانكو ئێراق و حكومه‌تا رێزداا وی یا ب شێوه‌یه‌ك نه‌راسته‌وخو دبێژیته كوردان ژمه ڤه‌بن وچه‌ندین مه‌ساجێن ب ئه‌ڤی رامانی شاندینه خاله‌كا گرنگا دن دڤی ل پێش چاڤ وه‌ره وه‌رگرتن: ئیرو كورد ل جیهانی ناڤدار بوینه‌وهاتینه نیاسین كو ته‌نها هێزه كاریه شیان و گور وهه‌یبه‌تا ده‌وله‌تا ئیسلامی داعشی بشكێنه ئه‌ڤه‌ژی تشته‌كی هه‌ری گرنگه. دیسان ب رێكا تێكلیان و لسه‌ر چ ئاستبه كورد وه‌كو قوربانێن لیستكێن نێڤده‌وله‌تی و زلهێزان هاتینه نیشاندان وسوزداریا ته‌خه‌كا باش ژ خه‌لكێن جیهانی ژبو ئالیی كوردان هاتیه كێشان وئاشنای دوزا ره‌وایا وان بوینه ودوز بو وان روهن و زه‌لال بویه. لڤێره نابه ئه‌م خالێن نێگاتیف و كاریگه‌ر ژبیر بكین و دڤیا حه‌ساب ژڤان خالانره وه‌ره كرن و ب هشیاری و زانه‌بون لبه‌ر چاڤ وه‌رن وه‌رگرتن لی خالێن پوزه‌تیف پترن ئه‌گه‌ر پتر نه‌بن لی ب هێزترن له‌ورا ئیرو ده‌رفه‌ت هه‌یه كو كورد ببه خوه‌دی كیانه‌كی سه‌ربخوه و ل ئاخا خوه خوه‌دی ده‌ركه‌ڤه و ل جیهانێژی و بتایبه‌ت ل روژهه‌لاتا ناڤین ببه نماره‌یه‌كا ئاسی و حساب بو وه‌ره كرن ئه‌ڤ پرسه‌ژی نه‌یا وی یه كو مو له‌ت و ده‌ستویری ژ خه‌لكه‌كی وه‌ره وه‌رگرتن، ئه‌ڤه چاره نڤیسی گه‌له‌كی یه و ئیرادا وی یه نزانم چما ێنگاڤێن پراكتیك ناهێنه هاڤێتن؟ تنی یا بویه بابه‌تی مه‌دیایی و پێخوارنا مه‌دیاكاران و شروڤه‌كارێن سیاسی ئه‌گه‌ر ئه‌م ل به‌ندێبین ئه‌مه‌ریكا یانژی روسیا یانژی ده‌وله‌تێن كوردستان داگیر كرین بێژنه مه وه‌رن ریفراندومی ئه‌نجام بدن و ل دیڤدا ده‌وله‌تا خوه راگه‌هینن ئه‌ڤه قه‌ت روژه‌كی نابه. بلا ئه‌م وه‌كو كورد و سه‌ركردایه‌تیا كوردی ژیرنه‌كین كو راگه‌هاندنا سه‌رخوه‌بونی بی قوربانی نابه هه‌ر هچ نه‌به دڤی ل وی چاخی حسابه‌ك مه‌زن ژبو توركیا و حكومه‌تا ئاكه‌پی وه‌ره‌كرن چونكی دوژمنی هه‌ری سه‌رسه‌ختی دیروكی یی گه‌لیكورده و ئه‌وا ژێبی وی بكه لیبه‌لی خوشبه‌ختانه گه‌لی كورد ل پیخه‌مه‌تی ده‌وله‌تا كوردی به‌رهه‌ڤه هه‌موو قوربانیان بده و بلا سه‌ركردایه‌تیا كوردی گومانا وی یه‌كی نه‌به لداویی دخوازم ێژم ل گوره‌ی دیڤچونێن من لسه‌ر یایه‌تیچ ریفراندومی و سه‌رخوه‌بونا كوردستانی ئه‌و كوردێ نه مفاداوژی ژ ڤی ئه‌زمونی به‌لكو كوردێن دده‌می وژێما به‌عسدا خوه‌دی به‌رژه‌وه‌ندی و مفادارژی ئیرو پر ب گه‌رمی و په‌روش دخوازن ریفرانوم وه‌ره ئه‌نجامدان و ده‌نگ ب به‌لی ژیو سه‌رخوه‌بونی بدن
ئه‌و بابه‌تانه‌ی له کوردستان نێت دا بڵاوده‌کرێنه‌وه، بیروبۆچوونی خاوه‌نه‌کانیانه، کوردستان نێت لێی به‌رپرسیار نییه.