نازەنین محەمەد رەشید زولاڵ، ساڵی (1947) لە شاری کەرکوك لە دايک بووە، قۆناغی خوێندنی تا پۆلی چواری سەرەتای لە قوتابخانەی هاشميە بووە لە بەر کاری باوکی لە کۆمپانیای نەوتی کەرکوک تا ساڵی (1956)دەگەڕێنەوە شاری سلێمانی پۆلی پێنج و شەشەمی سەرەتايی لە قوتابخانەی( مختەلیتە ) تەواو کردووە، قۆناغی ناوەندی و دواناوەنديی لە ئامادەی (سلێمانی) کچان تەواوکردووە کە يەکەمی شاری سلێمانی بووە. لە بەشی وێژەيی. ساڵی (1969-1970) زانکۆی بەغداد کۆلێژی پەروەردە بەشی مێژووی تەواو کردووە، سەرەتاي دەستبەکاربوونی وەك مامۆستای وەك وانەبێژ لە خویندنی ئێواران وانەی وتوەتەوە، پاشان لە ناوەندی ژین وانەی ووتوەتەوە، پاش دووساڵ وەك مامۆستا دەست بەکار دەبێت لە ناوەندی (ژین)ی کچان تاساڵی (1977) . پاشان بێ ئاگاداری خۆی گواستراوەتەوە بۆ خانەی ماموستایانی کچان پاش ساڵێك گەراوەتەوە بۆ ناوەندی( ژین)ی کچان هەرسێ بابەتی کۆمەڵايەتی بە پۆلی سێی ناوەندی ووتوەتەوە، پاشان
پۆلی (٤ تا ٦ ) لە ناوەندی ژین کراوەتەوە،
هەدوو وانەی مێژوو و جوگرافیای بە پۆلی پێنج و شەشی ئامادەيی ووتوەتەوە. لەدوای ڕاپەرین جارێکی تر گواستراوەتەوە بۆ خانەی مامۆستایان ئەم جارەیان زۆری پێخۆش بووە .
مامۆستا نازەنين جگە لە وانە وتنەوە کاری لەگەڵ ڕێکخراوی ژنان کردووە بەتایبەتی بەشی پرۆژەکان،
لە کردنەوەی مەڵبەندی نەخویندەواری لە شار و لادێکان ڕۆڵی سەرەکی هەبووە، پرۆژەی کاری بەرهەمداری بە تایبەتی بۆ ژنانی ئەنفال لە کەلار وچەمچەماڵ کردووەتەوە، دامەزراندنی سەنتەری ڕاهێنان بۆ ژنانی ئەنفال وکەم دەرامەت لە سلێمانی بەهاوکاری( UN )ڕێکخراوە جیهانیەکان. کردووەتەوە ، بەشداری چەندین کۆنفرانسی کردوە لە ئاستی جیهانی (کۆنفرانسی جیهانی UN لە کۆبنهاگن پایتەختی دانیمارک) تەوەری سەرەکی وتارەکەی باسی ژنانی ئەنفال و ئەو تاوانانەی کە بەرامبەریان کراوە لە زيندانەکان، وتارەکەی بە ئینگلیزی بووە بە ناو نیشانی
Kurdish Women as Victims of war
واتا ژنانی کورد قوربانی جەنگ بوون. لە فەرەنسا بەشداری کۆنفراسی کردەوە ، هەروەها لە نەرویج و سوید بەشداری چەندین كۆڕو کۆبوونەوەی کردووە لە سەر ئەنفال و توندوو تیژی لە سەر ژنان، لە پەرلەمانی بەریتانی چەندین جار بەشدار بووە لە کۆڕو کۆبوونەوە. پاش روخاندنی رژێمی سەدام حسین چووە بۆ بەسرە و شارەکانی باشوری عێراق بۆ ئاڵوگۆڕی بیرراو چی بکریت بۆ ئەو ژنانەی هاوسەرەکانيان نەماوەو توندوتیژيان بەرامبەر دەکرێت لە دەسەڵات، بەڵام زۆر لەوێ نەماوەتەوە جگە لەوەش هەندێ کۆبوونەوەی لەگەل مامۆستا ژنەکان کردووە کە زۆر نائومید بوون ژيانيان زۆر ناخۆش بووە وەکو زیندان بووەو ناتوانن وەک جاران بچینە دەرەوە، وتارێکی لەسەر نووسیون بەناوی
(Cage birds Iraqi women) ژنی عێراقی لە نێو قەفەسدا. ساڵی ( 2004-2007) لە ئەفغانستان کاری کردووە، هەر لەسەر توندوتيژی دژی ژنان چۆنیەتی هاوکاری کردنی خێزان و تاکەکان
لەگەڵ رێکخراوێکی ئەڵمانی لە (هیرات)ی کابول کاری کردووە. ساڵی (1995)خانەنشين بووە.
هیوای تەمەن درێژی و لەش ساغی بۆ دەخوازين
ئامادەکردنی /نیهایەت مەحمود
مۆزەخانەی پەروەردەیی سلێمانی
