ههموو میللهتان چهند سیفهتێكی هاوبهشیان ههیه چونكه ههموو وهك یهك مروَڤن، لهبهرئهوه نابێت خۆمان له میللهتانی تر به گهوره تر بزانین و دهبێت به دووری نهزانین خوانهخواسته ئهو نهخۆشی و قهیرانهی كه تووشیان بووه تووشی ئێمهش ببێت.
هیچ كهسێك ئهوهی له خهیاڵا نهبوو میللهتی میسر پاش شۆڕش كه ههزاران دانا و بیرمهند و زانای ههیه، بهم شێوه تراجیدیایهی ئهمڕۆ دوو كهرت ببێت و به ملیۆنهها بهرانبهر یهك ڕابووهستن و دهستیان بچێته خوێنی یهك تر، ئێمهش وهك ئهوان ئادهمیزادین و كهم و كوڕیمان زۆر تێدایه.
وهك ئاشكرایه كوردوستان بێجگه له قهیرانی ناوخۆ كه زۆر باسیان لێكراوه قهیرانی دهرهكی گهورهی ههیه، بۆ نموونه ڕۆژ له دوای ڕۆژ گوند و شارۆچكهكانی سنووری ههرێم یهك لهدوای یهك له دهست دهردهچن و دانیشتوانی له دهست كوشتن به فیشهك یان له دهست كهم دهرامهتی و بێ پاڵپشتی ههڵدێن، بۆیه كۆچدهكهن و شوێنی باو باپیرانیان جێدههێڵن، ههروهها ڕۆژانه له باشوورهوه دهیان خێزانی ناسریه و كهربهلا له كهركوك لهسهر حسابی كورد و توركمان و عهرهبی خهڵكی شارهكه جێنشین دهكرێن، كهچی ئێمهش تازه شهڕهپهڕۆ و شهڕی تر دهكهین كه زۆر باسیان لێكراوه بۆیه نامهوإ له سهریان بڕۆم بهڵام ڕوودهكهمه سیاسهت مهداران و دهڵێم: سهری ههمووتان ماچ دهكهین، كوڕینه هیممهتێك، تا نهكهوتوینهته گێژاوهكهی میسر.
سهركردهی سهركهوتوو (دهسهڵاتدار بێت یان له حزبی نهیار) له گفتوگۆكردن ناترسێت، و ڕاستیهكان له جهماوهرهكهی نا شارێتهوه و بهرژهوهندی گشتی پێش دهخات و له میللهتی خۆی دوور ناكهوێتهوه به تایبهتی له ههژار و ڕهش و ڕووتهكان.بهڕاستی جێی نیگهرانیه بۆ ههموو لایهكمان كه ڕیش سپیهكی نزیك ههشتا ساڵهی كوردی پاشماوهی ئهنفالهكان به پهیامنێرێك بڵێت به خوا ڕۆڵه ههر ڕۆژهی و له بن دیوارێكم و خهڵكی خێرم پإ دهكهن!!! لێپرسراوه حزبیهكان (دهسهڵاتدار یان نهیار) چ وهڵامێكتان پێ دهبێت ئهگهر پهروهردگار پرسی ئایا ئهمه پاداشتی كابرایه كه ساڵههای ساڵ خۆتان و پێشمهرگهكانتان له ماڵی ئهو ڕیش سپیه و نموونهی وهك ئهو خواردنتان دهخوارد و شهوتان له ماڵیان دهكردهوه، و كاتی ئهنفالهكانیش به تهنیا له بهردهم شاڵاوی سهربڕین و تهعهدالێكردن جێتان هێشتن، ئێستاش ئێوه له كوێن و ئهوان له كوێ؟! بهداخهوه زۆر جار له بیرمان دهچێت كه پهروهردگار خزمایهتی لهگهلڕ كهس نییه وه ههر كهسێك خراپه بكات به ئهنجامی خراپهكهی خۆی دهگات (لیس بڕمانییكم ولا ڕمانی ڕهل الكتاب من یعمل سو و ا یجز به) و ههر میللهتێكیش ستهم كاری و نا عهدالهتی تێدا بڵاوبێت وێران دهبێت و لهناو دهچێت (وتلك القری ڕهلكناهم لما ڤلموا) .
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.
بیرمه، (7) ساڵ پێش ئێستا لهماڵی خۆیان مهحمود سهنگاوی ئهندامی مهكتهبی سیاسی (ی، ن، ك)، خۆیان لهمیانی چاوپێكهوتنێكدا پێی ووتم: حهویجه یانی حاویهی جاف، كاتی خۆی حاویهو موڵكی جافهكان بووهو، كوێستان و گهرمیانیان كردووه، ههتاوهكو ووتیشی: ئێستا قهبری مهحمود پاشای جاف لهناو مزگهوتهكهی شارهباندایه!!. ساڵ هاتو ڕۆیشت، ڤیستڤاڵی جاف بوو، پێموتن: ههقوایه ئهمجاره بێتهوه ڤیستڤاڵهكه ببهنه حهویجه. هیوادارم ئێستاش ئهم بۆچونهم بهههند لێوهربگرن.
مانگی ڕابوردوو زوَربهی سایتهكان و كهناڵهكان و ڕۆژنامهكانی ههرێمی كوردوستان سهرقاڵی بابهتی ههڵبژاردنی سهروَكی ههرێم بوون، خوێنهری بهڕێزیش كهوتبووه نێوان دوو جوَر دید و بۆچوون. بهشێكیان: نووسهرهكانیان بههیچ شێوهیهك به ههڵبژاردنهوهی كاك مهسعود بارزانی جارێكی تر بوَ سهروَكایهتی ڕازینین. بهشی دووهمیشیان: به لابردنی كاك مهسعود بههیچ جوَرێك ڕازینابن و بهڵكو به قهدهغه و حهرامیشی دادهنێن. پرسیاری منیش ئهوهیه: ئایا ناكرێت بهڕێز سهروَكی ههرێم لهگهڵ بهڕێزان سهركردهكانی ئۆپۆزسیۆن بۆ چارهسهركردنی ئهم كێشهیه چهند جارێك دابنیشن؟؟ به ئامادهبوونی كهسانێك كهنیازی خۆكاندیدكردنیان نهبێت و سهر بههیچ لایهكیان نهبن و بهئاشكرایی و دوور له موجامهله و دبلوَماسییهت باس له ههموو بۆچوونهكانی ئهو مهسهلهیه بكهن و ههموو گرفته سهرهكییهكان شیبكهنهوه؟؟ تاوهكو میللهتی كورد به ئاسانی ئهم قۆناغه ناسكه تێپهڕێنێت؟ با لێرهدا مێژووی دوور و نزیك بخوێنینهوه، بهڵكو پهندی لێوهرگرین.
ئێوارهی ڕۆژی 16ی ئازاری 1988، سهرههواڵی کهناڵێکی تهلهڤزیۆنی ئێران، جهستهی لوول کردم و ڕۆحی زامدارمی هێندهی دیکه وێران کرد. . (لهپاش ئازادکردنی شاری ههڵهبجهی باکووری عێراق، لهسهر دهستی هێزه قارهمانهکانی قهرارگای ڕهمهزان و پێشمهرگه کورده ئێراقییهکان، فڕۆکهکانی سهدامی کافر، شارهکه به بۆمبی ژههراوی بۆمبباران دهکهن! ههزاران کهس له خهڵکی مهزڵووم و بێدیفاعی ئهم شاره شههید و ئالووده دهبن!) وێنهکانی مهرگی ههڵهبجه، یهک له دوای یهک، له چاوی "تی ڤی"یهوه بۆ چاوکانی زهینی من دهپهڕنهوه و له قووڵایی بوونمدا، بۆ ئهبهد دهمێننهوه! کۆڵانهکانی منداڵییم. له تهرمی خۆشهویستانم سهرڕێژن، دهشتی "عهنهب"، بووهته گوڵجاڕی ڕۆحه ههڵفریوهکان، "کانیشێخ" و دهوروبهری کارێزی "حاجی ناجی" سیخناخن له لاشهی سووتاوی ژن و منداڵان، ئیتر شوێنێک بۆ دهورکردنهوهی دهرسهکانی "کیمیا" نهماوه! کۆڵانهکانی گهڕهکی "پیرموحهمهد" و "تووهوشک"، پڕن له تراکتۆر و پیکابی تژی له مرۆڤه خنکاوهکان. ماڵی "عهلی حهمهبۆر" و "ئیسماعیلی حاجی ئهولقار" به ڕووخاوی دهبینم. . رێک ئهو ژوورانهی ماڵهکانی ئهوان دهبینم که چهندین ڕۆژان، حهشارگهی بێترسی ئێمه بوون! له "کانییهقووڵکه"، منداڵان دهبینم که مهمکی ژاراویی دایکیان دهمژن! دایکم، برام، خوشکهکان، خوشکهزا و برازاکانم! وێنهکانی ئهوان وێناناکهم! ههموو وێنهکان ئهوانن و ئهوانیش ههموو وێنهکانن! وێنهکان مێشکم جام دهکهن، بیرکردنهوهم ئیفلیج دهبێت و تهنها وێنه ژههراوییهکان دهبینم. ههموو وێنه خنکاوهکانی منداڵیی خۆم و ههموو یادهوهرییهکانم، له گڕهی ژههردا، پهل دهکوتن و له گیانهڵادان. . ههموو شتێک کهوتووهته ئاویلکه و ژیان لهنێو گۆڕی بهکۆمهڵدا خهوتووه!