زانا دڵشآد دزه‌یی

كانی هه‌ڵه‌بجه‌یی بۆ یه‌كه‌مجار گۆرانییه‌كی خۆشه‌ویستی تۆماركرد كه‌ چیرۆكه‌كه‌ی راسته‌قینه‌یه‌ و له‌هه‌فته‌ی داهاتوو كلیپه‌كه‌شی بڵاوده‌كاته‌وه‌.

كانی هه‌ڵه‌بجه‌یی كچێكی شاعیر و میدیاكاره‌، ئێستا له‌كه‌ناڵی رووداو پێشكه‌شكاره‌، هه‌رچه‌نده‌ پێشوو دوو گۆرانی گوتووه‌ بۆ كاره‌ساتی هه‌ڵه‌بجه‌، به‌ڵام ئه‌مجاره‌یان گۆرانی بۆ خۆشه‌ویستی گوتووه‌ به‌ناوی (من و ئه‌و) .

كانی هه‌ڵه‌بجه‌یی له‌باره‌ی ئه‌م گۆرانییه‌ به‌ (سڤیل) ـی گوت "ئاوازی گۆرانی (من و ئه‌و) ئاریۆس حه‌مه‌سه‌عیده‌ و تێكستی خۆمه‌، ئه‌وه‌ یه‌كه‌مجاره‌ گۆرانی بۆ خۆشه‌ویستی بڵێم و تێكسته‌كه‌ش چیرۆكێكی راسته‌قیه‌نه‌یه‌ و زۆر كه‌س خۆیان تێدا ده‌بیننه‌وه‌". ئه‌م گۆرانییه‌ له‌ چه‌ند هه‌فته‌ی رابردوودا له‌لایه‌ن ده‌رهێنه‌ر سامان عه‌دانان كلیپ كرا و پشتیوان ره‌سوول مونتاژی بۆ ئه‌نجام ده‌دات.

كانی گوتیشی "هاوكاری سه‌ره‌كیم هونه‌رمه‌ندی ئازیز ده‌شنی موراد بووه‌، كه‌ به‌راستی شایانی سوپاسه‌".

سه‌رچاوه‌: سڤیل

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

سازگار سه‌عید، له‌زنجیره‌ درامای ئه‌ناهیتا رۆڵی دكتۆره‌یه‌ك ده‌بینی به‌ناوی "به‌ناز". ئه‌مه‌ش ده‌بێته‌ یه‌كه‌م كاری سازگار له‌درامادا.

سازگار سه‌عید له‌لێدوانێكیدا به‌ (سڤیل) ـی راگه‌یاند، ئه‌و وه‌كو ئه‌كته‌رێكی سه‌ره‌كی به‌شداری له‌درامای (ئه‌ناهیتا) كردووه‌ و ده‌ڵێت "ئه‌ناهیتا له‌نووسینی دكتۆره‌ كوردستان موكریان و سیناریۆ و ده‌رهێنان و وێنه‌گرتنی محه‌مه‌د جانۆیه‌، ناوه‌ڕۆكی دراماكه‌ باس له‌كچێك ده‌كات كه‌ كێشه‌ی كچان و ژنان چاره‌سه‌ر ده‌كات و به‌هۆیه‌وه‌ تووشی زۆر ناخۆشی دێت، به‌ڵام ناتوانی كێشه‌ی خۆی چاره‌سه‌ر بكات، من رۆڵی (به‌ناز) ده‌بینم، به‌پێچه‌وانه‌ی ئه‌ناهیتا به‌ئاواته‌كانم ده‌گه‌م ده‌بم به‌ دكتۆره‌". سازگار ئاماژه‌ی به‌وه‌شدا ئه‌م درامایه‌ له‌هه‌ولێر وێنه‌ی بۆ گیراوه‌ و قۆناغی وێنه‌گرتنی ته‌واو بووه‌، له‌ 15 ئه‌ڵقه‌ پێكهاتووه‌ و بڕیاره‌ له‌م نزیكانه‌ په‌خش بكری.

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

له‌به‌ر دوو هۆكار خانمه‌ ئه‌كته‌ر سه‌ما ئیسماعیلی رازی نه‌بوو به‌شداری له‌ فیلمی سیمای خۆڵه‌مێش بكات.

له‌وباره‌یه‌وه‌ عه‌بدولخالق جه‌وده‌ت به‌ڕێوه‌به‌ری به‌رهه‌می فیلمی خۆڵه‌مێش به‌ (سڤیل) ـی راگه‌یاند، داوایان له‌ سه‌ما ئیسماعیلی كردووه‌، بۆئه‌وه‌ی رۆڵی سه‌ره‌كی له‌فیلمه‌كه‌ ببینی، به‌ڵام ئه‌و ره‌تی كردۆته‌وه‌ به‌شداری بكات له‌به‌ر دوو هۆكار.

به‌ڕێوه‌به‌ری به‌رهه‌م دوو هۆكاره‌كه‌ بۆ (سڤیل) ئاشكرا ده‌كات و ده‌ڵێت "سیناریۆكه‌ ماچی تێدایه‌، به‌ڵام سه‌ما رازی نه‌بوو ئه‌و دیمه‌نه‌ ته‌مسیل بكات و داوایكرد ئه‌و دیمه‌نه‌ لاچێت، هه‌روه‌ها داوای بڕه‌ پاره‌یه‌كی كرد وه‌كو حه‌قی خۆی، پاره‌كه‌ بۆ ئێمه‌ زۆر بوو، بۆیه‌ ئاماده‌نه‌بوو به‌شداری له‌ فیلمه‌كه‌ بكات".

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

به‌پێی هه‌واڵێكی له‌گۆڤاری (سڤیل)، هونه‌رمه‌ند جه‌لال سه‌عید له‌سه‌ره‌تای هه‌فته‌ی رابردوو به‌ په‌له‌ گه‌یێنرایه‌ نه‌خۆشخانه‌ دوو نه‌شته‌رگه‌ری بۆ ئه‌نجامدرا.

به‌هۆی تووشبوونی به‌ نه‌خۆشی پرۆستارتی میزلدان، هونه‌رمه‌ند جه‌لال سه‌عد دوو نه‌شته‌رگه‌ری بۆ ئه‌نجامدرا و تائێستا له‌نه‌خۆشخانه‌ خه‌وێنراوه‌.

له‌وباره‌یه‌وه‌ هونه‌رمه‌ند شه‌ماڵ، كوڕی جه‌لال سه‌عید به‌ (سڤیل) ـی راگه‌یاند "باوكم تووشی نه‌خۆشی پرۆستارتی میزلدان بووه‌، باری ته‌ندروستی ته‌واو تێكچوو، له‌ماوه‌ی شه‌ش رۆژ دوو نه‌شته‌رگه‌ری بۆ ئه‌نجامدرا و تائێستا بێهۆشه‌". هه‌روه‌ها شه‌ماڵ راشیگه‌یاند، باوكی له‌نه‌شته‌رگه‌رییه‌كه‌ سه‌ركه‌وتوو بووه‌ و سوپاسی دكتۆر محه‌مه‌د سوهه‌یب سوبحی موفتی ده‌كات، كه‌ هه‌ڵسا به‌ ئه‌نجامدانی نه‌شته‌رگه‌رییه‌كه‌.

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.