ژنبوون لە ئیسلامدا تاوانە! سەبارەت بە ڕووداوەکەی شاری مەریوان ! ... حەمە غەفور
ژنبوون، لە ئیسلامدا تاوانە! ژن لە قورعاندا سەنتێزی سوکایەتیو بەکەم سەیرکردنە! ژن لە سەرتاپای ئایدیۆلۆژی ئیسلامیدا دەرەنجام بە مرۆڤ دانانرێت. هەر لەوێشەوەیە کە ٤چوار ژن بە یەک شاهید ئەژمارئەکرێت! ژن لە ئیسلامدا بە "حەشارگەی شەیتان" ناوزەدکراوە، بۆیە بەگوێرەی شەریعەتی ئیسلام، یەک پیاو هەقی پێدراوە لە یەککاتدا چەندین ژنی هەبێت!!
لەکاتێکدا سەرجەمی فیکری پێشڕەو، جیهانی شارستانی، بەپانتایی گۆی زەوی ژنان بە سەرچاوەی مرۆڤبوونو سەرچەشمەی میهرەبانیو وەفاو دڵسۆزیی تەماشائەکەن! بەمپێیە کەواتە ئیسلام مادامەکی بەوجۆرەی باسکرا تەماشای ژنان ئەکات، ئەکەوێتە ناکۆکی جددییەوە لەگەڵ ئینسان، لەگەڵ مێژووی درەخشانی مرۆڤ، لەگەڵ چاوەڕوانییەکانی ئینسانی تەندرووست! هەموو ئەمانەش پێمانئەڵێن؛ تەوهینو سوکایەتیکردن بە ژنان، بێئەملاولا تەوهینو سووکایەتیکردنە بە پیاوانیش، تەحقیرکردنە بە ئینسانییەت! بەهیچ وێناکردنی مانا گەوهەرییەکانی ژیانە! کەواتە مەرجی سەرەکیی ڕزگاریی ژنان هەڵگرتنی دەستی ئایینی ئیسلامە بەسەر سەری ژنان، مناڵان، بەسەر سەری پەروەردەو فێربوونو بەسەر سەری کۆمەڵگاو دەسەڵاتەوە! جیایی ئایین لە دەوڵەتو لە پەروەردەو فێربوون، دروشمێکی پڕاوپڕ ئەمڕۆژیو نەوعدۆستانەو ئازادیخوازانەیە !
ژنانو پیاوان پێکەوە ئەتوانن کۆتاییبێنن بە هەڵاواردنی نێوانیان. کردەنییەو حەیاتیشە، ژنانو پیاوان بەرامبەر بە تەحقیرو سوکایەتیپێکردنیان، لەلایەن هەر هێزو ئاراستەیەکی سیاسیو ئایینییەوە بێت، هاوڕاو هاوڕێو یەکگرتووبن! ڕزگاری ژنان لە کۆیلایەتی پیاوان، نوخشەی ڕزگاری پیاوانو کۆمەڵگاکانیشمانە!
١٨نیسان٢٠١٣
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.