نووسه‌ره‌ ناسراوه‌کان

   حه‌مید کافرۆشی ..دڵشاد تاقاننە

     ئه‌وپه‌ڕی به‌رزه‌‌ ڕۆحه‌که‌ت سه‌روه‌ره‌ بێ وێنه‌یه‌

     چواره‌ی وه‌رزه‌‌ مێژووه‌که‌ت ڕێنیشانده‌‌ی ئێمه‌یه‌ ‌‌

     خۆری خاکی گڵکۆیه‌که‌ت خۆری ئاسۆی لوتکه‌‌یه‌

     وادام پێشمه‌رگه‌ چیابێ شه‌هید هه‌رده‌م پۆپه‌یه‌

پیاوێکی هێمن و خۆڕاگر، تابڵێ ی ئازا و ژیر .کوڕه‌ هه‌ژارێک خاوه‌ن بڕوانامه‌ی زانکۆیی، کادیرێکی میانڕه‌وی تێگه‌یشتوو .زۆر ئاسان تێده‌گه‌یشت هه‌روا لێکدانه‌وه‌ی خۆی هه‌بوو که‌سایه‌تیه‌کی خۆشه‌ویستی هۆشیار و ساکار کارده‌ره‌وه‌ی ئاسته‌ ڕۆشه‌نبیری له‌گه‌ڵ مافه‌ مرۆڤایه‌تیه‌کان هاوده‌م له‌هزردا کارلێکه‌ر و خاوه‌ن ڕێز به‌ساده‌یی سێبه‌ری که‌سایه‌تی به‌سه‌ر هه‌موواندا ده‌ئافراند، ده‌گمه‌نه‌ که‌سێک ناسیبێتی و له‌دڵه‌وه‌ خۆشی نه‌ویستبێ !

سه‌ره‌تای هه‌شتاکان له‌زانکۆی سلێمانی له‌پاڵ خوێندنی زانستگایی هه‌ڵسوڕێنه‌رێکی چالاکی ڕێکخستنی کۆمه‌ڵه‌ی ڕه‌نجده‌رانی کوردستان بوو له‌ڕیزی پێشه‌وی کادیره‌ هه‌ره‌هۆشیار و به‌تواناکانی ئه‌وساکه‌ی خه‌باتی ژێرزه‌مینی خۆبه‌خشانه‌ بره‌وی به‌کوردایه‌تی ده‌دا .سه‌رڕای خوێندن کاری ده‌کرد بژێوی خۆی دابین و هاوکاری گوزه‌رانی خانه‌واده‌ هه‌ژاره‌که‌ی بوو، هه‌میشه‌ وه‌ک براگه‌وره‌ پێشڕه‌وی که‌س و کاری بوو .

پێشمه‌رگه‌یه‌کی بوێری یه‌کێتی نیشتمانی کوردستان له‌هه‌رکوێ با هه‌موو به‌رپرسیاریه‌کی پێشمه‌رگانه‌ی به‌وپه‌ڕی تواناوه‌ به‌جێ ده‌گه‌یاند بێ گوێدانه‌ پله‌ و پایه‌ هه‌رچه‌نده‌ له‌توانا فه‌رمانده‌ و سه‌رکرده‌یه‌کی مه‌یدانی هه‌روابێته‌وه‌ کادیرێکی لێوه‌شاوه‌ی ناو جه‌ماوه‌ر و هه‌ڤاڵانی .

ساڵی 1985 له‌گه‌ڵ شه‌هیدی قاره‌مان حه‌مه‌عه‌لی له‌گوندی بامرکان به‌ده‌ستی چه‌ند جاشێکی ویژدان فرۆش شه‌هیدکران،  گیانی شاد و یاده‌وه‌ری ئه‌و قاره‌مانه‌ سه‌روه‌ریمانه‌ .

               This email address is being protected from spambots. You need JavaScript enabled to view it.       

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.