سنور ئالانی، تهمهن 21 ساڵ، له سلێمانی كچه پێشكهشكارهكهی كهناڵی ئێن ئارتییه و له ههولێریش كچهكهی كافرۆشه، ماوهیهكی تریش ههموومان ئهو فیلمه دهبینین كه سنور ئالانی رۆڵی كچی كافرۆشی تێدا بینیووه، دوای تهواوبوونی وێنهگرتنی فیلمهكه (سڤیل) چاوپێكهوتنێكی لهگهڵ ئهنجامدا، بهڵام ئهو وهكو خۆی گوتی "ئهمه دوا چاوپێكهوتنی من دهبێت تاوهكو ماوهیهكی زۆر چاوپێكهوتنی رۆژنامهوانی ناكاتهوه". سنور هۆكاری ئهم بڕیارهش باس دهكات.
سڤیل: دهرهێنهری فیلمی كچی كافرۆش دهڵی "سنور ئالانیم بهبی تێست ههڵبژارد بۆ رۆڵی كچی كافرۆش". ئهی تۆ چۆن قبوڵت كرد بهبی تاقیكردنهوه رۆڵهكه قبوڵ بكهی؟
سنور ئالانی: من نهچوومه ناو ئهو پێشبڕكێیهوه كه 85 كچ ئهو تێستهیان كرد، كاتێك كه دهرهێنهر تهنیا كهریم پهیوهندی پێوه كردم و گوتی تۆم بۆ ئهو رۆڵه داناوه و دڵنیام سهركهوتووبی و دواتر یهكترمان بینی بۆئهوهی گفتوگۆ بكهین دیاربوو ئهو لهلایهن خۆیهوه بڕیاریدابوو من رۆڵی كچی كافرۆش ببینم، بهڵام من وهكو لایهنه رسمیاتهكان تێست كرام، ههم تێستی حیوار ههمیش نواندن.
سڤیل: باس لهوه كراوه تۆ وازت لهكهناڵی nrt هێناوه، ئهوه راسته؟
سنور ئالانی: لهدوای ههڵبژاردنی من وهكو كچی كافرۆش لایهنی رازی و ناڕازی ههبوون لهسهر من، ههندێك پێیان وابوو كهسی شیاوتر لهمن ههبوو و روخساری من لهكچی كافرۆش ناچێت ههندێكیش پێیان وابوو تهنیا كهریم ئیشه راستهكهی كردووه، من سوپاسی ههردوو بۆچوون دهكهم و منیان هاندا خۆم ماندوو بكهم لهئیشهكه، بهڵام منیش ههمیشه گوتوومه پێش رووداوهكه مهكهون و فیلمهكه ببینن ئینجا بڕیار بدهن بۆ ئهو رۆڵه شیاوبووم یان نا. من كاتێك لهسهر وێنهگرتنی فیلمهكه بووم بهردهوام راگهیاندنهكان پهیوهندیان پێوه دهكرد بۆ چاوپێكهوتن و من لهوكاتهوه ههرچییهكم گوتووه لههیچ لهقسهكانم پهشیمان نیم، بهڵام ههندی لهقسهكانم بهئاراستهیهكی تر بران و قسهی منیان بهئارهزووی خۆیان نووسی بوو. لهبهرئهوه من لهراگهیاندنهكان دڵم شكا و من خۆشم رۆژنامهنووسم و ئهخلاقی رۆژنامهنووسی رێگه بهوه نادات مهبهستی كهسێك بگۆڕی فرۆشی خۆت پێ زیاد بكهی. بهڵام من دهرسم لی وهرگرت و لهدوای ئهم چاوپێكهوتنهی (سڤیل) باوهڕ ناكهم تاوهكو ماوهیهكی زۆر چاوپێكهوتن بكهم و دووردهكهومهوه لهچاوپێكهوتن.
سڤیل: كهواته وازت لهكهناڵی nrt نههێناوه؟
سنور ئالانی: نهخێر وازم نههێناوه و تهنیا یهك مانگ مۆڵهتم وهرگرت، من ئهو كهناڵهم زۆر خۆشدهوێت لهبهر سی شت، یهكهم: nrt ئهو جێگایه لهماوهیهكی زۆر كورتدا منی بهزۆر له ئاواتهكانم گهیاند. دووهم: شت لهبهرئهوهی هاوسهرهكهم له nrtیه واتا بهشێك لهژیانم لهوێیه، ههروهها لهبهرئهوهی كهناڵێكی سهربهخۆیه كه ههریهكهمان دهتوانی ئهوهی دهیهوی لهوی بهدهستی بێنی. بۆیه ئاماده نیم واز لهم كهناڵه بێنم ئهگهریش ئیشی باشترم ههبی.
سڤیل: ئهگهر لهخۆت بپرسم، تاچهند روخسارت لهم تابلۆیه دهچێت كه به"كچی كافرۆش" ناسراوه؟
سنور ئالانی: من لهڕێگهی بهرنامهكهی خۆمهوه زانیم فیلمێكی وا ههیه كاتێك تهنیا كهریم داوهتی بهرنامهكهی من بوو گوتی ئێمه چهند كهسهكانێكمان دهستنیشان كردووه و لهئێستادا سی كچ ركابهری دهكهن بۆ بهدهستهێنانی رۆڵی كچی كافرۆش، دوای بهرنامهكه لهگهڵ سهرنووسهری بهرنامهكهم سهیری وێنهی كچی كافرۆشمان كرد كاتێك تهنیا كهریم بهئێمهی دا، بهسهرنووسهری بهرناكهم گوت ههست ناكهی لهكچی كافرۆش دهچم؟ بڕوا بكهن ئهسڵهن پێشئهوهی لهخهیاڵم بێت ئهو رۆڵه ببینم و پێشم نهگوترابوو خۆم پێم وابوو لهكچی كافرۆش دهچم و دواجار كه جلهكانی كچی كافرۆشم لهبهركرد و ستایلی قژم بۆ دانرا بهڕاستی ههستم كرد بهڵی روخساری من زۆر نزیكه لهكچی كافرۆشهوه.
سڤیل: بینینی رۆڵی كچی كافرۆش بۆ تۆ قورس بوو یان ئاسان؟
سنور ئالانی: جگه له كچی كافرۆش، من پێشتر له درامای "سایه" رۆڵم بینیووه، هاتنه دهرهوهی له كهسایهتی سنور خۆی لهخۆیدا كارێكی قورسه، من زۆر خۆم ماندووم كرد و ههوڵمدا و بهڕاستی چوومه ناو كهسایهتییهكه، له ئێستادا داواكاری كارێكی ترم بۆ هاتووه تائێستا رهزامهندیم نهداوه، لهبهرئهوهی وا ههست دهكهم هێشتا لهناو شهخسیهتی خاتوون دام، تهنانهت لهژیانی رۆژانهی خۆشم. چونكه ماوهیهكی زۆر لهگهڵ ئهو سیناریۆ و شهخسیهته ژیاوم، لهبهرئهوه ههست دهكهم هێشتا كچی كافرۆشم.
سڤیل: حهقی تۆ له فیلمهكهدا وهكو باس دهكری شهش ملیۆن دیناره، راسته؟
سنور ئالانی: ئهو گرێبهستێكی زۆر تایبهته لهنێوان من و دهرهێنهر، ههر چهندێكم وهرگرتبی بهحهقی خۆمی دهزانم، چونكه ماندوو بووم، بهڵام زیاتر له شهش ملیۆن دیناره.
سڤیل: تۆ گووت ئهمه دوا چاوپێكهوتنی تۆیه تاوهكو ماوهیهكی زۆر، چ شتێك گرنگه باسی بكهی و رایبگهیهنی؟
سنور ئالانی: سوپاس بۆ ئهوانهی كه رهخنهیان ههبووه و تێبینیان لهسهر فیلمهكه ههبوو، چونكه دهنگدانهوهیهكی زۆر باشی ههبوو لهناو راگهیاندنهكان چ بهخراپ چ به باشهوه، بهههر ههموویان دهڵێم چاوهڕی بن كاتێك كه فیلمی كچی كافرۆش نمایشكرا دواجار منیش وهكو بینهرێك سهیری دهكهم و ئینجا دهزانم چیمان كردووه و چیمان نهكردووه.
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.
ههتا دێت دۆخی سیاسی لهههرێمی كوردستان لهقۆناغێكهوه دهچێته قۆناغێكی ترو روداوهكان لهدوای خۆیدا جی دههێلێت، دهچێته ناوبارودۆخێك زۆربهزهحمهت بیردۆزی وێك چوونی بیركردنهوهوئایدۆلۆژیایهكی تایبهت بهیهك خوێندنهوهی جێگیر لهبهرامبهرسیاسهتهكه پهیوهست دهكرێت.ئهم پێشهاته زادهی ههل ومهرجێكی دوای قهیرانێكی سیاسی یاخودئابووری نیه بهڵكو گۆرانكاریهكه زهرورهتێكه لهدهرهوهی ئیرادهی هێزه سیاسیهكانه هاتووهو خۆی دهسهپێنێت بهجۆرێك گشت لایهنه سیاسیهكان دهخاته بهردهم ژینێكی تازهی دوای ههڵبژاردن و ناچار بهقهبولكردنی گۆرانكاریه سیاسیهكانیان دهكات، جا ئهو وهرچهرخانه تهواو خۆماڵیبن یانیش ئ كهم تازۆر كاریگهری ههرێمایهتی و نێو دهوڵهتیان بهسهرهوه بێت.لهگهڵ زۆربوونی ژمارهی دانیشتوان لهعیراق بهگشتی و ههرێمی كوردستان بهتایبهتی، ئاراستهی دواندنی تاكهكان ڕوهو پرسه ئابوریهكه گیرساوهتهوه، ههرحكومهتێكیش كهلهدهرهنجامی ههڵبژاردنێك یاخود بارودۆخێكی ناسروشتی خوڵقاندبێتی لهپهیامهكهیدا بنهمای خزمهت كردنی هاوڵاتیانی دهكاته مژدهدهری ئهوچاوانهی نیشانهو تێروانینیان لهسهر بهرێوهبردنهكهیه، كهئایا سیاسهت لێرهدا قۆرخكاری و خۆزاڵكردنی براوهی تێ دهكهوێت ودهیكاته ئهولهویاتی كارنامهیهكی حزبی، لهبهرامبهردا كارلهسهرفراوانكردنی چهمكی هاوڵاتی بوون و هاونیشتمانی بوونی تاكهكانی دهكات؟ بهدرێژایی تهمهنی حوكمڕانی ئهوپرسیاره خولاو دهبێت و بهبی شهرم ووهستان خۆی دوبارهدهكاتهوه لهئاست ئهو وهڵامه جۆراوجۆروقهناعهت پی نهكراوانهی پێشبینی دهكرێن وهڵام بدرێنهوه!!! ڕهوشی كوردستان زۆرترین جیاوازی ههیه دهگهڵ ناوهراست وخواروی عیراق بهتهفسیره جوگرافیهكهی كه مهبهست لێی عیراقێكی یهك پارچه بێت، له كوردستان داهاتی تاك روهو ههڵكشان ڕۆیشتووه سهرهرای زیاد بوونی پێویستیه مهدهنی و ژیاریهكان، بههۆی پهیوهندیه سیاسیهكان و مامهڵه ئابوریهكانی، ههرێم ههنگاوی چالاكیهكانی بهقهد چهندین ساڵی تهعامولی بی بهرههم لهگهڵ ناوهند گهیاندۆته ئاستێك كهوهكوژمارهیهكی دهست لی ههڵنهگیراو حسابی بۆبكرێت، فاكتهری بنهڕهتی بۆدروست بوونی واقعهكه دۆزینهوهی نهوت و گازی سروشتیه كه ههرێم یهكێكه لهدهوڵهمهندهكانی ئهم دووبواره، چهندهها كۆمپانیای ههمه جۆرو فرهنهتهوه پێشبركێی مۆركردنی گرێبهست دهكهن و پرۆپۆزهڵ بۆ ئاوهدانكردنهوهو بهكاربردنی ووزه دهخهنه پێش ئیمزای كۆتایی حكومهتی ههرێم، هاتوون توانای خۆیان پیشان دهدهن كۆنتراكت بهدهست بهێنن، تاكو ئێره حاڵهتێكی سروشتیه كه ههرێمی كوردستان لهسهرهتایی گهشهكردنی خۆیهتی بۆبهدهست هێنانی ئامانجهكانیان ماندووی بكهن، ئهوهی ئێستا بهنهزهری سهرجهم هاوڵاتیان بهههمووجیاوازیهكی بیروراو دیدگای سیاسیانهوه گرنگیهكهی لهپرسه سیاسیهكهو جۆرو پێكهاتهی حكومهتی داهاتوو بهلایانهوه زیاتره، باری بژێوی و خۆشگوزهرانیهكهیه كهلهمهودوا چی لی بهسهردێت؟ ئایا لهناو دۆزینهوهو دهرهێنانی دهریا نهوتیهكان، بوونی تاك وهكو كوردستانیهك لهكوێی پێناسهو داهاته ئابووریهكه دهبێت؟ هاوكات بهزۆربوونی رێژهی نهوت و رادهی ههناردهكردنی بۆدهرهوه، وێرای بهرزو نزمی لهنرخ و جۆریهتی خواست و خستنهڕو، بهرنامه ئینتخابیهكان و ئهولایهنهنانهی بۆچوارساڵی ئایینده جڵهودهگرنه دهست پێمان دهڵێن نابێت لهماوهیهكی كهم و دیاریكراودا كهسێك ههبێت لهداهاتهكهی سوودمهند نهبێت! خێزانێك بهدیناكرێت كهڵك مهندی مووچهی سۆسیال نهبێت و جیاوازیه چینایهتیهكان بهبی دهسكاریهكی ڕیشهیی بمێننهوه، بهڵكو ئهوجاره حكومهت بریتی دهبێت لهحكومهتی هاوڵاتی، ئیتر ئهو خۆی ڕسمی ههڵبژاردنهكانی داهاتو دهكات و متمانه دهبهخشێته راستگۆترین حزب و راشكاوترین لیست، مهودای هاتنهدی پێشبینیهكی وهها گهشبین تهنها لهسهر ئیرادهیهك دهوهستێت باوهری بهیاریكردن بهكات نهبێت، باوهری بهخۆرێكستنهوه ههبێت كه كۆمهڵگا لهقۆناغی بهرخۆری و بی بڕوایی یهوه بگوازێتهوه بۆ دۆخی خۆژینی بهمهرجی جێگیربوونی تهواوی مافهشارستانی و مهدهنیهكانی لهداهاتی نهتهوهیی ووڵات، ئهم مافه چ بهبهشداریكردنی بێت لهپشكی بهرههمهكانی سامانی نهوت بهگشتی، چ بهبڕینهوهی ووشكه پارهیهك كه قابیلی گۆرانكاری بێت لهگهڵ گهشهسهندنی بارودۆخی خێزان و بهیاسارێكخراو بێت كه ژیان وگوزهرانێكی باش دابینبكات و نهچێته خانهی خێرپێكردنێكی كۆمهڵایهتی و خۆدیتنهوه لهلیستی بێكاراندا، ئهم لێكدانهوهیه بهرجهستهكردنی رهئی شهقامه كه بێجگه لهحكومهتێك ئهومافانهی بۆ دهستهبهركات هیچ تهفسیرو ئهئویلێكی دیكه لهسیاسیهكان قهبول ناكات ڕهنگه ئهوهی بۆنههێتهدی سزادانی بۆسهرسندوقهكانی دهنگدان ههڵبگرێت.