نووسه‌ره‌ ناسراوه‌کان

ئاڵوودەبوون وە مەم!* ...دارا خونچە

چاوم هێندە بە هەڵبەز و بە دابەزە

     لە هیچ جێیەک ئۆقرە ناگری

   لێ هەر دەمەک لە نێوانی دوو مەمکۆڵان

          دەنیشتەوە؛

   یەکسەر جوولە و هەڵفڕینی بیردەچتەوە!

 *  *  *  *  *

مەل و پەڕندەی زۆر جوان هەن:

قەتێ و قومری و چین و ماچین و تاوس و پۆڕ. . .

لێ گشتیان ناگەن وە یەک جۆت

 تەنێ یەک جۆت. . کۆتری سپیی دەندووک سۆر!  

 *  *  *  *  *

هەر مەتەڵ و راز و نهێنییەک نەیزانم

    هیچ چار نییە. . ئەز دەبێژم:

         ئەوە. . مەمە!

 *  *  *  *  *

هەڵگوشین و ئازاردانی مەم لەکنە من

   لە هێڵی سۆریش سۆرترە و هێڵێ (زۆر)ە

وەلی دەمەک - جاروبارەک -

  ئەز دەروەستی دەست و پەنجانی خۆم نایەم

  لە ناخی ناخی ناخەوە

   هەڵدەتەکێم. . دادەهێزرێم. . دادەبێژرێم

   هەست بە تاوان و زۆرداریی و

      دەستدرێژیی و ستەم دەکەم!

گەر دەسەڵاتی دەستبازیی لە دەست خۆم با

  هەرچی بە ئاستەم ئازاری مەمی دابا

  هەر خۆم دەبووم:

  بە دادوەر و پارێزەر و سکاڵاکەر

   تاوانبارم بۆ تاتایێ

    بە بێبەشبوون لە مەمکۆڵان سزا دەدا!

 *  *  *  *  *

گەر دکتۆر بام

شەڕی جیهانی سێیەم و

شەڕی جیهانیی چارەم و پێدا بڕۆ. . . . تا سەتەمم

  لەگەڵ شێرپەنجەی مەمکۆڵان بەرپا دەکرد!

 *  *  *  *  *

هەرچی بازنە و شێوە خڕن

   لە رامان و مێشکی مندا. . تەنێ مەمن!

رۆژەک لە وانەی ماتماتیک - دەستپێکی ساڵ -

مامۆستایەکی جوانکیلە - لە توخمی مێ -

  پرسی و گوتی: ئا دەی (دارا) هەستە سەرپێ

   یەک بازنەمان لەو دەوروبەرە پێ بڵێ؟

هەر چاوەکم کردە چار چاو. . کردە سەت چاو

     وەلی هیچم وە هیچ نەکرد. . .

لەپڕ چاوم هەڵفڕیە سەر سینگوبەرۆکی مامۆستا و

هێندەک بە نەرمیی هاتمەگۆ:

مامۆستا زەحمەت مەبینە. .

   هەر بە ئاساتەم دوگمەی سینەت بترازینە

   لە جیاتی تەنێ یەک بازنە. .

       دوو بازنەی نازک ببینە!

مامۆستا سۆر سۆر هەڵگەڕا. .

تا (سەری ساڵ)یش تێپەڕی

لە نێو یەک بازنەی (بێ شەرمیی و بێ رەوشتیی!!)

         بەندی کردم!

 *  *  *  *  *  

دوا بیردۆزیشم ئەوەیە؛

 جیهان لەکنە من یەک رەنگە و

      ئەویش تەنێ رەنگی مەمە!

 *  *  *  *  *

ئەز پێموابی

 وە جامی مەم سەرمەست بوومە و

 زۆر وە سەختییش زمدار بوومە؛

ئەی ئەوە نییە: ئیدی ئەمن

  - لە مەم پتر. . هیچ نابینم

  - لە مەم پتر. . یەک وشەش چییە نایبیستم

  - لە مەم پتر. . نە تام. . نە بۆ

     نە هەست وە هیچ تشتەک دەکەم!

ئیدی ئەمن وە جامی مەم سەرمەست بوومە. .

  لە ژێر هێز و هەژموونی مەم (تەخت) بوومە!

_____________________________________________

  * مەم لەکنە من هەر تەنێ ئەو ئەندامە خڕکەڵە سرک و جوان و دڵفڕێنە نییە کە لە سەر سینگی ژن ئافەریدە بووە و سەربەرزانە سەرکردایەتیی جەنگی سێکسیی دەکا، بەڵکە ئەفسوونەکیشە پڕاوپڕ لە راز و نهێنیی و لە ژێر رۆشنایی ئەوینەکی تەڕ و راشکاوانە نەبی داناگیرسێ و هەرگیز پەی بە کارایی ئاورینگی خرۆش و جوانییەکانی نابردرێ و هەرگیزیش وەک خودی خۆی - کە یەک پارچە لە تەلیسم و پەرجووە - ناناسرێ!

dxunce@yahoo. co. uk

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.