هه‌واڵ

فێستیڤاڵی ئه‌ده‌بی كه‌ڤاڵ ماوه‌كه‌ی درێژ ده‌كاته‌وه‌

به‌شداربه‌و به‌رهه‌مه‌كه‌ت به‌دیاری بۆ تۆمار ده‌كرێ

له‌درێژه‌ی چالاكییه‌كانی خۆیداو به‌ ئامانجی زیاتر گرنگیدان به‌بواری ئه‌ده‌بی، ده‌زگای كه‌ڤاڵ بۆ راگه‌یاندن و به‌رهه‌مهێنانی هونه‌ری یه‌كه‌م خولی فێستیڤاڵی ئه‌ده‌بی كه‌ڤاڵ سازده‌كات و سه‌ركه‌وتووانی فێستیڤاڵه‌كه‌ خه‌ڵات ده‌كرێن.

به‌گوێره‌ی راپۆرتی راگه‌یاندنی ده‌زگای كه‌ڤاڵ هاتووه‌ كه‌ ده‌زگاكه‌یان له‌ناوه‌ڕاستی ئه‌مساڵدا یه‌كه‌م فێستیڤاڵی ئه‌ده‌بی كه‌ڤاڵ بۆ شیعر و چیرۆك له‌هه‌ولێری پایته‌خت بۆ نووسه‌ران و شاعیرانی سه‌رجه‌م شارو شارۆچكه‌كانی كوردستان سازده‌كا.

هه‌ر له‌و راپۆرته‌دا هاتووه‌ سه‌ركه‌وتووانی فێستیڤاڵه‌كه‌ وێڕای خه‌ڵاتكردنیان له‌لایه‌ن ده‌زگای كه‌ڤاڵه‌وه‌، له‌ ستۆدیۆی تایبه‌تی ده‌زگای كه‌ڤاڵ به‌رهه‌مه‌كانیان بۆ تۆمار و بڵاوده‌كرێته‌وه‌.

له‌به‌شێكی تری راپۆرته‌كه‌ی ده‌زگای كه‌ڤاڵدا هاتووه‌ سه‌رجه‌م شاعیران و چیرۆكنووسانی كوردستان ده‌توانن له‌م فێستیڤاڵه‌ به‌شداربن و تاكو 25/4/2013 به‌رهه‌مه‌كانیان له‌رێگای ئه‌م ناونیشانه‌وه‌ بنێرن

Email: This email address is being protected from spambots. You need JavaScript enabled to view it.

This email address is being protected from spambots. You need JavaScript enabled to view it.

یاخود په‌یوه‌ندی بكه‌ن به‌م ژماره‌ مۆبایلانه‌

07708339990

07504566481

له‌كۆتا به‌شی راپۆرته‌كه‌دا مه‌رجه‌كانی به‌شداریكردن له‌ فێستیڤاڵ خراوه‌ته‌ڕوو، كه‌ بریتین له‌:

1- به‌رهه‌مه‌كان بڵاونه‌كرابنه‌وه‌و له‌ هیچ فێستیڤاڵێك به‌شداری نه‌كردبێ.

2- به‌ تایپكراوی له‌سه‌ر cd   یاخود به‌ ئیمێڵ بینێرن

3- به‌شداربوو ژماره‌ی مۆبایل و ئیمێڵ و c.v   خۆی هاوپێچ بكات

4- هه‌ر به‌شداربوویه‌ك بۆی هه‌یه‌ به‌ 3 به‌رهه‌م به‌شداری بكات

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.