جەمال چاوشین

یادەوەریەکانی ڕۆژانی پێشمەرگایەتی.. گرتنی ووڵاتی کوێت لەلایەن دەوڵەتی عێراقەوە...جمال چاوشین

سەرکردایەتی یەکێتی نیشتیمانی کوردستان بەشێوەیەکی زۆر باش خەریکی تەشکیلاتی تازەو گۆڕانکاری لە هێزی پێشمەرگەدا دەکرد، خەریکی ئامادە کردنی مەفرە پارتیزانەکان بوو دەورە لەسەر دەورە دەکرایەوە، کۆمەڵ کۆمەڵ پێشمەرگە بەشداری لەم دەورانەدا دەکرد، دەورەکان چەند مانگێکی دەخایاند لەم سەروبەندی گۆڕانکاری و دروستکردنی مەفرەزە پارتیزانەکان و خۆئامادەکردنی یەکێتیدا،  

بەبڕیارێکی داگیرکەرانەی سەدام حسەین لە ڕۆژی ٢/٨/١٩٩٠لەشکری عێراق لە ماوەی ٢٤سەعاتدا ووڵاتی کوێتیان داگر کرد* داگیر کردنی ووڵاتی کوێت لەلایەن عێراقەوە سەدام حسەین و ڕژێمەکەی خستە گەورەتین هەڵەوو گەورەتین سەرپێچی نێودەوڵەتی، کە چاوەڕوان نەدەکرا بەئاسانی لێی دەرباز بێت، بەڵام ئەم هەڵە گەورە کوشندەی حوکمەتی عێراق، ڕژێمەکەی کردیان، گەورەتین هەلبوو بۆ خەڵکی کوردستانو شۆڕشەکەی ڕەخساند*سەرئەنچام ئەم هەڵە گەورەیەی سەدام بوە هۆی ڕوخانی ڕژێمەکەی،

 بۆ داگیر کردنی دەوڵەی کوێتو درێژەدان بەداگیرکاریەکەی حوکمەتی عێراق ٧٠٪ لەشکرو سوپاکەی لەکوردستان کێشایەوەو بەرەو کوێتی برد بەشێکی کەمی هێشتەوە، بەم کارەشی بۆشایەکی سەربازی لەکوردستاندا دروستکرد، ئەوسوپا دڕندەیەی بەدەیان ساڵ بەرزایوو گردو دۆڵو شاخی کوردستانی داگیر کردبوو، ئێستا بۆ داگیرکردنی دەوڵەتێکی عەرەبی دەبات، کوردستان چۆڵدەکاتو لەچیاکان دێتەخوارەوە، کوردستان بەچێدێڵێ، ئای لەو هەلە مێژویە کەبۆ کورد ڕەخساوە،

لەم هەلومەرچەدا سەرکاردایەتی یەکێتی نیشتیمانی کوردستان دەستی کرد بەناردنی مەفرەزە پارتیزانە ئامادەکراوەکان بۆ ناوچە جۆڵکراوەکانی کوردستان، تاببنە پردی پەیوەندی خەڵکی ئوردوگاو شارەکان و سەرکردایەتی، تاببنە داینەمۆی چۆشدانەوەی خەڵکە دیلکراوەکەی کوردستان، بۆ ئەم مەبەستە زوربەی زۆری ناوچەکان مەفرەزەی پارتیزانی شارەزای بۆ ڕەوانەکرا،

 لەڕؤژی ١٣/٨/١٩٩٠ سێ مەفرەزەی پارتیزان بەسەرپەرستی کاک سەرکەوتی کوببە لەژێر چاودێری سەرکردایەتی چونە ناوچەی شارباژێڕ لەدوروبەری شاخی لەرێ و گووندی دێگەلە جێگیر بوون تاڕاپەڕینەکە مانەوە*

   ****چۆن مەقەرمان بردە گوندی پاشبەرد****

لە دوای گرتنی کوێتەوە لەلایەن دەوڵەتی عێراقەوە ئومئدی ڕزگاری خەڵکی کوردستان لەئاسۆدا دەبینرا، دوای ئەم ڕوداوە سەرکردایەتی یەکێتی کەوتە چموچوڵوو کۆبونەوەو خۆئامادە کردن بۆ هەموو ئەگەرەکان، بەتالوێنی٧ بەهامان شێوە جەند کۆبونەوەیەکی کرد بەفەرماندەکانی بەتالووێن و هێزەکەی، ڕۆژی ٢٠/٨/١٩٩٠ کۆبونەوەی بەتالوێنمان هەبوو لە گووندی بلەکێ لەکۆبوونەوەکەدا بڕیاردرا وەکوو مەفرەزە پارتیزانەکانی تر، ئێمەش وەک بەتالوێن مەفرەزەی پارتیزان دروست بکەین و بنێردرێنە ناوچەی شارباژێڕ.بۆ ئەو مەبەستە شەهید زورار و کاک جمال ئەبوشۆربیان دەسنیشان کرد مەقەرێکی نەبینراو {مەخفی}ببەنە ناوچەی زاخێ وەکو مەفرەزەکانی سەرکردایەتی، رۆژی٢٤/٨/١٩٩٠ مەفرەزەکە بەسەرپەرشتی کاک جمال ئەبوشۆرب ڕۆشتنە خوارەوە لەناوچەی زاخێ چێگیر بوون هەتا ڕاپەڕین مانەوە، ئەم مەفرەزەی بەتالوێن ٢٠ڕۆژ جارێک بەدل دەکران، لە هامان کۆبونەوەدا منیشیان ڕاسپارد بۆ پاڵپشتیو بۆ ڕەوانە کردنی ئازوقە بۆ هەموو مەفرەزە پارتیزانەکان مەقەڕەکەمان ببەمە گووندی پاشبەرد لەدیووی گۆڵێ بۆ ئەوەی ئەم مەقەڕە بکەینە بنکەی سەرەکی خزمەت گوزاری، بنکەی فریاکەوتن، گەیاندنی خۆراک بۆ هەموو مەفرەزە پارتیزانەکانی ناوچەی شارباژێڕ .مامۆستا جمال پێی ووتم هەرجی زووە شەوێ بچۆ بۆ دیوی گۆڵی گووندی پاشبەرد، بەڕۆژ بگەڕێ شوێنێکی باش دەستنیشان بکە تا مەقەڕی کەرتەکەی لێدانێیت، ئێوارێیەك لەگەل چوار پێشمەرگە منو هێمنە ڕەش، دوو پێشمەرگەی تر بەسەیارەکەی بەتالوێن چوینە گوندی کەنەسورە لەوێشەوە شەو بەدزی سەیتەرەی پازدارەکانەوە چوینە گوندی پاشبەرد ڕۆژەکەی گەڕاین شوێنێکی پەناو باشمان دەستنیشان کرد شەوی دوای چۆن هاتبووین ئاوا گەڕاینەوە لەگەڵ مامۆستا جمال کاك ئازاد دەرەمیانەی شێخ کامیل شەهید زورار دانیشتین تەگبیری بردنی خێمەیەکوو ئەشیای مەقەڕەکەمان کرد ئەوان ووتیان هەموو ئەشیاکانتان بەسەیارە بۆ دەنێرینە گووندی کەنەسورە یان سارداو ئێوەش بەشەو بەوڵاخ دوور لەچاوی پازداران بیبەن بۆ گوندی پاشبەرد بەتالوێن بۆ ئەو مەبەستە چوار هێستری باشیان کڕی،

کەرتەکەی ئێمە ٢٨ پێشمەرگە دەبوین من فەرماندەی کەرت* شەماڵ علی باپیر*جێگر کەرت، جوتیار، و هێمنە ڕەش فەرماندەی مەفرەزە بوون، لە گەڵ شەماڵ ئیشوو کارەکانمان دابەش کرد، ئێمە ١٥پێشمەرگە خۆمان حازرکرد کیسەخەو بەتانی، ئاردوو برنج و هەموو پێویستی مەقەڕمان پێچایەوە بە چەند جارێک بەسەیارەکەی بەتالوێن بردمانە کەنەسورە* لە گوندی کەنەسورە لەپەنایەکدا ژوری ماڵێکمان بەکرێگرت ئەشیاکانمان لێدانا* ٢٩/٨/١٩٩٠شەوی یەکەم خۆموو ١٠ پێشمەرگە جوینە گوندی کەنەسورە جوار هێسترەکەی خۆمان برد جوار هێستری تر لەگەڵ دوو پیاو کەخاوەنیان بوون بەکرێمان گرتن، خاوەن هێسترەکان باش شارەزای ڕێگەکە بوون، بەشەوو هەشت باری باشمان بارکرد خۆمان کرد بەووڵاخار چەکەکانمان خستە ناوبارەکانەوە، دوای گرتنی کویت ئەو ڕێگەیە بەشەوو ووڵاخار هاتوجۆیان پێدا دەکرد لەسەر سنور پاسدارەکان شتێ پارەیان لە ووڵاخارەکان وەک شێرینی وەردەگرت ئیزنیان دەدان دەڕۆشتنە ئەودیوو، ئێمەش ئەوشەوە بۆدەرباز بوون یەک یەکوو دوو دوو خۆمان کردە خاوەنی بارێکو هێسترێک پارەی شیرنی خۆماندا و تێپەڕین چوینە دیوی باشوری کوردستان.بۆ ئەوەی خێرا شوێنی مەقەڕەکەمان کەشف نەبێت.کاتێ نزیک بوینەوە لە شوێنی مەقەڕەکە کەدەستنیشانمان کردبوو دوو ووڵاخارە مەدەنیەکەمان لە پەنایەکدا گلدایەوە حەرەسم بەدیارەوە دانان.خۆمان هێسترەکانی ئەوانیشما برد بارەکانمان لێداگرتنو هێسترەکانمان بۆگێڕانەوە، شەوی دوەم دوو پێشمەرگەمان ناردەوە بەهێسترەکانی خۆمان چوار باریتر ئازوقەوو ئەشیا بێنن لەگەڵ پێنچ پێشمەرگەی تردا کەچێمابوون ئەوانیش هاتن.زۆر بەباشی سەرکەوتووانە بە دوو شەوو خۆمانو هەموو ئەشیای مەقەڕەکەمان دوور لەچاوی ئێرانەوە بردە گووندی پاشبەرد، بە دوو سێ ڕۆژ جێگە خێمەیەکی زۆر باشمان چاک کرد بەبەرد نیوو مەتر دیوارمان دروست کرد بۆ ناو خێمەکە، خێمەکەمان هەڵدا زۆر رێکووپێک بەستمانەوەو قایمان کرد، شوێنی خێمەکەش لەنزیکی کانیو ئاوێك بە نەدیووی لەپاڵ بەبەرزاییەوە بوو، لە گۆڵێوە کەسەربازگەی عێراقی لێبوو دیار نەبوو*لە ڕەبیەکانی ئێرانیشەوە نەدەبینرا*

   ****گوندی پاشبەرد****

گوندی پاشبەرد لەسەروی ڕۆژ هەڵاتی شاری سلێمانیە، لە پشتی گوندی گۆڵێوە بوو سەر بە قەزای پێنجوینە دراوسی ئەم دێهاتانەیە، گۆڵی، سیاگوێزە* شەپاڵ* مێشەرۆ* بەرانبەر شاخی تالێرە، ٥کم لەڕەبیەکانی سەر سنوری دەوڵەتی ئێرانەوە دوور بوو، لەبەر ئەوەی نزیکی سنوری دەستکردی ئێران* عێرقە.لەساڵی١٩٧٨ بەناوی ٢٠کم پشتوێنەی ئەمنی بەر شاڵاوی ڕاگواستنی ڕژێمی بەعس کەوتبوو.* ئەوکاتەی ئێمە چوین هەموو ناوچەکە چۆڵ بوو، هەندێ شوێن سەربازگەی ڕژێمی عێراقی تێدا بوو، وەکوو سەربازگەی، گۆڵێ، مەخفەری گوندی سیاگوێز، بەدەوری چادەکەدا هەتا شارۆچکەی پێنچوێن ڕەبیەی ئاوەدانی تێدا بوو، پشتی گوندی شەپاڵ رەبیەی ئاوەدانی عێراقی لێبوو، بەشەو وڵاخار هاتوو چۆیان دەکرد بەکەمی،

**دوای داگیر کردنی ووڵاتی کوێت نەتەوە یەکگرتووەکان حەساریان خستە سەر عێراق **

بەزەختی ئەمەریکا نەتەوە یەکگرتووەکان لەتۆڵەی داگیرکردنی ووڵاتی کوێت گەمارۆییان خستە سەر عێراق، بەهۆی حەسارەوە کەمبونەوەی خۆراک گرانی قاتوو قڕی لە عێراق و کوردستاندا دروست بوو، بۆ کەم کردنەوەی کاریگەری حەسارەکە حوکمەتی عێراقی ڕێگەی بە تاجروو خەڵکە دەوڵەمندو پارەدارەکان دەدا وەرەقی هاتوچۆی بۆدەکردن، کە لە ئێرانەوە خواردنوو ئەشیا بهێنن، ، بۆ ئەم مەبەستە جەندین مەرز لەسەر سنوری ئێران کرانەوە، بۆ دابینکردنی خواردن خەڵکی پارەدار ڕویان لەم مەرزانە دەکرد، لە نزیکی ئێمەش لەگوندی گۆڵێ مەرزێکی بازرگانیان کردەوە پێش ئێمە کەمەکێ چموچوڵی ووڵاغاری هەبوو بەڵام زۆر کەم بوو کاتێ ئێمە مەقەڕمان لە پاشبەرد کردەوە ڕۆژ بەڕۆژ گوندی گۆڵێ گوندی پاشبەرد قەرەباڵغتر دەبوو بەئاشکرا بەرەی کوردستانی گومرگی دانا، ، مەفرەزەیەکی سەر بەبەرەی کوردستانی کە پێکهاتبوو لە پێشمەرگەی هەموو حیزبەکان، خاڵە نەجم وەندەرێنەی کە فەرماندەیەکی پارتیبوو سەرپەرشتی مەفرەزە تێکەڵەکەی بەرەی دەکرد، پارێزگاریان لە مەقەڕی گومرک دەکرد، چەندین خێمە لەوناوە بۆ بازرگانی هەڵدران، خانویەک بۆ چایخانەو خواردنگا دروستکرا، بوە مەرزێکی پڕداهات، بەسەدان کەس هاتوچۆیان دەکرد، بەشەوو بەووڵاغ هەموو چۆرە کاڵایەک دەهات، بەتایبەتی خواردەمەنی وەک ئارد.ڕۆن، شەکر، برنچ، هەموو چۆرە خواردەمەنیەک دەبرانە گوندی گۆڵێ لەوێشەوە بەئاشکرا بەسەیارە دەگوازرایەوە بۆ شاری سلێمانیو شارەکانی تر، شەوی واهەبوو ٤٠٠تا ٥٠٠ بار کاڵای ئێرانی دەهاتە پاشبەرد، گومرگ دەکران و لەوێشەوە بۆ گۆڵێ، مەفرەزەیەکی حیزبی شیوعی کاک{حمەڕەشی قرەداغی} بەرپرسیان بوو هاتن لە دەستە چەپێ ئێمەوە بنکەیەکیان دانا برادەرانی پارتی لەبن شاخەکەدا لەسەرووی ئێمەوە مەقەڕیان دانابوو، برادەرانی پارتی دەیانگوت پێش ئێوە هاتووین کاک شەریف سەعید ناسراو بە{شەریفە کەچەڵ} سەرپەرشتی بنکەکەی پارتی دەکرد، بەداخەوە کاک شەریف لە سالی ١٩٩٤ لە شەڕی ناوخۆ کوژرا، ئەم بنکەو بارەگایانەی لە گوندی پاشبەرد دانرابوون دور لەچاوی ئێرانەوە هاتبون * تەنها ١٠ کەسی برادەرانی پارتی لەلایەن دەوڵەتی ئێرانەوەو سوپای پێنچی پازدارانی سەر سنور بەئاشکرا لەبەر ناسیاوی کاک شەریف ڕێگە پێدراوبوون سوپا نەیان دەزانی ئێمە لەوێ هەین،

  ****بەچەی بارزانی یان بەچەی شەریف **** 

ڕۆژێ کاک شەریف بەمیوانی هاتەلامان چەند کاتێ پێکەوە دانیشتین قسەوباسمان زۆر کرد، کاک شەریف پیاوێکی قسەخۆش، لێزان بوو خەڵکی گوندی شەپاڵ بوو ناوچەکە زۆر شارەزا بوو، فەرماندەیەکی دڵسۆزی پارتی بوو، ووتی ئێوە بەقاچاخ هاتوون بەڕۆژ بەئاشکرا ناتوانن هاتوچۆ بکەن، بەڵام ئێمە بەئاشکراهاتوین پرسمان بە سوپای پێنچی پاسداران کردووە، ووتی زۆربەی دەرەچەدارەکانی سوپای ناوچەکە دەناسم ئەوەندەم هەدیە بۆ بردون دەمی هەمویانم چەور کردووە، چیان لێداوا بکەم چیم بوێت بۆم دەکەن، بە پایەگای سەر ڕێگەکەم ووتووە هەرکەسێک بەناوی منەوە هاتوو چۆبکات ڕێگەی لێمەگرن ئەوانیش ڕازی بوون، ئەگەر ئێوەش ئەتانەوێت تاک تاک بەڕۆژ بەئاشکرا هاتووچۆبکەن دەتوانن بەناوی ئێمەوە بڵێن بەچەی شەریفین* یان بڵێن* بەچەی بارزانین* ڕێگەتان لێناگرن، بەڵام بەکۆمەڵ ناهێڵن، سندوقێ فیشەکیشی بۆ هێنابووین، زۆر سوپاسمان کرد ووتمان ئێمە واهاتووینەتە ئێرە ئەو هاتوچۆ زۆرە نەکەین، هەرکارێکمان هەبوو بەشەو دەیکەین*

   ****گەیاندنی ٢٥ تەن خواردەمەنی****

ئیدارەی بەتالوێنی٧ لەشاری بانە یان بلەکێوە بەسەیارە ئەشیاو خواردەمەنیان دەناردە گووندی کەنەسورە ئێمەش هەموو شەوێک بە هێسترەکانی خۆمان چوار بار ئەشیاو خواردنمان دەهێنایە پاشبەرد، کردبومان بەسەرە ئەو پێشمەرگانەمان دەنارد کەلەبارو بارکردنیان دەزانی بەزۆری شەهید {مام واڵی}و{دلێرە بجکۆل ماوەتی} دەچون، بەم شێوەیە بەدوو مانگ .نزیکەی ٢٥ تەن خواردنمان گەیاندە گوندی پاشبەرد لەوێشەوە بۆ مەفرەزەکانی خوارەوە* مەفرەزاکانی شارباژێڕ خۆیان دوو هێستریان هەبوو خۆیان دەهاتن لای ئێمەوە بەشە ئازوقەی خۆیان دەبرد، مەفرەزەکانی کاک سەرکەوتی کوبە بەزۆری دوو پێشمەرگە دەهاتن بارە خواردنیان دەبرد، ئەوانیش {نەوزاد کریم، حەمە شوکێی} دوپێشمەرگەی تەباو ڕۆحسوکو ئازا و گورچوگۆڵ بوون، چارێکیان پرسیارم لە کاک نەوزاد کرد ووتم بۆ ئێوە بەزۆری دێن کاك نەوزاد ووتی برادەران هەمویان شارەزای ڕێگەکە نین یان لەبارکردن نازانن* خۆشمان حەزدەکەین بێن هەم جەوێک دەگۆڕین، کەدێنە لای ئێوە تێر برنچ و شلەی فاسۆلیاش دەخۆین لای خۆمان ڕۆژی واهەیە سێ ژەمە نانو چایە، هەموچارێکیش پێمان دەڵێن ئەگەر دەکرێت یەک نان زیاتر مەخۆن بۆئەوەی نانمان لێنەبڕێ، ئەم برادەرانە بەشەو بەناو ئەڵغامو ئەو هەموو سەربازگە و ڕەبیەی دوژمندا ئەو هەموو ڕێگەیە کە نزیکەی ٩سەعات ڕێگە دەهاتن خواردنیان بۆ برادەرەکانیان دەبرد، زۆر دڵخۆش بوون بەوەی کەژەمێ یان دووژەم تێر برنچوو شلەیەیان لای ئێمە دەستدەکەوتو دەخوارد، مەرزی گۆڵیو گوندی پاشبەرد ڕۆژ بەڕۆژ قەرەباڵخ دەبوو ڕۆژانە خەڵک بۆ سەردانوو هەواڵپرسینی شۆڕشو پێشمەرگە لەشاری سلێمانییەوە سەردانیان دەکردین، پێشمەرگەو خەڵکی ئاوارە لە ڕۆژهەڵاتەوە بۆ هەواڵپرسینی کەسوکاریان دەهاتن، ئێمەش هەمیشە دوو حەرەسمان هەبوو، پێشمەرگەکانم ڕاسپاردبو نابێ بەتەنیا دوربکەونەوە لەمەقەڕەکە، بۆ هەرشوێنێک دەچن سێکەس پێکەوە بچن، ئاگادارم کردن بەهیچ جۆرێک نابێ پێشمەرگە بچێت بۆ گۆڵێ کەمەرزەکەی لێیە چونکە گۆڵێو مەرزەکە لەژێر سەیتەرەی حوکمەتی عێراقدا بوو سەربازگەیەکی گەورە چاودێری دەکر* دوو پێشمەرگەم ڕاسپارد کە چاودێری ئەو کەسانە بکەن کەلە عێراقەوە دبنە میوانمان، ئاگاربن لەهەر ڕوداوێکی نەخوازراو.چونکە زانیاریمان هەبوو دەزگا ئەمنیەکانی بەعس خەڵکی خۆیان ناردبوە مەرزەکان بۆ زانیاری کۆکردنەوە و دەست وەشاندن لەپێشمەرگە، ئەوانەی دەهاتن بازرگانیان دەکرد خەڵکی باشو دڵسۆزیان تێدا بوو هەواڵو زانیاریان دەداینی، پیاوێکی سیتەکی بازرگانی دەکرد ناوەکەیم بیرنەماوە خزمی شەهید {عباس سیتەکی} بوو لەگۆڵی و پاشبەرد ئەشیای دەبرد، ڕۆژی پیم ووت فەردەیەک ئاردت بۆ دەکڕم بیبە بۆ دایکم ووتی باشە.ئەو بەڕێزە زۆر دڵسۆزانە فەردە ئاردەکەی گەیاندە دەستی دایکم، دایکم چوبوە تەمەنەوە لەترسی دەزگا ئەمنیەکانی بەعس لە ئۆردوگای باریکە لەپەنایەکدا ماڵێکی بەڕێز ژورێکیان پێدابوو بەتەنیا دەژیا، ، ، ،

ئێمە ١٥ پێشمەرگە لە واجبدا بووین بەڵام ڕۆژی واهەبوو ١٠پێشمەرگە دەبونە میوانمان چەند ڕۆژێك دەمانەوە تا ئیشو کارەکانیان تەواو دەکرد، ئێمە هاوکاریمان دەکردن، ڕۆژێك پێشمەرگەیەك هات بەمیوانیمان ناوی {بەختیار ژینۆ} بوو پرسیارم لێکرد چۆنە هاتووی بۆ ئێرە ووتی زانیومە ئێوە لێرەن بێتاقەت بووم لەژیانی شاری بانە هاتوم چەویک بگۆڕموو ماوەیەک لەگەڵ ئێوە دەمێنمەوە، داوت لێدەکەم وەکو پێشمەرگەکانی خۆتان واجباتیش بۆ من دەست نیشان بکەن، لێرەوەش هەواڵێکی کەسوکارەکەشم دەپرسم، چەند ڕۆژێک مایەوە، ڕۆژی ١٠/١٠/١٩٩٠ لە مەرزەکەی گۆڵێوە خەبەریان بۆ هێنام ووتیان ئەمشەو پێشمەرگەیەک ناوی بەختیارە دەزگا ئەمنیەکانی عێراق گرتویانە خستویانەتە سەیارەیەکی ئەمنەوە فرانویانە بەرەو شاری سلێمانی، هەواڵی گیرانی کاک بەختیارمان زۆر پێناخۆش بوو، دوای ئەم هەواڵە ئێمەش هەوڵماندا زیاتر پارێزگاری لە خۆمانو ناوچەکە بکەین،

  ****حوکمەتی عێراقی هێرشی بۆکردین ****

  ***بۆ نانو ماستێ خەریبوو بکوژرێین ***

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وەکو لە پێشەوە باسم کردووە ناوچەکە بەتایبەتی گوندی پاشبەرد کەلەژێر دەسەڵاتو چاودێری پێشمەرگەدا بوو ڕۆژ بە ڕۆژ قەرەباڵغ دەبوو، خەڵکێکی زۆر لەباشو، لە خراپ، خەڵکی بازرگان، ووڵاغار، خەڵکی بێکار، خەڵکی ڕاسپێراو، لەهەموو ڕەنگەکان هاتوچۆیان دەکرد، لە هەردوو دیووی عێراق* ئێرانەوە، ڕۆژانە دەنگوباسی ئێمە دەگەیشتەوە بە دەزگا ئەمنیەکانی حوکمەتی عێراق، ، ئەم چەند ڕۆژە میوانی پێشمەرگەمان زۆر بوو، دوو سێ ڕۆژبوو مەفرەزەیەک لە پێشمەرگەکانی شەهید عەباس سیتەکی کە شێخ جمال سیتەکی کەریم سەبریان لەگەڵ بوو لامان مابونەوە لە ئەرکو پاسەوانیدا هاوکاریان دەکردین، کاک ئازاد وەندەرێنەی هاتبوو بۆلامان چەند ڕۆژێکە لامانە، هەندێ پێشمەرگەو برادەریتر بە ئیشوکار لامان بوون، خانوی چایخانەکە تەواو بوبوو ئامادەکرابوو بۆ خزمەت کردنی ڕێبوارەکان ٨/١١/١٩٩٠ بوو بەیانی تازە هەستابووم لەخەو خاوەنی چایخانەکە عبدوڵای ناوبوو زۆر کاسب بوو، نەفەرێکی ناردبوو بەدوامدا ووتبووی ماستێکی زۆر خۆشمان هێناوە وەرە خوارەوە لای ئێمە نانی بەیانی بخۆ، مەقەڕەکەی ئێمە بەبەرزایکەوە بوو لەسەروو چایخانەکەو خێمەکەی بنکەی گومرگەوە، ٥٠٠م دوربوو، بەڵام هەوراز و دارستانوو نزار بوو، ماست لە دێهاتەکانی ڕۆژهەڵات بەپارە دەست دەکەوت ئێمەش نەمان دەتوانی ماست بکرین دەتیشمان نەدەکەوەت، خواردنی بەیانیان لەمەقەڕەکەی ئێمە نانوچاو بەنیرە سوێرە حەیاتەکە بوو، دەموچاوم شتوو بێتاقم تفەنگەکەم هەڵگرتوو چومەخوارەوە بۆ چایخانەکە بۆ نانوماست خواردن، کەچومە چایخانەکە ئازاد و خاڵەنەچم هەندێ ڕێبواری تری لیبون، ووتیان چایخانەکە تەواو بووە، ئەمڕۆ مەڕ سەردەبڕێ کەبابو گۆشتیش دەفرۆشین، خاڵە نەجم ووتی سەیری ئەو قۆریو سەماوەرە تازەو چوانە بکە تازە بوین بە حوکمەت ئەو نانو چاو ماستو هێلکەو ڕۆنەی لێرە هەیە لەئەبوو سەنای سلێمانیش نیە، نانوماستێکیان بۆ هێنام خواردم، ماستێکی زۆر خۆشبوو، لەژوری چایخانەکە هاتینە دەرەوە، منو ئازادو خاڵە نەچم لەبەردەمی چایخانەکە وەستابووین تازە هەتاو کەوتبوو، کۆمەڵی نەفەر لە گۆڵێوە کە دوژمنی لێیە ڕیزیان بەستووە بەرەو لای ئێمەو چاخانەکە سەردەکەوتن،  ئەرێوەڵا ئەوانە مشتەری چایخانەکەی منن دیارە زانیویانە چایخانەکە کراوەتەوە خواردنی باشمان هەیە بۆیە بەم بەیانی زووە دێن بابچم خواردنیان بۆ حازر بکەم ئەمانە قسەی خاوەنی چایخانەکە بوو، ئێمەش هەر سەیرمان دەکردن هەتا دەهات زیاتر نزیک دەبونەوەو ژمارەیان زیاتر دەبوون، کاتێ تیشکی خۆرەکە لەچەکاکانی دان دەرکەوت چەکدارن پاسەوانی مەقەڕەکەی ئێمە هاواری کرد عەسکەرێ هێرشی کرد، لەپڕ دایان گرتینەوە بەدەستڕێژی گوولە منو ئازاد لێیان هاتینە دەست بوو بە شەڕێکی زۆر قورس من خێرا چووم لە ژێر خێمەکەی مەفرەزەکەی خاڵەنەجم ئاڕبیجیەکو چەند گولویەکم هێنا دوو گولەم پێوەنان لەهەموولایەکەوە بوو بەتەقە، بیکەیسیەکەی مەقەڕەکەی خۆمان بە بەرزایەکەوە بوو بەدەست شێخ جمال سیتەکیو هێمە ڕەشەوە بوو.کەوتە تەقەکردن لێیان لەشکری دوشمی شپرزە کرد، بەهیمەتو ئازایەتی هەمولایەک هێرشەکەمان شکاند،  جەند پێشمەرگەیەکی خۆمان هاتنە خوارەوە گەشتنە لام، لەگەڵ ئازاد و ئەوپێسمەرگانەی خۆمانو پێشمەرگەکانی خاڵە نەچم سەرەوخوار دوایان کەوتین دوو سەربازمان گرت دوو کڵاشینکۆفمان گرت، هێرشەکەیانمان تێکو پێک شکان دوو گولە ئاربیجیمان تەقان بەسەر مەرزەکەی گۆڵیو سەربازگەکەدا، حوکمەت کەوتە تۆپباران کردنی ناوچەکە هەموو پێشمەرگەکانمان کۆکردەوەو گەڕاینەوە بۆ بەرزای مەقەڕەکەی خۆمان،

  ****خۆمان ئامادەکرد بۆ درێژە کێشانی شەڕەکە ****

--------------------------------

حوکمەت لەتۆڵەی شکستەکەی کەوتە تۆپباران کردنی ناوچەکە مەقەڕی گومرگ چۆڵی کرد گوندی پاشبەردو چایخانەکەو خێمەکانی خوارەوە هەمووی چۆڵیان کرد کەسی لێنەما بەدەیان بارە ئەشیا لەناو خێمەکاندا بەچێمابوون، ئێمەش گەڕاینەوە مەقەڕەکەی خۆمان خۆمان ئامادە کرد بۆ ئەگەری درێژە کێشانی شەڕەکە.شوێنەکەی ئێمە زۆر قایمبوو دوو گردی بەرزمان بەدەستەوە بوو لەوەو پێش سەنگەری قایمان هەڵکەندبوو بەرزای دەستە چەپمان برادەرانی حیزبی شیوع پێوەبوو لەولاتر و لەپشتمانەوە برادەرانی پارتی لێبوو، دەستە ڕاستمان شاخێکی بەرز بوو رەبیەی سوپای ئێرانی پێوەبوو، ترسمان لەگرتنی لای دەستەڕاست نەبوو، چوینە ناوسەنگەرەکانەوەو دامەزراین نزیکی نیوەڕۆ کاک شەریف لەبرادەرانی پارتی جوابی بۆناردم بچمە سەرەوە بۆ لایان نەچوم پێم ووتن ئێرە بەچێناهێڵم، زۆری پێنەچوو کاک {عوسمانی قاڵەمنەوەر، کاک شەریف}، هاتن بۆلامان کاک عوسمان، سەرکردەیەکی پارتی بوو، ووتی ئێستا لەشاری بانەوە هاتوین، لەوانەیە دوبارە دوشمن هێرشتان بۆبکەنەوە، ووتی بابچین بۆ بلەکێ قسەلەگەڵ مامۆستا جمال بکەین هێزمان بۆ بنێرن، من ووتم ناکرێت ئێرە بەچێ بێلم، ئازاد وەندەرێنەی ووتی تۆ بچۆ لەگەڵیان من لێرەدەبم .من لەگەڵیان ڕۆشتم، کاک شەریف چێبە کورتەکەی لای پایەگای ئێرانیەکان رایگرتبو بەجێبەکە چوینە بلەکێ مامۆستا جمال و برادەران لەوێبوون ئەوانیش شەڕەکەیان بیستبوو تازە لەبانەوە گەیشتبونە مەقەڕی بلەکێ، باسی شەڕەکەمان بۆکردن ئەوانیش ووتیان شەوو هێزتان بۆدەنێرین هەندێ فیشەکی بیکەیسی، کڵاشینکۆف.گولە ئاڕبیجیم هێناو لەگەڵ برادەرانی پارتی گەڕامەوە بۆ پاشبەرد، دوژمن لە نەدیویەوە هاتبوە پێشەوە گردێکی گرتبوو تەقەی لە خێمەکان دەکرد نەیاندەهێشت کەس بچێتە ناوخێمەکانەوە ئەو هەموو بارە ئەشیائەش بەچێمابوو،

  ****هێرشی ئێمە بۆ گرتنەوەی گردە گیراوەکە**** 

-------------------------------------

کاتێ گەڕامەوە برادەران ووتیان دوشمن لەنەدیویەوە هاتون ئەو گردەی خوارەوەیان گرتووە، ئێمە مسەیتەر بووین بەسەر ئەو گردەی دوشمن گرتبووی، کۆمەڵی پێشمەرگەی ئازاو چوامێرمان لەگەڵ بوو بەباشی برادەرانم دامەزران بە {جوتیار، شێخ جمال، هێمن}م، ووت کاتێ ئێمە هێرشمان کرد بە بیکەیسیو ئاربیچی لەگردەکە بدەن وایانکرد، منو ئازادو ٨پێشمەرگە دوانیان برادەرانی پارتی بوون عەسرێکی درەنگ بەڕوناکی بەڕۆمانەو بەتەقە هێرشێکی خێرامان کردە سەر گردەکە لەماوەیەکی کەمدا گردەکەمان گرتەوە برادەرانی پارتییش زوو گەیشتنە لامان دوبارە دوشمنان شکانەوە لە هەمولایەکەوە کەوتنە دوای لەشکری شکاوی دوژمن، برادەرانی پارتی دوو سەربازیان بەدیل گرد، ئێمەش بیکەیسیەکو کڵاشینکۆفێکی ترمان گرد ئامرفەوچەکە بەبرینداری ڕایکردبوو گۆچانەکەی بەچێ هێشتبوو پێشمەرگەیەک دۆزیبویەوە هێنای پیشانی دیلەکەیاندا ووتیان گۆچانی ئامر فەوچەکەمانە، دیلەکان ووتیان فەرماندکەمان پێیان ووتین لەو بەرزایە ١٠تێکدەر {مخەریب}ی لێیە دەچین دەیانگرین یان دەیانکوژین چاوەڕوانی ئەم شەڕەی ئێوە نەبوین.

لەم شەڕەدا چوار دیل گیران دوو دیلیان لای ئێمە بوون تەسلیمی برادەرانی پارتیمان کردن دەسکەوتەکان ئێمە سێ کڵاشینکۆف یەک بیکەیسیمان دەست کەوت، برادەرانی پارتی دوو کڵاشینکۆیان دەست کەوت، نازانم بۆ برادەرانی حیزبی شیوعی، ، ، ،

   ****گواستنەوەی ئەشیا بەچێماوەکانی ناو خێمەکان ****

-----------------------------------------

دوای گرتنەوەی گردە گیراوەکەو شکاندنی دوشمن، دنیا تاریکی کردبوو.ئەو خەڵکانەی شتیان چێمابوو هاتن شتەکانیان دەگواستەوە ئێمەش هاوکاریەکی باشمان کردن چەند پێشمەرگەیەکم ڕاسپارد هاوکاری ئەوخەڵکە بکەن، خوارەوە شوێنی گومرگەکە ئەشیای هیچ لێنەما، تەنها کەڵەشێرێک نەبێت ئەویش کاتێ زانیمان شەو دەیخویند، ئێمەش گەڕاینەوە سەنگەرەکانی خۆمان، بەباشی دامەزراین، دەمەوبەیان شەوی مابوو چارێتر دوشمن هێرشی کردە سەر ئەو دوو بەرزایەی مەقەڕەکەی ئێمەی لێبون بەئازایەتی ئەو پێشمەرگانەی لەوێ بوون ئەمچارەش شکاندمانن گوێم لەدەنگی پێشمەرگەیەک بوو بەدەنگی بەرز بەدوژمنی دەگوت ئێمەش ووڵاتی کوێت نین بە٢٤سەعات مەقەرەکەمان داگیر بکەن، ٩/١١/١٩٩٠ڕۆشەکەی هەر شەڕبوو دوشمن دەیوست لەناو دەوەنەکانەوە دزە بکات ئێمەش لێمەندەدان دەگەڕانەوە، لەپردەکەی گۆڵیوە هاوەنو تۆپیان تێدەگرتین، بەڕێکەوت گولە هاوەنێک لەپاڵ خێمەکەی ئێمە کەوتەوە دابووی لەتەنەکە پەنیرە سوێرەکە وە خێمەکەشی هەلاهەلا کرد، ڕۆژی دووەم، دوو پێشمەرگەی خۆمان هەندێ فیشەکوو گولەیان بۆ هێناین، ووتیان مامۆستا جمال خۆیوو هێزێک هاتون پازدارەکان ناهێڵن بێنە ئەمدیوو بۆلای ئێوە، ووتیان ئێمەش بەدزییەوە هاتووین،

 شەوی دوەم چاریتر لەنیوەشەودا دوشمن هێرشی کردەوە بۆ دەستە چەپمان بۆ برادەرانی حیزبی شیوع و پارتی ئەمچارەش دوشمن شکا تەپڵی سەرکەوتنمان لێدا، بەڵام بەداخەوە پێشمەرگەیەکی حیزبی شیوعی شەید بوو دانەیەکیی تریان بریندار بوو.ناوەکانیان نازانم ڕۆژی سێیەم تۆپبارانوو ووردە تەقە هەبوو، کاک شەریف هاوەنێکی دانابوو چارچارە گولەیەکی دەگرتە دوشمن، ١٠/١١/١٩٩٠ ئەمڕۆ تۆپبارن و وردە تەقە هەبوو.پێشمەرگەیەکی پارتی بریندار بوو ناوی {حمەڕەشی} بوو

 ** ئێران ووتیان ئەگەر ناوچەکە چۆڵنەکەن ئێمەش لەدواوە لێتان دەدەین**

--------------------------------------

کاک شەریف لەبرادەرانی پارتی لەگەڵ کاک{حمە ڕەشی قەرەداخی} هاتن بۆلامان ووتیان پازدارەکان دەڵێن ناوچەکە چۆڵنەکەن ئێمەش لێتاندەدەین، ئێران دەڵێت پۆلیسی نێودەوڵەتی کەچاودێری ئاشتی عێراق*ئێران دەکەن ئەمڕۆ هاتوون بۆسەیری شەڕەکە گوتویانە ئەم شەڕە ئەگەر ڕانەگرن بەسەرپێچی ئاشتی نێودەوڵەتی دەزانین دنیای لێئاگادار دەکەینەوە، دەبێ ئەم شەو چۆڵی بکەن من ووتم هەتا مامۆستا جمال یان برادەرانی خۆمان ئاگادارمان نەکەنەوە ئێمە چۆڵی ناکەین کاک {حمەڕەشید قرەداخی} هەمان ڕای منی هەبوو ئەوانیش ووتیان چۆڵی ناکەین، کاک شەریف گەڕایەوە قسەکانی من گەیشتەوە بە پاسدارەکان پاسدارەکان مامۆستا جمالیان ئیزندا بوو مامۆستا جمال لەگەڵ چەند پێشمەرگەیەک هاتن بۆلامان، هەمان قسەکانی کاک شەریفی کرد ووتی ئێرە چۆڵدەکەین ئەمشەوو هەموو دەگەڕینەوە بۆ بلەکێ ئیتر ئێمەش وامان کرد هەرچی ئەشیایەك بەکەڵک مابوو بارمان کردوو گەڕاینەوە بۆ بلەکێ، لەشکری عێراقیش پاشەکشەی کرد، نەگەیشتە لای خێمەکەی ئێمە،

 مەرزی گۆڵێش نەماو داخرا، ، ، ،

 ناوی ئەو پێشمەرگانەی لەم واجبو شەڕەی پاشبەرد بەشدار بوون

جوتیار* هێمنە ڕەش* ئیسماعیل* دلێرە بجکۆل ماوەتی* شەهید مام والی*ئازد وەندەرێنەی*عوسمان باڵخەی* فەهمی کادر* سەروە* نامیق *

مەفرەزەکەی کاک عباس سیتەکی{شێخ جمال سیتەکی* کریم سەبری* مستەفا سەبری* ئەنوەر، } 

{هێرشە بچکۆل* سدیق}لە پێشمەرگە پارتیزانەکانی لای کاک سەرکەوتی کوبە

داوای لێبوردن دەکەم لە هاوڕێکانم 

 یەکەم/ ئەگەر هاوڕێیەکم بیر چوبێت، چونکە مێشکم هەر ئەوەندە هاوکاری کردوم،

دووەم / ئەم بەروارانەم لەچەند نامەیەکی زۆر کۆنو دڕاودو زەرد بووە بینیوە ژمارەکان بەکاڵی دیارن منیش توانیومە ئاوا ژمارەکان بناسمەوە ئەگەر هەڵەم کردبێ ببورن*

جمال چاوشین 

ڕۆتەردام

٢٠/٢/٢٠١٣

---------------------------------------

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

یادەوەریەکانی   ڕۆژانی پێشمەرگایەتی ...جمال چاوشین ..پرۆستریکا   و   گڵاسنۆس

تروسکای رزگار   بوون لەئاسۆی شۆڕشوو خەبات لە کوردستان دیار نەبوو ئاسۆیەکی تاریکمان هەبوو، لەو   سەردەمە ناهەموارەی خەڵکی کوردستان پیدا تێدەپەرین کە سەردەمی ئەنفال و قڕکردنی   خەڵکی کوردستان بوو، بەڵام بەپێچەوانەوە لەبلۆکی شەرق، دەوڵەتی سۆفیەتی بەرەو   هەڵوەشانەوە دەڕۆش بلۆکی کۆمۆنیشتی هەرەسی هێنا خەباتی گەلانی ڕوسیان ڕۆژبەڕۆژ   لەگەشەبووندا بوو هەنگاویان بۆ سەربەخی وچیابونەوە دەنا، سۆفێتی قەڵای کۆمۆنیستی   بەرەو پارچەپارچە بوون دەچوو سەرەئەنچام لە سەردەستی{ میخایل گورباشۆف} یاسای   {پرۆستریکا*گڵاسنۆس} واتا ڕیفۆرم.چاکسازی ئیداری، سیاسی.دەست نیشان کردنی چارەی   خۆنوسینی گەلانی ژێردەستەی ناوچەکە ڕاگەیانرا، ئیتر ووڵاتێ نەما بەناوی سۆفێت، ووڵاتێ نەما بەناوی قەڵای کۆمۆنیستی، دنیا بەرەو تاک چەمسەری لەڕیدایە.باهۆزی   دێمۆکراتی، سۆسیالیستی، ئازادی، هەوڵی گەشانەوەی پشکۆی ناو خۆڵەمێشی گەلە   ژێردەستەکانیان دەدا، نەزمی تازەی سۆشیال دیمۆکراتەکان جێگەیان بە بلۆکی کۆمۆنیستی لێژ دەکرد،  لەسەر نەزمی باهۆزی ئەم گۆڕانکاریانەی ووڵاتی سۆفێت و دنیا ئاسۆی تاریکی کوردستان کەمەکمە بەرەو روناکی دەڕوا، خەریکە تروسکایەک لەئاسۆی شۆڕشەکانمان وردە وردە خۆی دەردەخات، کۆمەڵەی ڕەنجدەرانی کوردستان * شۆڕشگێڕانی کوردستان کە دوباڵی چیاوازی ناو یەکێتی بوون ئەوانیش هەوڵی یەک گرتن و یەک بوونیان هاتە ئاراوە، کاک {فەریدون عبدلقادر} کە ئەندامی مەکتەبی سیاسی ئەکێتی نیشتیمانی کوردستان بوو لە باڵی کۆمەڵە لە ساڵی ١٩٩٠ لە چەند ووتارو نوسیندا باسی ئەم یەکبونەی کۆمەڵەو شۆڕشگێڕانی کردبوو، وەکوو سەرەتایاک بۆ زانینی ڕاجیاوازەکانی تری ناو یەکێتی، لەمێژوی خەباتی ڕزگاری خوازی خەڵکی کوردستان یەکێک لە شکستەکان، نەگبەتی، نەهامەتیەکان، نەگەیشتن بەڕزگاری، جیابوونەوەو لەیەک ترازانی جەمسەرەکانی شۆڕش بووە،

لەشۆڕشەکانی مەلیك محمودەوە، هەتا کۆماری کوردستان، شۆڕشی ئەیلول، شۆڕشی نوێی گەلەکەمان، چیابوونەوەو تەفرەقەو دابڕان هەمیشە بۆتە مۆتەکەو کۆسبی بەردەمی گەشەکردن، سەرکەوتنی ئەم شۆڕشانە، بۆیە ئەم هەوڵی بەیەک بوونەی کۆمەڵەوو شۆڕشگێڕان لە یەک ڕێکخراوی شۆڕشگێڕی وەک یەکێتی نیشتیمانی کوردستان، هەنگاوێکی پیرۆزو، پەسەند بوو، هەموو دڵسۆزانو پێشمەرگەوو شۆڕشگێڕانی کوردستان پەسەندیان کردوو بەپیری ئەم هەنگاوی یەکبوونەوەوە چون ئەوانەی ئەم هەنگاوی یەکگرتنەیان پێناخۆش بوو ئەو سەردەمە ژمارەیان لە پەنچەکانی دەست تێنەدەپەڕی، ئەم نەرمی نواندنانەی هەردوو ڕێکخراوی ناو یەکێتی شتێکی دڵخۆشکەرە بوو، درووست بونی بەرەی کوردستانی و زیاتر پتەو بونی ڕیزەکانی لایەنە سیاسیەکانی کوردستان هەنگاوێکی باش و چارەنوسساز بوون لەو سەردەمە نالەبارەدا، هەرچەندە شۆڕشەکەمان دڕێژەی کێشا، دەوڵەتی عێراقیش لێبوردنی گشتی{عفو عام}ی درێژ کردەوە بەکراوەی هێشتیەوە، تەنها بۆ بەڕێز جلال تاڵەبانی نەبێت، تەسلیم بونەوەو گەڕانەوە بۆ ژێر دەسەڵاتی ڕژێمی بەعسی دیکتاتۆر بەردەوامی هەبوو هێزی پێشمەرگە زیادی نەدەکرد بە پێچەوانەوە لەڕوی ژمارەوە ڕۆژ بەڕۆژ لەکەمبونەوەدا بوو بەڵام لەڕوی چۆنایەتیەوە بەرەو باشی دەچوین، ئەو ڕاستیە لایمن ڕۆشن بوو تەسلیم بونەوە بەڕژێم واتای دیل بوون، ملکەجکردنی دەگەیاند، بۆیە من بەهیچ چۆرێک بڕوام بە تەسلیم بوونەوە بەڕژێمی بەعسی عێراق نەبوو، چونکە ژیانی ئەو پێشمەرگە و هاوڕێیانەم دیبوو، یان بیستبووم لەشاری سلێمانی چەندە داماوبون جەند پەشێمان بوون بەگەڕانەوەیان، لەکاتی تەسلیم بوونەوە بەبەعس تەنها دوو ڕێگە هەبوو بۆ ژیان یان دەبوایە بچویتایە بۆ سەربازی* یان پەنات بردایەتە بەر موستەشارێکی چاش بۆ ئەوەی وەرەقەت بۆ بکات تا بتوانی پێی بسوڕێیتەوە و لە لایەن دەزگا ئەمنیەکانی بەعسەوە نەگیرێیت، ئەم دوو ڕیگەیەش بەمن قبوڵ نەدەکرا، بۆیە بڕیارمدا هەتا بتوانم پێشمەرگایەتی زیاتر بیر لەهیچ شتێکی تر نەکەمەوە* وە خۆم تەرخان بکەم بۆ ژیانی پێشمەرگایەتی لە مەقەڕو ناو پێشمەرگە، وەهەروەها بەڕێوەبردنی ژیانی خێزانی لە شاری سەقز، یان لەهەر شوێنێکیتر کەشۆڕش بخوازێ** 

   ****کڕینی ماشێنی پەیکان، دەعمکردنم لەگەڵ ئیتڵاعات****

ــــــــــــــــــــــــــــــــــــــــــــــــــــــــــــــــــــــــــــــ

وەکو لەسەرەوە باسم کرد شۆڕشەکەمان درێژەی کێشا ئاسۆی ڕزگاریمان دورە، ژیانیش زۆر قورسە بەتایبەتی بۆ پێشمەرگە خێزاندارەکان، کاتێ چوم بۆ سلێمانی شتێ پارەم لەدایکم وەرگرت شتێک ئاڵتونیشمان هەبوو ئەویشم هێناو فرۆشتم سەیارەیەکی پەیکانم پێکڕی، سایەقیەکەشم باشنەبوو برادەرێکم هەبوو ناوی شاخەوان بوو ووتی هەتا تۆ خۆت بەباشی فێری لێخوڕینی سەیارە دەکەی من ئیشی تەکشی پێدەکەم ووتم زۆرباشە سەیارەم دایە دەستی شاخەوان خۆم چوم هەندی دەرسی لێخوڕینی سەیارەم وەرگرت، هەستمکرد دەتوانم سەیارەکەی خۆم لێبخوڕم و بەکاری بهێنم، سایەقیەکەی شاخەوانیش زۆر باشنەبوو چەندچار سەیارەکەی بردبوە گەراجی حەوشەکەیانەوە هەموو چارێک خۆی کێشابوو بە درگای گەراجیەکەدا هەر جارەی لایەکی سەیارەکەی دەقوپان و دەڕوشاند ڕۆژێک ووتم شاخەوان وابڕوات هەتا بەهار بۆیاخی پێوەنامێنێ شاخەوان ئەم قسەی منی پێناخۆش بوو سویچەکانی دایەوەدەستم توڕەبوو ڕۆشت، ئەو کۆڵانەی ماڵی ئێمەی لێبوو لە شاری سەقز کۆڵانێکی باریک بوو چێگەی راگرتنی سەیارەی نەبوو سەیارەکەم لە قەراخی جادە گشتیەکە ڕاگرد دوو سێ ڕۆژ نەمجوڵاند وەرزی زستان بوو بەفر لەئەرزا بوو* شەوێک کوڕەکەمان زۆر نەخۆش بوو وویستمان بەسەیارەکەی خۆمان بیبەین بۆ نەخۆشخانە، سلفم لەسەیارەدا ئیشنەکرد چەو سارد بوو پاتریەکەی دابەزی بوو ووزەی تێدا نەمابوو هەرچی جۆنێک بوو بەپاڵنان ئیشم بەسەیارەکە کرد کەوتینەڕی لە فلکەی ئازادی سەیارەیەکی چێب لەپێشمەوە بوو وەستا جادەکەش بەفر بوو بۆئەوەی خۆمی پێدانەماڵم ئیستۆپم گرت، سەیارەکەم خلیسکا خۆم پیاماڵی، نەفەرەکانی ناوچێبەکە هەمویان سەر بەدەزگا ئەمنیەکانی سەقز بوون بەجەکەوە بۆم دابەزین پشتی ملیانگرتم داوای هەویەیان کرد سەیرێکی ناوسەیارەکەیان کرد هاوسەرەکەموو منداڵێکی نەخۆشمان پێبوو ووتیان دەتکەین بەخاتری ئەو منداڵە نەخۆشە ناتبەین بۆ ئیتڵاعات.هەرچەندە سەیارەکەم هەندێك لەچەمەلەقی پێشەوەی قوپا بەڵام باشبوو نەچاتم بوو لەدەستی ئیتڵاعاتەکان،

  ***سەفەر کردنمان بۆ شاری مەریوان کانی دینار***

ــــــــــــــــــــــــــــــــــــــــــــــــــــــــــــــــــــــــــ

 کۆمەڵێ ماڵی خزمو، ڕەفیقو.بڕادەر، لە شاری مەریوان، کانیدینار دەژیان لەگەڵ ئازاد وەندەرێنەی تەگبیرمان کرد بەخێزانی بەسەیارەی خۆمان بەمیوانی بچین سەردانێکیان بکەین، سەرەتای وەرزی بەهار بوو، شەوی مابوو کەوتینەڕی، دنیا ڕوناک بووەوە گەیشتینە نزیکی شارۆچکەی دیواندەرە، لەتاسەیەمکدا {شەفت.و، بۆڵبرین}ی تایەکی دواوەی سەیارەکە شکا دەستی کرد بەخڕە خڕ، دابەزین تۆزی سەیرمانکرد هیچمان لێنەزانی، هەرچیچۆنیک بوو گەیاندمە شاری دیواندەرە لەبەردەم دوکانێکدا وەستاین هێشتا زووبوو دوکان دانەنرابوو لەدرگای پەنای دوکانەکەماندا ژنێک دەرگای لێکردینەوە پرسیاری فیتەرمان کرد ژنەکە ووتی کوڕەکەی من فیتەرە وەرنە ژورەوە ئێستا لەخەو هەڵی دەستێنم چوینە ژورەوە نانوچای بەیانیان بۆ حازرکردین ماڵێکی زۆر بەڕێز بوون خزمەتێکی باشیان کردین، فیترەکە هەستا لەخەو، تایەی سەیارەکەی کردەوە ووتی بۆڵبرینێکوو شەفتەکەی شکاوە دەبێت بیبەی بۆ شاری سنە بە{ پرێس} بۆڵبرینەکەی دانێیتەوە، لێرە پرێسی لێنیە لەگەڵ ئازاد و هاوسەرەکانمان سەیارەیەکمان گرت هەتا شاری سنە ئەوان چون بۆ ماڵی کاک عەمەر کە پێشمەرگەو هاوڕێمان بوو منێش ئەوەی پێویست بوو کڕیم و کردم، گەڕامەوە بۆ شاری دیواندەرە سەیارەکەم چاک کردەوەو شەوو درەنگ گەیشتمەوە شاری سنە لای ئازاد، ئەوشەوە ماڵی کاک عمر خزمەتێکی باشیان کردین سوپاسمان کردنوو، بەیانی ڕۆشتین بەسەلامەتی گەیشتینە کانیدینار * 

  ***گیرانی سەیارەکەم لەشاری مەریوان***

ـــــــــــــــــــــــــــــــــــــــــــــــــــــــــــــــــــ

لە کانیدینار یەک حەفتە زیاتر ماینەوە سەردانی ماڵی هەموو خزمانوو برادەرانمان کرد سەفەرێکی خۆش و کاتێکی خۆشمان بەسەر برد * ڕۆژێک لەماڵی شێخ سالار یاری کۆنکەنمان دەکرد لەسەر قەڵ* قەلەکەش کڕاوە لەسەر ئاگر لێنراوە* مامەقالە ووتی نەفەر لەکانی دینارەوە زۆر هەیە بۆ مەریوان بە پێجەوانەشەوە سەیارەش زۆر کەمە سەیارەکەم بدەرێ دەچم ئیشی تەکسی پێدەکەم سویچەکانمدایە ڕۆشت، دوای عەسرێکی درەنگ مامە قالە هاتەوە ووتی سەیارەکەیان گرتووە لەسەیتەرەکەی مەریوان داوای خۆت دەکەن، لەگەڵ مامەقالەدا ڕۆشتین سەیارە نەبوو بەناچاری لەدوای پیکابێکەوە سواربووین تاگەیشتینە سەیتەرەکە وەرەقەم پێبوو ژمارەی سەیارەکەشی لەسەر بوو سەیری وەرەقەکەیان کرد ووتیان سەیارەکەتان دەدەینەوە، بەڵام ٣٠٠ تمەنتان غەرامەت دەکەین.٣٠٠ تمەنیان خەرامەیان بۆنوسین مامەقالە ووتی ٢٠٠تمەنم پێپەیداکردووە *١٠٠تمەنم خستە سەر ٢٠٠ تمەنەکەی مامە قالە و غەرامەکەماندا سەیارەکەم وەرگرتەوەو گەڕاینەوە بۆ کانیدینار،

مامە قالە ووتی کاسبی باشم کرد،

  ****کڕینی هەندی کڵاشی کوردی****

ــــــــــــــــــــــــــــــــــــــــــــــــــــــــــــــــــ

لەسەروبەندی گەڕانەوەمان ڕۆژێ جوین بۆ شاری مەریوان ئازاد ووتی بۆ لەگەڵ خۆمان هەندێ کڵاش نەکڕینوو بیبەینەوە بۆ شاری سەقز برادەرێك هەیە ناوی {خ }پێشمەرگەیەکی هەژاری کەم ئەندامە لە سەقز شت دەفرۆشێ، ئێمەش ئەم کڵاشانەی دەیدەینی بۆمان بفرۆشێ هەقی فرۆشتنەکەی شتێ پارەی دەدەینێ، من لای خۆمەوە ئۆکەیم بۆ پێشنیارەکەی ئازاد کرد ناوبازاڕی مەریوان گەڕاین چوینە دوکانی کڵاش فرۆشەکان بەجملە ١٠٠ جوت کڵاشی باشمان کڕی، وابزانم جوتی بە٦٠ یان٧٠ تمەن بوو، کردمانە سێ گوێنیەوە خستمانە سندوقی دواوەی سەیارەکە گەڕاینەوە بەرەو شاری سەقز گەیشتینە سەیتەرەکەی بیچاڕ.ئەم سەیتەرەیە هەمیشە زۆر توند و گیر بوون لەگەڵ مسافیری ئەوڕێگەیە، خەڵکیان زۆر ئەزیەتدەدا بیانویان بەخەڵک دەگرت، پازداری سەیتەرەکە داوای وەرەقەیان لێکردین ووتیان سندوقی سەیارەکەتان جی تێدایە، ووتم سێ فەردە کڵاش، پرسیاری کردەوە وەرەقەی ئەو کڵاشانەت پێیە ووتم کڵاش وەرەقەی بۆچییە، پازداری سەیتەرەکە خێرا بانگی هاوکارێکی تری خۆی کرد بەمنی ووتی وەرە خوارەوە سندوقەکە بکەرەوە منیش دابەزیم سندوقی سەیارەکەم بۆکردەوە دەستاین کرد بە پشکنین سەیری کڵاشەکانیان کرد ووتیان کوا{کڵاش}ووتم ئەوەتا لەو گوێنیانەی بەدەستانەوەیە، کەوام ووت پاسدارەکە تورە بوو قسەیەکی ناشیرینی کرد ووتی{بگو کەفش} نەک کڵاش، بە زمانی فارسی بە کڵاشینکۆف دەڵێن کڵاش، وایان زانی سێ فەردە کڵاشینکۆفم پێیە بێوەرەقە، ئەوان بۆ کڵاشینکۆف دەگەڕان من کڵاشی کوردیم پیشان ئەدان بۆیە توڕەبون، باشبوو لەم هەڵە زمانەوانیە بەئاسانی نەچاتمان بوو گەڕاینەوە شاری سەقز،

   ****کڵاشەکانمان تەسلیمی هاوڕی{خ }کرد****

ـــــــــــــــــــــــــــــــــــــــــــــــــــــــــــــ

دوای گەڕانەوەمان بۆ شاری سەقز ڕۆژی دوای {خ}مان دۆزیەوە قسەمان لەگەڵ کرد ووتی کڵاشەکان جوتی ١٠٠تمەن دەکات، کڵاشەکانمان تەسلیم کرد ڕۆشتین پاش سێ ڕۆش{خ}مان بینیەوە ووتی ٨ جوت کڵاشم فرۆشتووە چوتی بە١٠٠ تمەن پارەی ئەو چەند جوتەی داینێ ئێمە ڕۆشتین بۆ مەقەڕ سەرە واجبمان بوو، دوای ١٠ڕۆژ گەڕاینەوە بۆ سەقز چوینە بازار{ خ }دیار نەبوو هەواڵمان پرسی ووتیان ڕۆشتووە تەسلیم بەڕژێمی بەعس بۆتەوە لەگەڵ خۆی کڵاشەکانیشی بردۆتەوە ئەوسەردەمە لێبوردنی گشتی{عفوی عام}بە کراوەی هەبوو هەرکەسێ تەسلیم بەعێراق دەبووەوە ئەگەر پارەی پێبوایە ئەیدا بە ئەشیا* وەک خەنە *وەک کڵاش*و شتی تر لەگەڵ خۆیاندا دەیانبردەوە، ساڵ هاتوو ساڵ ڕۆشت ڕاپەرینە مەزنەکەی بەهاری ١٩٩١ ڕویدا، ئێمەش بەسەربەرزی گەڕاینەوە شاری سلێمانی، ساڵی ١٩٩٢ بوو، لەگەڵ ئازاد ڕۆژێک بۆ نانخواردنی نیوەڕۆیەک چوینە کەبابخانەکەی قادر لەسەرو چادەی ئۆرزیباک، لەسەر مێزێک دانیشتین سەیرمانکرد {خ} لەوێیە بانگمان کرد تۆزێ سەرزەنشتمان کرد داوای لێبوردنی کرد ووتی پارەم پێنەبوو بەو پارەی ئێوە گەڕامەوە بۆ عێراق، ئێستاش هەموو پارەکەتان بۆ دەگێڕمەوە، ئێمەش بروامان پێکردەوە لەگەڵ ئێمە لەسەر یەک مێز دانیشت داوای خواردنیشی بۆ ئێمە کرد سوێندی زۆر خوارد ووتی دەبێت ئێوە میوانی من بن ووتمان باشە، کاتێ نانخواردنەکەی تەواو کرد بەبیانووی دەست شتنەوە پێش ئێمە هەستا ڕۆشت.مێزەکەی ئێمەی پیشانی خاوەن کەباب خانەکە دابوو ووتبوی خواردنەکەی من عایدی ئەوبرادەرانەیە، واتا لێرەش فێڵی لێکردین نەک پارەی کڵاشەکانو خواردنەکەی ئێمەی نەدا بەڵکوو پارەی خواردنەکەی خۆشی خستە سەر ئێمە ****

جمال جاوشین

١٥/٢/٢٠١٣

ڕۆتەردام

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

یادەوەریەکانی ڕۆژانی پێشمەرگایەت ...جمال چاوشین ***کردنەوەی دەورە و ئامادە کردنی مەفرەزە پارتیزانەکان***

سەرکردایەتی یەکێتی کۆمەڵ کۆمەڵ پێشمەرگەی دەنارد بۆ دەورە و مەشقی سەربازی لەژێر چاودێری سوپای ئێراندا، چەند وەچبەیەک ڕۆشتنوو گەڕانەوە، لە هەموو ڕویەکەوە ئەم مەشقی سەربازیە زۆر باشبوو کاریگەر بوو، بۆ پێشمەرگە، لەم دەورانەدا پێشمەرگە فێری هەڵگرتنەوەی ئەڵغام.بەکارەێنانی هەموو چۆرە چەکێک، بەرزکردنەوەی ئاستی ووشیاری سەربازی، بەرز کردنەوەی ئاستی خۆڕاگری لە کاتی تەنگانەدا، هونەر شیڕکردن،

 وە بەهامان شێوەش لە قاسمەڕەش دەورە ومەشقی پارتیزانیان کردەوە، ئەم دەورەیە مامۆستاکانی خۆماڵی بوو واتا مامۆستاکانی پێشمەرگە وکادرە سیاسی و عەسکەریەکانی خۆمان بوون، زۆر باش بوو بۆ فێربونی هومەری خۆشاردنەوە، هونەری ژیان لەناوچە چۆڵەکاندا، هونەری شەڕی پارتیزانی و خۆدەربازکردن، فێڵکردن لەدوژمنەکەت، لەم دەورەیەدا کادرە سیاسیەکان دەرسیان دەوتەوە، توانیان تاڕادەیەکی باش هەستی نەتەوایەتی لەناو پێشمەرگەکاندا بەرز بکەنەوە،

 کاک نەوشیروان سەرپەرشتی ڕاستەوخۆی دەورەکەو مەفرە پارتیزانەکانی دەکرد، بەشداریکردن لەم دەورانەدا ئارزومەندانە بوو، بەمنیشیان ووت بەڵام من نەچوم لە بەتالوێنی٧ مامەوە بوینە پارتیزانی بەتالوێن، وە لەساڵی ١٩٨٨ بەشداری دەورەی مازندارانیشم کردبوو فێری هەڵگرتنەوەی ئەڵغام بووبوم بەباشی، ژیانی پارتیزانیم دیبوو لەناوچەی شارباژێڕ.لەم دەورەیەی قاسمەڕەشدا هەر ناوچەو مەفرەزەی پارتیزانی شارەزا و خەڵکی ناوچەکەی بۆ دەستنیشان کران، دەورەکان چەند مانگێکیان دەخایاند پاشان هەر ناوچەوو مەفرەزی خۆیان بۆ دەنارد،

، ، ، ، چونەوەمان بۆ ناوچەی شارباژێڕ و شاری سلێمەنی، ، ، ،

وەکوو ساڵانی پێشوو سەرەتای بەهار بوو نزیکی کۆتای مانگی٤ ساڵی ١٩٩٠ بوو مامۆستا جمال هەندێ ئەرکی شۆڕشی پێسپاردین، کە بەمەفرەزە بچینەوە بۆ شارباژێڕ بۆ هەڵسەنگاندنی ناوچەکە لەڕوی ژیانی مەفرەزە پارتیزانەکانەوە، وە بزانین چ گۆڕانکاریەکی تازە ڕویانداوە لە ناوچەکەدا ووتمان کە جوینە شارباژێڕ لەوێشەوە سەرێك لە شاری سلێمانی دەدەین*

 بڕیارماندا منوـ ئازاد وەندەرێنەی ـ وەستا عبدول ـ ساماڵ ـ بجین، مامۆستا جمال ووتی کاوە کەوڵۆسی ببەن لەوسەرەوە لەگەڵ خۆتان مەیهێننەوە، کاوە دەجیت بۆ بەغداد بۆ عیلاچ، قاچی خراپ توشی نەخۆشی دەوالی بووە تەنها لەبەغداد چارەسەری هەیە، قسەمان لەگەڵ کاک شۆڕش کرد مەبەستی سەفەرەکەمان بۆڕونکردەوە، نزیک لەکۆتای مانگی٤/١٩٩٠ بوو تاریکوو ڕونی ئێوارێ لەبلەکێ کەوتینەڕێ لە هیج شوێنێک لاماننەدا زۆر باش ڕۆشتین، شەوی مابوو گەیشتینە نزیک گوندی دۆلەتوو لە بناری شاخی کەتوو ژێر شاخوو ئەشکەوتێکی لێبوو لەو ژێر ڕەهۆڵە شاخە لاماندا، نمەنمە باران دەباری خۆمان کردەوە بۆ پشودان جوینە کیسەخەوەکانەوە تابخەوین، ژێر تاشە بەردەکە چەندین کونی تێدا بوو بۆناوەوە جارجارێ خرتە خرت ئەهات لەژێر بەردەکەوە، کاتێ دنیا ڕوناکی کرد دەعبایەک بازیدا بەسەرمانا دەرچووە دەرەوە ئێمەش ڕاپەڕین پەلاماری تفەنگەکانماندا.سەیرمان کرد دەعباکە ڕێوی بوو دورکەوتەوە لێمان، لە دورەوە وەستابوو سەیری لانەو ئەشکەوتەکەو ئێمەی دەکرد، ووتم برادەران ئێستا ئەو ڕێوییە دەڵێن ئەمانە چۆن بوون بەغەزەب ماڵەکەمیان داگیرکرد، لێرە ماینەوە تا سەعاتێ ڕۆژی مابوو، نزیکی ئێوارێ ماڵی ڕێویمان بەچێ هێشت چوینە ئەشکەوتەکەی ملەی قەیماسە بەدوربین بەوردی سەیری ناوچەکەم دەکرد لەدوامانەوە لەگوندی دۆڵەتوو ٤نەفەر بەرەو لای ئێمە دەهاتن ئەوان بەئێمەیان نەزانی بۆیان چوینە کەمینەوە دنیا تاریکی کرد کەوتنە کەمینەکەمانەوە میلی تفەنگمان لێهێنانەوە دەنگمدان کێن زەلام یەکێک لەنەفەرەکان دەنگی منی ناسی ووتی نەکەن کاک جمال ئاکۆ چاوشینم ئێمەش ئەوانمان ناسیەوە لەیەک ئاشکرا بووین برادەرانی پارتی بوون کاک{فازیلی مەلیح، ئاکۆ چاوشین} دوو نەفەری تر بوون ناوەکانیان بیرنەماون، تۆزی پێکەوە دانیشتین ئەوانیش و ئێمەش مەبەستی خۆمانمان ئاشکرا کرد، تەگبیرمان کرد پێکەوە بڕۆین، پێکەوە کەوتینەڕێ بۆ سلێمانی لەسەر شاخی گۆیژە دوو ووڵاخارمان تووش بوو گرتمانن، یەکێکیان منی ناسی، خەڵکی گووندی{ بزەنیان} بوون ناوی ئازاد بوو فەریکە چوالەیان پێبوو بۆ شاریان دەبرد، بۆ ئەوەی کەشفمان نەکەن برادەران هەموویان ووتیان با بیان کوژین، بەپەت بیانخنکێنین من نەمهێشت، لای ووڵاغارەکان ووتمان دەچین تەسلیم دەبینەوە، تا نزیکی جادە٦٠م پێکەوە بووین لەگەڵ برادەرانی پارتی لەوێ خۆمان شاردەوە لێیان، پێش ئەوان چوینە ناوشار چوینە ماڵی کاک سڵح برای شەهید فەرەج وەندەرێنەی لە نزیک مزگەوتی علی کامال، دووشەویش چوینە ماڵی خەزوری کاک ساڵح ماڵی کاک {جمال -وەستا جلال} هەر دووکیان پێشمەرگە بوون گەڕابوونەوە بۆ ناوشار، خەڵکی زۆر دڵسۆز کورد پەروەر بوون، برادەرێک لە شاری سەقز هەندێ پارەی عێراقی نیوە سوتاوی دابوو بە ئازاد بۆی بگۆڕێتەوە خوشکێکی وەستا جلال کارمەندی بانک بوو پارە نیوە سوتاوەکەی برد لەبانک بۆی گۆڕینەوە بە ٢٥دیناری تازە، لەوێش رۆشتین بۆ ماڵی پورە حەلاو پوری کاک ئازاد لە گەڕەکی تووی مەلێک چەند ڕۆژێکیش لەوێ ماینەوە لەماڵی پورە حەلاو هەرکاتێ لەدەرگا یان لە چەرەسیان دەدا ڕامان دەکرد دەچوینە ژوری دواوە تا دەمانزانی میوانەکە کێیە چەنجارێک ئەم هەستانوو دانیشتنەوەیە دوبارە دەبۆوە هیچیش نەبوو* من سوێندم خوارد ئەمچارە مدیری ئەمنیش بێت هەڵناسم لەچێی خۆم ناچوڵێم، کچێکی ١٢ساڵەیان هەبوو چوو من تاقی بکاتەوە لەچەرەسی دەرگاکەیدا ئێمە بەناچاری ئەمچارەش هەستاین جووینە ژوری دواوە کچەکە هاتە ژورەوە بەمنی ووت هاقارەمان خۆ تۆ ووتت هەڵناسم ئەگەر مدیری ئەمنیش بێت ئەی بۆ ڕاتکرد، ووتم ئەوە تۆبووی خەزەب، ووتی بەڵی من بووم تۆم تاقی کردەوە،

 ، ، ، ، ، ڕوداوی برادەرەکام دوای ئەوەی کەوتنە کەمینەوە سەفەری پێشوو، ، ، ، ،

 ****************

شەوێک ئازادم بەچی هێشت سەردانی ماڵی کاک {چلال}م کرد لەگەڕەکی هەوارە بەرزە شەو مامەوە چاوم بە کاک ئەسعەدش کەوت بۆیان باسکردم جاری پێشوو دوای ئەوەی ئێمە کەوتینە کەمینەوە لە شاخی گۆیزە* کاک ئەسعەد ووتی دوای ڕۆشتنی ئێوە چاودێری شاخی گۆژەمان دەکرد چاومان لێبوو بوو بەتەقە کێوەکە گڕێگرت، هەر ئەوشەوە ماڵمان چۆڵکرد بەیانی کەوتمە سۆراخ و هەواڵ پرسینی ئێوە هەر کەسە بە چۆرێک ئەو تەقانەی شەووی باس دەکرد هەبوو دەیان گووت پێشمەرگە بوون هەمویان گیراون هەبوو دەیگوت هەمویان کوژراوون دەنگووباس زۆر بوو، بەڵام لەسەرچاوەیەکی ڕاستەوە زانیارم دەستکەوت کەتەنها ئەک پێشمەرگە گیراوە کەس نەکوژراوە، زانیمان تۆ سەلامەتی زۆرمان پێخۆش بوو، دوای دوو ڕۆژ گەڕاینەوە ماڵەوە ژیانمان ئاسای بووەوە،

 ، ، ، ، ، کاک جلال چیبەسەهاتووە، ، ، ،

***************************

کاک جەلال ووتی شەوزانیم کەوتونەتە کەمینەوە زۆر خەمی تۆمان بوو بەیانی وەکوو هەموو ڕۆژەکانی تر چووم بۆ دوکان لە مەنتیقە سەناعیەکە تا گەیشتمە دوکان چەند سەیتەرەیەک هەبوو داوای هەویەیان لەخەڵک دەکرد چەند خەڵکێکم بینی گیرابون، گەیشتمە دوکان، دوکانم کردەوە زۆری پێنەچوو چێب قیادەیەکی سەربازی هات سێ چوار سەربازی تێدا بوو، پرسیاریان لە دراوسێ دوکانەکەم کرد دوکانی وەستا جلال کامەیە کاتێ زانیم هەواڵی من دەپرسن زۆر ترسام ئەژنۆم شکا ووتم ئەم شەوو لە کەمینەکە جمال گیراوە ئەم سەربازانە هاتوون بۆ گرتنی من خەریبوو ڕابکەم نەمتوانی سەربازەکان هاتنە دوکانەکەمەوە ووتیان بۆری قاعیدەی چادری جێبەکەمان شکاوە بەشکم بۆمان لەحیم بکەی باشبوو تۆزێ هاتمەوە سەرخۆ، خێرا بۆم چاککردن پارەشم لێوەرنەگرتن، سەربازەکان لە دوکانەکانی تر پرسیاری چاکردنی ئەوبۆریەیان کردبوو ناوی منوو دوکانەکەیان دابونێ ناردبویانن بۆ لای من بۆیە هاتبوون/ ناوکی منیان خست،

*****************************

 ، ، ، ، ، لە ماڵی مامۆستا کمال چی ڕویدابوو، ، ، ، ،

*****************************

مامۆستا کمال ئاوای گێرا بووەوە هەر ئەو شەو خەبەرمان زانی جمال و برادەرەکانی کەوتونەتە کەمینەوە بەیانی وەک ڕۆژانی ئاسای چووم بۆ دەوامی مەکتەب هیچ ڕووینەدا هیچ شتێکی نامۆمنەدی بەڵام زۆر قەلەق بووم، شەوی دوای ڕوداوەکە خەوتبووین زۆر درەنگ بوو لەتەقە تەقەی درگا خەبەرمان بووەوە خێرا خێرا بەقایمی دەنگی درگاکە دەهات هەمومان هەستاین، وامزانی دەزگا ئەمنیەکانی بەعسە، خەریبوو ڕابکەم بەڵام خۆمم کۆنترۆڵکرد چووم لەسەربانەوە سەیر دەکەم مانگایەک سەری کردووە بەتەنەکەی خۆڵەکەدا خەریکی پاشەرۆ خواردنە لەگەڵ سەرچوڵاندنیدا تەنەکە خۆڵەکە بەر درگاکەی ئێمە دەکەوێت لەسەربان هاتمە خوارەوە چوم مانگاکەم دەرکردوو تەنەکە خۆڵەکەم هێنایە ژورەوە،

 ***کەشف بوونی وەستا عبدول***

*******************************

گەڕامەوە بۆ ماڵی پورە حەلاو بۆ لای ئازاد یەک ڕژمان مابوو بۆ کاتی گەڕانەوەمان، وەستا عبدول چموچوڵی زۆر کردبوو ماڵان زۆر گەڕابوو خۆی پیشانی خەڵکی خراپدابوو یاساکانی خۆشاردنەوەی پەیڕەو نەکردبوو خۆی دەرخستبوو کەشف بووبوو، وەستا عبدول لەڕێگەی کاک ساڵحەوە ئێمەی دۆزیەوە بە پەلە هات ووتی کەشف بووین بەدواماندا دەگەڕێن ئەمشەو بابڕۆین ووتم ئاخر ساماڵ بەچێ دەمێنێ ووتیان لە شارباژێڕ چاوەڕوانی دەکەین منیش ووتم باشە دوای بانگی ئێوارێ، ئامۆزایەکی وەستا عبدول ناوی ئازاد بوو، بەسەیارەی خۆی بردینی بۆ سەر چادەی٦٠م بەسەڵامەتی گەیشتینە سەر شاخی یەکەمی گۆیژە بەو بەرزیەوە دانیشتین سەیری شارمان دەکرد تا گەیشتینە ئەوێ دوو مەتارە ئاومان خواردەوە ئاومان پێنەما ووتم وەستا ئەو شارە گەورەیە چێگەی ئەو هەموو خەڵکەی تێدا دەبێتەوە چێگەی ئێمە نەبێت ؟**وەستا ووتی ئاخر ئێمە زۆر ساڵح و ئەسڵ زادەین، چڕتێکی لێدا ووتی یانی ئێمە لەو هەموو خەڵکە دڵسۆزترین ؟**، ووستا عبدول ووتی برادەران ئێستا چیخۆشە هەر یەکەمان شتێکمان دەوت من ووتم ئێستا بەستەنیەکەی پولی هەوای سەقز بۆ ئەم تینویتیە زۆر خۆشە، زۆرمان تینوو بوو وەستا عبدول ووتی ئاوم پێیە یەک قومتان نادەمێ ئێمە بڕوامان نەکرد ئاوی پێبێ، من ووتم تۆ لە ڕێگا ئاوەکەی ئێمەت دەخواردەوە ئاوت لەکوێ بوو، کاتێ کۆلەپشتەکەی کردەوە یەک مەتارەی گەورە سەهۆڵاوی دەرهێنا لەبەر چاومانا نای بەسەریەوە ئینچا بڕوامان کرد، دوای خۆی بەشی ئێمەشیدا، ووتی ئاوێکی تەڕوو پاراوو بوو،

لەشاخی گۆیژە هاتینە خوارەوە چەکەکانمان هەڵگرتەوە، نامەیەکمان لەسەر کۆڵە پشتەکەی ساماڵ بۆ بەچێ هێشت، بۆمان نوسی وەرە بۆ ماڵی ڕیویەکە چاوەڕوانت دەکەین، جوینە دەشتی بەیاغار نزیک گووندی{وەڵانە}لەناو دەوەنێکی گەورە ماینەوە لیخەوتین نیوەڕۆ هەستاین لەخەو دنیا ئارام بوو، شفتەو خواردنی باشمان پێبوو بەتەمابووین زۆر بمێنینەوە جەولەیەکی هەموو دێهاتەکانی ناوچەی شارباژێر بکەین، هەموو شفتەکە و هەندێ نان بەمن بوو ئەوان هەر نانوو ناوساچیان پێبوو، بە برادەرانم ووت بۆ ئەوەی شفتەکە بەشی چەند ڕۆژێک بکات دانە دانە شفتە بکەن بەپاروو بیخۆن، نازانم وەستا عبدول چۆن چاوی لێبوو من دوو شفتەم کردبوە پارویەکەوە ووتی ئەرێوەڵا لەقافا گیرای کردی بەهەڵا و پێکەنین لێیکردم بەقوزەڵقورت لەقوڕگم گیرا خەریبوو بخنکێن، نەیهێست بەدڵمەوە بنوسێ،

 **ئێوارێ چۆن کەوتینە کەمینەوە**

هەتا نزیکی ئێوارێ لەم دەوەنەدا ماینەوە چومە سەربەرزاییەک بەدوربین سەیری هەموو ناوچەکەم کرد دنیا کشوماتە هیچ دیار نیە هاتمەوە ووتم بابڕۆین نیوسەعات ڕۆژی مابوو من لەپێشەوە وەستا عبدوڵ، ئازاد لەدواوە بەماسافە دەڕۆشتین من گەیشتمە سەر چەمەکەی خوار گووندی ئاڵەسیاو لەداروشەخسەکەوە لە سەر گردە ڕەشەکانەوە بەتەقە دایانگرتینەوە، زۆر بەخەستی،  هەموو دەوروبەرم بەفیشەک بوو بەتەپوو تۆز ئەوەندە فریاکەوتم خۆمدا بەئەرزا باشبوو بەرنەکەوتم بە سنگە خشکێ خۆم گەیاندە بەردەم کۆستوو کەندەڵانی چەمەکە، دەستم کرد بەتەقە بەرگریەکی باشم کرد، ئازاد*وەستا عبدول بۆ دواوە گەڕانەوە ئەوانیش شوێنی خۆیان گرتبوو تەقەیان دەکرد بەڵام دوربون لەمنەوە دابڕابوین لەیەک، لەبەر تەقەی ئێمە چاوم لێیان بوو کەمینی یەکەمی داروو شەخسەکە هەڵکەندران ڕایان کرد گوێم لەدەنگیان بوو بە عرەبی و بەکوردی قسەیان دەکرد دەیان گووت پێشیان لێ بگرن جوێنیان بەیەکتر دەدا دەیان گووت بۆ تەقەتان لێکردن دەبوایە بەدەست بتان گرتنایە بۆ ئەوەی پێشم لێنەگرن بە کوڕەکور بەچەمەکەدا تۆزێ قوڵبوو ئاو دایدڕیبوو ڕامکرد منیان نەبینی تەقە لەسەر برادەران بوو، خۆمگەیاندە لای دەستە چەپی کەمینەکە لەوێوە تەقەیەکی زۆرم لێکردن ووردە ووردە دنیا تاریکی کرد هیچ نەدەبینرا تەقەش نەما.وەک نیشانەی ڕزگار بوون یەک فیشەکی گڕدارم بەئاسماندا تەقان چاوم لێی بوو زۆر دوور یەک فیشەکی گڕدار کرا بەئاسماندا ووتم لەوانەیە ئازاد*وەستا عبدوڵ بووبن، لە ڕەبیەکانی سەرچادەی قیری دوکانیان هەندێ تەقەش هەبوو *ئەمچارەش دووبارە تەنیا کەوتمەوە بەڵام ئەمچارە نانو شفتەو خواردنی باشم پێیە تاقموو تفەنگ و فیشەکی باشم پێێە ترسم لەهیچ نەبوو، تەنها خەمی وەستا عبدول*ئازادم هەیە، خەمی ساماڵمە شارەزایەکەشی باش نەبوو بەتەنیا بێتەوە بکەوێتە کەمینەوە ڕزگار بونی زەحمەتە، چومە پشتی گووندی گورگەیەر دانیشتم دور بوو لەمنەوە لە چەمی بزەنیان بووبەتەقە نەمزانی چیبوو، من بەسەلامەتی گەیشتمەوە ماڵی ڕێویەکە لە بناری شاخی کەتوو کە ئێرە دوەم شوێنی یەکگرتنەوەمانە، شەو تابایانی لەماڵی ڕێووی بەوریای خەوتم بەیانی ڕیوێکەم بینیەوە لەوناوەدا بوو، بەڵام برادەران کەسیان دیار نەبوون کەسیان نەگەڕانەوە لەم شوێنە هەتا عەسر بەتەنها چاوەڕوانیم کردن ***

 ***چۆن مەفرەزەکەی کاکە {عەبەڕەق} م دۆزیەوە*** 

دوای عەسر بە چەمی دۆڵەتوودا ڕۆشتمە خوارەوە لە پێچێکدا لەسەر ڕێگاکە شتێکی ڕەش دیار بوو بەدوربین زۆر سەیرم کرد نەدەجوڵاوە سەیری دەوروبەرم کرد هیچ دیار نەبوو تفەنگەکەم گرد بەدەستەوە بەوریای چومە سەر شتە ڕەشەکە سەیر دەکەم وەستا جمالە سورە خەوتووە هەڵمساند لەخوو ووتی کاکە عەبەشم لەگەڵە لەوپانایەدا دانیشتوون چوم بۆلایان * کاکە عەبەڕەق* وەستا جمال *عوسمان *سەڵاح بوون *زۆر شادمان بووم کەلەم چۆڵەوانیەدا توشی ئەم برادەرانە بووم، بۆم باسکردن چۆن لە گوندی ئاڵەسیاو کەوتوینەتە کەمینەوە لەیەک دابڕاوین ، کاکە عەبە ووتی ئێمەش پێرێ شەو لە سلێمانیەوە گەڕاینەوە، تۆزی نەخۆشم بۆیە لێر ماینەوە، بەپێکەوە دەڕۆین دەچین لە ئەشکەوتەکانی زاخێ{پایتەختی پارتیزانەکان} چاوەڕوانیان دەکەین هەتا نەیەنەوە ناڕۆین شوێنی یەکگرتنەوەی سێیەمان ئەشکەوتەکانی زاخێ بوو،

 *** لە سەرچادەی گۆماوان کەمین هەبوو***

 تاریکوو ڕونی ئێوارێ لە چەمی تەنکەبوار پەڕینەوە من و کاکە عەبە لەپێشەوە دەڕۆشتین برادەران بەمەسافەیەکی کەم لەدوامانەوە بوون نزیک بوینەوە لە چادە قیرەکەی گۆماوان سەیرمان کرد لەپێشمان کەمین هەیە چاومان لێیان بوو خەریکی سەنگەر دروستکردنن گوێمان لەدەنگیان بوو دەمان توانی دەستێکی باشیان لێبوەشێنین بەڵام ڕێگەکە کەشف دەبوو ئەوەمان نەکرد بەشوێنی خۆماندا گەڕاینەوە رێگەکەمان گۆڕی بەلارێدا هاتینەوە گووندی چەمیاڵە بەئاسانی گەیشتینەوە پایتەخت ئەشکەوتەکانی زاخێ دوو شەوو دوو ڕۆژ ماینەوە هەتا ئازاد * وەستا عبدول هاتنەوە،

 ***هاتنەوەی ئازاد*وەستا عبدول***

شەوو بۆ خەوتن دەچوینە ناو ئەشکەوتەکانی زاخێ بەڕۆژ دەهاتینە سەر چەموو ئاوەکە دەچوینە بن بیوو دارەکان هەتا نزیکی ئێوارێ، ئەشکەوتەکانی زاخێ دوو ئەشکەوتی گەورە بوو چێگەی ٢٥نەفەر دەبوەوە، بەلێژایەکەوە بوو بەردەمەکەی بە سورە چنار، دەوەنی گەورە گیرابوو لەدورەوە دیار نەبوو، کانیەکی بەهاراو لە تەنیشتی بوو، سەرماو باڕەش لەپێشەوە دەیگرتەوە تەنها بۆ کاتی باران بارین باشبوو،

ڕۆژی دوەم ئێمە لە چەمەکەی خوار ئەشکەوتەکانەوە لەبن بیەکاندا دانیشتبووین نەفەرێک بانگیکردین دەنگیمان ناسی ئازاد *وەستا عبدول بوون، هاتنە خوارەوە بۆلامان زۆر شادمان بووین بەهاتنەوەیان، ئەوانیش گێڕایانەوە کاتێ کەوتینە کەمینەکە ئێمەش زووهاتینە دەست تەقەی باشمان کرد هەتا تاریکی کرد بەرگریمان کرد، دوای بە دۆڵدا جوونەوە گوندی وەندەرێنە لەوێوە هاتبونەوە بۆ زاخێ بەڵام زۆر دورکەوتبوونەوە زۆر هیلاک بوبون، ، ،

پاش ئەو هەموو هیلاکیوو ماندو بونە وەستا عبدول هەواڵی شفتەکەی پرسی ووتی جمال شفتەت پێماوە یان هەمویت خواردووە، ئازاد گێڕایەوە ووتی دوای کەمینەکە و لەیک دابڕاینەکە، ڕۆژی دوای ئێمە تەنها نانمان پیبوو تەنها نانی وشکمان دەخوارد بێتاقەت، زۆر دڵگران بووم بۆ تۆ، نەمان دەزانی کوژراوی یان دەرچویت، لەم کاتەدا وەستا عبدول پێدەکەنی ووتی هەموو شفتەکە بە جمالە خۆمان لای بووین دوو دوو ئەیخستە ناونانەوە دەیخوارد ئێستا ئیمەی لەگەڵ نین وەڵا چوار چوار یان بەڕوتی هەموو شتەکە دەخوا، ئازاد ووتی توڕە بووم ووتم وەستا عبدول خەمی جمالت نیە بەڵام خەمی شفتەکەتە خوادەکات جمال سەلامەت دەبێت شفتەکەی عافێت بێت، وەستا عبدول خەمی منی نەبوو خەمی شفتەکەی بوو، تاریکوو ڕونی ئێوارێێ ڕۆژی سێەم ئەشکەوتەکانی زاخێمان بەچێ هێشت گەڕاینەوە مەقەڕەکانی بلەکێ دوای دوو ڕۆژ ساماڵیش بەسەلامەتی گەڕایەوە،

 ****جمال چاوشین****

١٠/٢/٢٠١٣ شاری ڕۆتەردام****

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

یادەوەریەکانی ڕۆژانی پێشمەرگایەتی ...جمال چاوشین

 ...واجباتی مەقەڕەکان....

-------------------------

 دوای گەڕانەوەم لە مەفرەزی شاری سلێمانی، چەند ڕۆژێک لە مەقەڕ مامەوە بە ئامادە بوونی کاک جمال ئەبووشۆرب چێگری تیپ کۆبونەوەم بەکەرتەکەی خۆمان کرد دەنگو باسی سەفەرەکەی شاری سلێمانیم بۆ باسکردن باسێ ئەو پێشمەرگانەم بۆکردن کەڕۆشتون تەسلیم بونەتەوە ئێستا زۆر پەشێمانن.ژیانیان زۆر ناخۆشە، هەندێکیان ناردون بۆ سەربازی هەمومان دەزانن ژیانی سەربازی چۆنە لە نیزامی بەعسدا، دەبێت دیلی ئەونیزامە بیت، یان دەبوایە وەرەقەی موستەشارێکت هەبێت تا بتوانی پێی بگەڕێیت، باسی ژێانی دێلکراوی خەڵکی شاری سلێمانیم بۆکردن، کەجۆن سلێمانیان کردۆتە زیندانیەکی گەورە، کەس خاوەنی سەروماڵی خۆینیە، تەواریەک کە کەس نازانێت لە کوێوە هاتووە خەڵکی گەڕەکێک کۆدەکاتەوەو هەزار بیانویان پێدەگرێ هەزار سوکایەتیان پێدەکات، ئەم ڕاستیانەم بۆیە بۆ باسکردن بۆ ئەوەی پێشمەرگەکان بیر لەڕۆشتنەوە و تەسلیم بوون نەکەنەوە، چارەنوسیان نەکەوێتە دەستی دوژمنەوە، نوکتەیەک هەبوو،

شەهید{غەفور دەرەشیشی}ووتبوی ئەگەر شاخی پیرەمەگرون بڕۆخێ پێشمەرگە دەتوانێ بیگرێتەوە/بەڵام ئەگەر پێشمەرگە ڕۆخا هەموو شاخی کوردستان نایگرێتەوە.

پاشان مۆڵەتم وەرگرت گەڕامەوە بۆ شاری سەقز، دوو هەفتە چارێک سەرەی مەقەڕم بەردەکەوت ئەو هەفتەیە کە لە مەقەڕ دەماینەوە شەوانە بەگاڵتەوو گەپ یان بەیاری وەرەقە بەسەر دەبرد یاریمان لەسەر میوە دەکرد هەرلایەک بیدۆڕاندایە دەبوو خۆشی بچوایە لەدوکانەکانی خوارەوە میوەکەی بکڕیبایە بیهێنایەتەوە دوکانەکانیش تۆزێ دور بوو، ،

 ، ، ، ، ، نامەیەکی کاک دوکتۆر فوئاد مەعسومم بەدەست گەیشت، ، ، ، ،

--------------------------------------------------

لە شاری سەقز بووم سەرە واجبی مەقەڕم نزیک بوو دەبوو بگەڕێمەوە بۆ مەقەڕی تیپ.کۆتایی مانگی ٦ بوو بەنیازی سەرچاکردن لەبەردەم دوکانی سەرتاشخانەکەی وەستا شەهاب وەستابووم لە چادەی شاناز، ئومێد هات بۆلام پاش چاکوو چۆنی ووتی با پیاسەیەک بکەین لەکاتی پیاسەکردنەکەدا نامەیەکی دایەدەستم، نامەکەم خوێندەوە هەردوودیوی نامەکە نوسینی لێنوسرابوو .نوسینێکیان کاک دکتۆر فوئاد مەعسوم نوسیبووی بۆ کاک قادری حاجی علی، پاش سڵاو ڕێز نوسرابوو چەند کادرێکی ڕێکخراوەی شۆڕشگێران بەئیشوکاری ناوەندی دەچن بۆ شاری سلێمانی ئەگەر دەکرێت چمال چاوشین بۆ شارەزای ڕێگەکە بنێرن لەگەڵیان، چونکە برادەران خۆیان داوای جمالیان کردووە،

دیوەکەی تری نامەکە،  کاک قادر نوسیبووی پاش سڵاو ڕێز، برای بەڕێز مامۆستا جمال، بەشکم چمال چاوشین لەم ئەرکە ئاگادار بکەیتەوە، ئومێد نامەکەی نەبردبوو بۆ مامۆستا جمال هاتبوو بۆ لای من، ووتم باشە ئەمشەو میوانی منبە بەیانی سەرەی واجباتی مەقەڕمە پێکەوە دەگەڕینەوە بۆ بلەکێ ئەوکاتە قسەیەکی لێدەکەین ئومێد ڕازی نەبوو میوانی من بێ ووتی دەگەڕێمەوە بۆ بانە لەوێشەوە دەچمەوە بۆ بلەکی ئومێد ڕۆشت، منیش سەرم چاک کرد،

 کاتێ گەڕامەوە ماڵەوە بە هاوسەرەکەم ووت لەوانەیە بچم بۆ سلێمانی جیت پێویستە بۆت بێنم ووتی یەک کراسی بە پولەکە چنراوم هەیە لەماڵی باوکمە ئەگەر توانیت بۆم بێنە، ڕۆژی دواتر گەڕامەوە بۆ گووندی بلەکی ئومد نامەکەی دابوو بە مامۆستا جمال، مامۆستا جمال قسەوباسی سەفەرەکەی بۆ کردم داوای لێکردم ئەم سەفەرە بکەم، منیش بڕیارمدا لەگەڵ برادەرانی شۆڕشگێراندا ئەم مەفرەزەیە بکەین، {مامۆستا ئەکرەم، ئومێد} هردوکیان پێشمەرگە وکادری دڵسۆزی شۆڕشگێڕان بوون لە ناوەندی شۆڕشگێڕانەوە دەست نیشان کرابون کاری ڕێکخراوەیان پێسپرابوو لە سلێمانی ئەنجامی بدەن، منیش بڕیارمدا هاوکاری ئەم دوو کادرە دڵسۆزە بم، پێکەوە قسەمان کرد خۆمان حازر کرد ڕۆژی ڕۆشتنمان دەست نیشان کرد، ئومێد لە ڕێکخراوەکەی خۆیان مەتارەو کۆڵەپشتی بۆمنیش هێنابوو،

ئەو سەردەمە ئەنفالی ڕێکخستنەکانی ناوشار دەستی پێکردبوو زوربەی کادرو ڕێکخستنەکانی {ی.ن.ک} لە هەردوو ڕێکخراوی کۆمەڵە و شۆڕشگێڕانیش گیرابوو وەک نیمچە هەڵوەشانەوەیەکیان لێهاتبوو شۆڕشگێڕانیش هەوڵیان ئەدا سەرلەنوێ خەڵکەکانیان ڕێک بخەنەوە بۆ ئەومەبەستە مامۆستا ئەکرەم بە کۆڵی نامەوە دەنێرن بۆ ناوشاری سلێمانی، کاک حاکم عمر هاتبوو بۆ بلەکێ چاودێری ئەم سەفەرەی ئێمەی دەکرد.قسەم لەگەڵ حاکم عمر کرد ووتی لێرە دەمێنمەوە تا ئێوە دەگەڕێنەوە، هیوادارم سەرکەوتوو بن، بەسەلامەتی بگەڕێنەوە،

 ، ، ، ، ، ، ، کەشف بونی ڕێگایەکی سەر سنور، ، ، ، ، ،

----------------------------------------

ڕۆژێک لەمەقەڕ دانیشتبوین خەریکی نانخواردنی نیوەڕۆ بووین، برادەرێک ووتی جمال میوانمان هات کاتێ بینمن کاکە عەبەڕەق بوو لەگەڵ دوو پێشمەرگەی ترداهاتن دانیشتن فەرمووی نانخواردنمان لێکردن ووتیان نانمان خواردووە، پاشان کاک عەبە ووتی ئیشم پێتە، دوای نانخواردن چووینە دەرەوە سەر بانی مقەڕەکە ووتی ئەمشەوو بەمەفرەزە ڕۆشتین بەنیازی شاری سلێمانی بەڵام لەڕێگەکەمان ئەڵغام تەقیەوە ڕەبیەکان تەقەیان بەسەرماندا کردووە لەوانەیە ڕێگاکەمان کەشف بوبێت، من لە مامۆستا جمالم بیستووە ئێواش بەتەمان بچن بۆ سلێمانی ئەگەر وایە رێگاکەی ئێمە خەتەری لەسەرە با لەڕێگاکەی ئێوە پێکەوە بڕۆین منیش ووتم باشە بەڵام ڕێگەی ئێمە ڕێگەی قەرەباڵغی نیە زۆر نزیکە لەڕەبیەکانی عێراقەوە، ووتی ٨ کەسین ئێمەش ٣کەس ئەمە ١١کەس زۆر بوو بۆ ئەوڕێگایە بەڵام چارە نیە، بریارماندا شەوی داهاتوو پێکەوە بڕۆین، ،

ئەوڕێگایانەی لە بلەکێوە پێشمەرگەی پێدا دەهاتە خوارەوە ٣ڕێگە بوون، ڕێگەی دەستە چەپ منوو شێخ سالاری کادر پاکمان کردەوە لە ئەڵغام.ڕێگەی دەستەڕاست کاکە عەبەو برادەران پاکیان کردبویەوە، ڕێگەی سیاگوێز ڕێگەیەکی گشتی بوو،

تاریکوو ڕونی ئێوارێ کەوتینەڕێ نیوەی شەو گەیشتینە زاخێ کاکە عەبە ووتی بالێرە بمێنینەوە من حەزم نەدەکرد لەزاخێ لابدەین ووتم کاکە عەبە هەتا ڕۆژ دەبێتەوە دەڕۆین لە هەرکوێ ڕۆژمان لێبووە لادەدەین، هەموو ڕۆژەکە ئیسراحەت دەکەین، ڕازی بوون بە بڕیارەکەی من پاش پشویەکی کەم درێژەمان دایەوە بەڕۆشتن لە خوار گوندی مامەخەلانەوە دوو ووڵاغارمان توشبوو باری قاچاخیان پێبوو هەواڵی ڕێگەی پێش خۆمان لێیان پرسی ووتیان هیچ مەسەلەیەک نیە، دوونەفەرەکە خەڵکی گوندی بلەکێ بوون، فەچری بەیانیدا لە پردەکەی تەنکەبوار پەڕینەوە بەدەستە چەپا ٥٠٠م چوینە سەروتر لەبەینی تاشەبەردەکانی قەراخ چەمەکە لاماندا نۆبەداریمان دەرکرد خەوتین پێش نیوەڕۆ لەدەنگی تە تەقە خەبەرمان بووە تەقەیەکی زۆر تەقەکەش نزیک بوو، بەپەلە هەستاین خۆمان کۆکردەوە، حازروو ئامادە ووردە ووردە هەڵکشاین بەچەمەکەدا بۆ ئەوەی بچینە نەدیووی، باشبوو تەقە نەما هەرنەمان زانی تەقاکان جیبو بۆ کران، لە پەنایەکی قایم تردا دانیشتین،

 ، ، ، ، ، ، پاشای دێهاتە سوتاوەکان، ، ، ، ، ، ، ،

---------------------------

ئەوەی لەبیرم مابێ کاکە عەبە ئەم پێشمەرگانەی لەگەڵ بوو سەڵاح لیوا عەشرین /عوسمان بڕنەوو/ عەلی بیکەیسی /دلێر/ کاکە عەبە ووتی لەوسەرەوە دلێر ناهێنمەوە.دوو پێشمەرگەی ئیسلامی لەگەڵ بوو کە ئەو دوو ئیسلامیەم بینی شتێکم لادروست بوو، ئیسلامیەکان کمالی ئەحا دۆڵپەمو، فەتاحە سور بوو، هەدوکیان بێ چەک بوون، ووتم کاکە عەبە ئەم ئیسلامیانەت بۆ لەگەڵە کاکە عەبە ووتی کاک{ نەبەز } تەکلیفی لێکردوم لەگەڵ خۆم بەیانهێنم .برادەران وەرەقەی یاریان پێبوو لەگەڵ کاکە عەبە دەستمان بەیاری کۆنکەن کرد، بەدەم یاریەکەوە قسەمان دەکرد شارباژێڕمان دابەش کرد بە دوو بەشەوە، کا عەبە ووتی دەبیتە کوێخای کام بەشیان ووتم بەشی شارباژێڕی تەخت لە گوندی سیتەکەوە تا بەرزنچە و، چەمی گەڵاڵ، کاکە عەبە بەدڵی نەبوو ئومێد بوو بەناوبژوانمان، ووتی شێروخەتی بۆبکەن، شێروو خەتمان بۆ کرد ئەودیوو بەر من کەوت لە چوارتاوە تا ناڵپارێز بەر کاکە عەبە کەوت ووتم کوێخا تەنها بۆ یەک گووند دەبێت با ناوەکەی بگۆڕین بۆ پاشای دێسوتاوەکان بە پێشنیارەکەم ڕازی بوو، کاکە عەبە هەتا شەومان بەسەرهات هەر دەیووت پاشای کوێم دەمان گووت دێ سوتاوەکان، بەڕاستی پاشای دێسوتاوەکان بووین، ، ،

عەسرێکی درەنگ کەوتینەڕێ لە نزیکی گووندی دۆڵەتوو خۆم تۆزێ دواخست دوور لە چاوی برادەران لە پەنایەکدا کیسە خەوەکەم، دوربینەکەم.نەختێ مێوژو گوێزوو نانەڕەق لە دەستەسڕێکدا بوو لە دەوەنێکدا شاردەوە، بۆکاتی گەڕانەوەو دابڕان دور لە چاوی مەفرەزەکەی کاکە عەبە شینی یەکتر گرتنەوەم بۆ مامۆستا ئەکرەم/ئومێد دەست نیشان کرد، ، ، ،

لە دۆڵەکەی خوار گووندی شارستێنەوە برادەران تاقموو تفەنگەکانیان شاردەوە هەڵگەڕاین بە شاخی گۆیژەیا من ئەمچارە تفەنگەکەم هێنایە دیووی سلێمانی لەناو سنەوبەرەکاندا شاردمەوە تەنها منوو کاکە عەبە دەمانچەمان پێبوو، کاکە عەبە کاتی گەڕانەوەی دیاری کرد ووتی ئالێرە لە ئاخر تاقمەداری سنەوبەرەکانی گۆیژە شەوی ١٧/١٨/٧ چاوەڕوانتان دەکەم تا سەعات دەی شەوو هەرکەسێ لەم کاتەدا نەیەت بەچێ دەمێنێت، بەڵام ئەم تەگبیرە بە بێ ئاگاداری دلێر کرا، منیش ووتم ئەگەر نەهاتین ئێوە بڕۆن.چوینە خوارەوە نیوەی شەوبوو کاتەکە بەکەڵکی چونە ناوشار نەدەهات زۆر درەنگ بوو ووتمان چاوەڕوان دەکەین تا فەچری بەیانی ئەوسا دەچینە ناوشار، برادەران لە ناو خانوی خاباتەکە لیخەوتن منوو ئومێد چوین ڕێگایەکمان دۆزیوە لە ژێر تەلوو پەرژینی دارستانەکەوە .پێش بانگی بەیانی بەسەلامەتی لە چادەی شەست مەتیەکە پەڕینەوە{ من ومامۆستا ئەکرەم، ئومید}، لە مەفرەزەکەی کاکە عەبە چیابوینەوە چوین بۆ گەڕەکی هەوارە بەرزە

، ، ، ، ، ، ، ، ، بۆنی ئەدیداسوو گۆرەوی، ، ، ، ، ، ، ،

 بە برادەرانم ووت دوامکەون ماڵی خزمێکم لەم نزیکەیە، ووردە ووردە دنیا ڕوناک دەبووە خەڵک دەچون بۆ کرێکاری چموچوڵوو هاتوچۆ دروست بوبو، بردمن بۆماڵی وەستا هیوا درگای ماڵەکەیانم لێتێکچوو پرسیارم لەژنێکی دراوسێان کرد لەبەردەرگا نانی بەدەسەوە بوو دیاربوو لە نانەوەخانە گەڕابووە، کامە ماڵی وەستا هیوایە ووتی ئێوە کرێکارن ووتم بەڵی ژنەکە ووتی دووەم ماڵە، لەدرگام دا پورم لە حەوشەکە دەسنوێژی دەگرت بۆ نوێژی بەیانی.درگای لێکردینەوە چوینە ژورەوە دەرگاکەمان داخست پورم ناسیمیەوە، ووتم پورێ بێدەنگ بمانبەرە ژورێکی پەناوە ووتی میوانمان هەیە دەتانبەم بۆ قاتی دووەم لای وەستا هیوا،

 ماڵێ پورە {عەتێ } زۆر کورد پەروەر بوون دۆستی یەکێتی بوون پێشمەرگەوو مام جلالیان زۆر خۆشدەویست لە خۆشەویستی کاک نەوشیروان کوڕێکیان ناونابوو نەوشیروان جەند کوڕێکیان لە ڕێخستنەکانی یەکێتی نیشتیمانی کوردستاندا کاریان دەکرد.کاک عمری کوڕیان لە سەر ڕێخستن چەند ساڵێک زیندانی بوو، کاک هیوا پێشمەرگە بوو لەگەڵ خۆمان، حوکمەت ساڵێ زیاتر باوکیان بە بارمتە گرتبوو بۆ ئازاد کردنی باوکی لە کاتی ئەنفالەکاندا گەڕابووەوە، بەگەڕانەوەی هیوا باوکیان ئازاد کردبوو..هیوامان لەخەو هاستان، هیچ نەشڵەژا دەستی کردە ملمان زۆر بەگەرمی بەخێراتنی کردین ئێمەش خۆمان کردەوە گۆرەویکانمان داکەند، ئەدیداسمان لەپێدا بوو قاچمان بۆگەنی کردبوو، بۆ ئەوەی پێڵاوەکانمان لەدەرەوە منداڵوو کەستر نەیبینێ ئەدیداسەکانیشیان لەو ژورە دانا کە لیدانیشتین ژورەکەمان پڕکرد لە بۆنی ئەدیداس و گۆرەووی، بەنۆرە چوینە سەر دەست شۆر قاچووقولمان شت، بۆ بەیانی نانی گەرموو ماست و چایەکی خۆشیان بۆ حازر کردین پورم هاتە سەرەوە تۆزێ سەرزەنشتی منی کرد، ووتی ڕۆڵە گیان بۆ دانانیشید بەدەردی خۆتەوە بۆ دیت بۆناو ئەم ئاگرە.{ فەقێ ساڵح}ی برام شەید بوو{ فەقێ جمال}ی خاڵم شەهید بوو {مستەفا} شەهید بوو، هەرتۆمان ماوی بۆ داناسەکنیت وەڵا دایکت لە تاو تۆو لەترسی حوکمەت پڕچنگێکیماوە ڕۆژێک دەمرێتوو کەس پینازانێت لەترسی ڕژێم کەس ناوێرێ سەری لێبدا و خۆی تێبگەیەنێ، خوادەست بەباڵیەوە بگرێت پێاوێکی بەرزنجەی ژورێکی داوەتێ بەخوا ئەوپێاوە بەساقەیبم ئەوەندە باشە وەک دایکی خۆیان ئاگایان لێیەتی، پورم ئەم قسانەی لەدڵسۆزی بۆمن دەکرد، بەڵام دیاربوو بۆنی ئەدیداسوو گۆرەویەکان زۆریان بۆ هینا دەستی گرتبوو بەلوتیەوە لەکورتی بڕیەوە ڕۆیشتە خوارەوە،

• ، ، ، ، ، ، ، ، ئومێد ڕۆشت سەیارەی هێنا چوین بۆ ماڵی خەزوری مامۆستا ئەکرەم، ، ،

ئومێد چوو سەیارەی هێنا چوین بۆ ماڵی خەزوری مامۆشتا ئەکرام لەگەڕەکی مامۆستایان شەوێک لەوێ مامەوە شەوی دوەم خزمێکی مامۆستا ئاکرەم بەسەیارە بردمی بۆ ماڵی کاک چەلال بۆ گەڕەکی هەوارە بەرزە، کەمالی خاڵم زانیبووی من لەسلێمانیم لەماڵی کاک جەلالم هات بۆلام هەوڵیدا بچم لەگەڵی نەچوم بەڵام وەعدم پێدا ئێواری لای ئەونان بخۆم، دەعوەتبم،

 ، ، ، ، پێان ووتم من تۆبم قاچاخێتی دەکەم، ، ، ، ، ،

 ئێواری کاک کمال هاتبەدوامدا چوم لەگەڵی دوو میوانی تریان هەبوو لام زۆر ئاسایبوو دوای نان خواردن میوانیتریشیان هات، ئەمەیان ئاسای نەبوو، من هەمویانم نەدەناسی، دیار بوو هەمویان خەڵکی چاک بوون هەمویان زانیان من پێشمەرگەم، پرسیاریان زۆر کرد دەربارەی شۆڕشوو پێشمەرگە گفتوگۆیەکی دوروو درێژمان کرد، هەندێکی دەنوسمەوە،

ووتم ئێستا{ی، ن، ک} پێنچ هەزار زیاتر پێشمەرگەی هەیە یەکێ لەموانەکان ووتی بڵێ پێنسەد، ئەگەر مام جلال پێنج هەزار پێشمەرگەی بەدەستەوەبێت هەوڵنادات ناوچەیەک ئازاد بکات لەژێر دەستی ئێراندا دادەنیشێت؟، سوێنی خوارد پێنسەد پێسمەرگەتان نەماوە، ووتم چۆن دەزانی ووتی ئەوەی من ناسیمەوو دیومە پێشمەرگە بووە ئێستا لەبازاڕ دەیبینم پیاسەدەکات، پرسیاری لێکردم سلێمانی بۆ بلەکێ چەندە دورە ١٥٠/٢٠٠کم/ ووتی هەمووی بەپێ دەڕۆن/ بەڵی /ووتی زۆر بەتوانان من تۆبم ئەسپێک دەکڕم قاچاخچێتی دەکەم ئەزانی ئێستا گۆڕینەوەی کاڵا لەبەینی عێراق، ئێران چەندە قازانجی هەیە بەیەک ساڵ سەدان هازار دینارت دەست دەکەوێت خۆ لە پێشمەرگایەتیدا ئەوەت دەست ناکەوێت،

 زانیان من ئەم قسەیەم پێناخۆشە پیانبڕی، گفتووگۆکەیان گۆڕی منیش چوابم نەدایەوە، قسەوباسمان زۆر کرد هەستم کرد میوانەکان بەتەمابوون بڕۆن، من پێش ئەوان هەستام ڕۆشتم،

 ، ، ، ، ، ، بینینی دایکم، ، ، ، ،

دایکم تەمەنی ٨٠ساڵ دەبوو، ئەوندەیان بانگ کردبوو پرسیاری منیان لێکردبوو چەند چارێک هەڕەشەیان لێکردبوو، لەترسی بەعس نەیدەتوانی بەئاشکرا لەهەموو شوێنێک لەگەڵ براکانمدا ژێان بکات چوبووە ئۆردوگای باریکە لەشوێنێکی زۆر پەنا لە ماڵی کاک جلال ناوێک دەژیا خەڵک زۆر نەیان دەناسی،

کاک جلال پپیاوێکی ئیمانداری کورد پەروەر بوو.خەڵکی بەرزنجە بوو.لەئۆردوگای باریکە بەسوپاسەوە ژورێکی لە خانوەکەی دابوو بەدایکم، خۆیوو هاوسەرەکەیو منداڵەکانی هاوکاریان دەکرد زۆریان ڕێز لێدەگرت، خوا لێیان ڕازیبێ،

کاک ئەسعەد چوبوو دایکمی هێنابوو بۆ شاری سلێمانی بۆلام، جەند سەعاتێ پێکەوە بووین زۆر خۆشحاڵ بووم کە دایکمم بینیەوە وورەی زۆر بەرز بوو، ووتی ڕۆڵە ئەم حوکمەتە بێعەقڵن متەسەڕیف بانگی کردوم بۆ عەربەت ووتیان ئەگەر زانیت جمال لەکوێە یان هاتەوە وەرە پێمان بڵێ، منش پێم ووتن زۆر سەهون من چاوم بەحال بەرپێی خۆم ئەبینێ جمال ببینم هەر نایناسمەوە ئێوە نەزانن لە کوێە من هەرنازانم، وەڵا وام ووت توڕە بوون، پەنچە مۆرێکیان پێکردم و کردمیانە دەرەوە ڕۆڵە ئەمانە ئینسان نین ووریای خۆتبە، عەتێی خوشکەزام هات خەبەری تۆی بۆهێنام زۆرم پێخۆش بوو، بە قوربانیبم ئەمڕۆش کاک ئەسعەد هات ووتی ئەتبەم بۆلای جەمال لەخۆشیا خەریبوو بمرم، ئێستاش شتێک پارەم بۆ هێناویت ووتم چەندە ووتی نازانم ووتم نامەوێت پێویستم بە پارە نیە ووتی بیستومە پارەتان پێنەبوە بێشکە بۆ کوڕەکەتان بکڕن زۆر گریاوم بۆتان، ئەم پارەیەشو شتێکترم پارە هەیە نەم هێناوە پارەی بزنوو گاو مانگاکان بوو کاتێ وەندەرێنەمان چۆڵکرد فرۆشتمان بەڵام تاڵان فرۆشیان کرد ئەگەر بیانگەیایەتە عەربەت زیاتری دەکرد پێش ئەوەی بیگەیەنە عەربەت لە ڕێگە لەترسانا فرۆشتبونیان، ووتم دایکە گیان پارەم ناویت لەچیاتی من پارە بدەم بەتۆ تۆ پارە دەدەی بەمن سوێندی خوارد دەبێ وەری بگری، منێش لەبەر خاتری دڵی دایکم وەرم گرت، دوای ڕۆشتنی دایکم/ کاک ئەسعەد بردمی بۆ ماڵی مامۆستا کمالی ئامۆزای لەگەڕەکی ڕزگاری نزیکی وویزگەی کارەباکەی ڕزگاری، کاک ئەسعەد ووتی نەک دایکت قسەیەکی لەدەم دەرچێ لای کەسێک باسی بینو هاتنی تۆ بکات بگوێزینەوە باشترە، ،

، ، ، ، خەریکی خوێندنەوەی گۆفاری هاوکاریم بووم، پۆلیسێک بە چلی پۆلیسیەوە هاتە ژورەوە، ، ، ، ، ،

کەچوین ماڵی مامۆستا کمال تەنها مەلیحە خانی دایکی لەماڵ بوو، کاک ئەسعەد منی ناساند بە ئامۆژنیو خۆی ڕۆشت، کاتێ چومە ژوری میوان دانیشتم لەسەر قەنەفەکان هەندێ جەریدەو گۆفاری لێبوو سەیری هەمویانم کرد، یەکێ لە گۆفارەکان گۆفاری هاوکاری بوو، چاوپێکەوتنی هەندێ پێشمەرگەی تەسلیم بووەی تێدا نوسرابوو هەندێکیانم دەناسین چەند دانەیەکیان لە پاسەوانەکانی کاک فەریدون عبدولقادر بوون چاوپێکەوتنیان لەگەڵدا کرابوو زۆر بەخراپە باسی کاک فەریدونیان کردبوو، ئەندامێکی مەکتەبی عەسکەری {پ، د، ک} بەناوی {س} تەسلیم بوبوەوە هەر لەهەمان گۆفاردا چاوپێکەوتنیان لەگەڵ کردبوو ئەویش قسەی خراپی لەسەر کاک مەسعود کردبوو، ، ئێستا زانیم ئەم گۆفار و بڵاوکراوانەش هەیە ئیتر چەند چاری تر هاتمە سلێمانی لە هەر ماڵێکدا بمامایەتەوە داوای گۆفاری هاوکاریم دەکرد بۆیان دەهێنام هەندێکیمان بردەوە بۆ مقەری بلەکێ، و شاری بانە.لەم گۆفاری هاوکاریەدا چاوپێکەوتنیان لەگەڵ سەدان {پ.م}کردبوو کاتێ تەسلیم دەبونەوە، هەر یەکە بەچۆری باسی شۆڕشوو هاوڕێکانی دووێنی خۆیان بەخراپە دەکرد،

ئامۆژەنە مەلیح چوبوە دەرەوە درگای حەوشەی دانەخستبوو لەپڕ پۆلیسێک بەچلی پۆلیسیەوە نەچمەیەک لای ملی! یان لەسەرشانی بوو.هاتە ژورەوە هاتە ئەوژورەی منی لێدانیشتم بەخێرهاتنی کردم نەمن ئەودەناسم نە ئەو من داناسێ لەپەنچەرەکەوە سەیری حەوشەم کرد کەسیتری لەگەڵ نەبوو هەر سەیری دەمانچەکەی دەستی منی دەکرد زانی من شڵەژاوم ووتی من باوکی مامۆستا کمالم، منیش خۆم پێناساند ووتم کاک ئەسعەدی برازات هێناومی بۆ ئێرە ئەویش هاتەوە سەر خۆی، بانگی خێزانەکەی کرد کەس چوابی نەدایەوە چووە چێتخانەکە کەسی لێنەبوو هاتەوە لای من دانیشتەوە ووتی تۆ هاتی کەسی لێبوو ووتم بەڵی، زۆری پێنەچوو ئامۆژنە مەلیح هاتەوە، نزیکی عەسریش مامۆستا کمال و هاوسەرەکەی کە هەدوکێن مامۆستای مەکتەب بوون هاتنەوە بۆ ئێوارێ خواردنێکی شاهانەیان حازر کردبوو کە زۆر خۆش بوو بەسواسەوە،

ماڵی مامۆستا کمال هەمویان خەڵکی کورد پەروەر، ڕۆشنبیر،  ڕێزدار، دڵسۆز بۆ شۆڕشوو پێشمەگە، چوامێر، قسەزان، شارەزا لە ڕوداوەکانی کوردستان، زانیاری باشیان هەبوو لەسەر شۆڕش و پێشمەرگە زۆر شادومان بووم خەڵکانی وەها ڕۆشنبیرم ناسی، شەو گەڕامەوە بۆ لای مامۆستا ئەکرەم لە گەڕەکی مامۆستیان لەوێ مامەوە تا ڕۆژی گەڕانەوەمان.

مامۆستا ئەکرەم ووتی هەندێ کەسم دیوە نامەکانی ناوەندی شۆڕشگێڕانم بە ئەمانەتەوە گەیاندووە، ماڵی خەزوری مامۆستا ئەکرەم ماڵێکی کورد پەروەر بوون، زۆر بەخزمەت بوون، خزمەتێکی زۆر باشیان کردین، کوڕێکیان عسکەربوو بە مۆڵەت هاتبووە باسی عسکەری بۆ دەکردین دەیان چیرۆکی سەربازی لابوو، دوو ڕۆژی مابوو بۆ کاتی گەڕانەوەکەمان دانانی سەیتەرە تەفتیشی گەڕەک دەستی پێکرد زەختێکی زۆریان دروست کرد، ،

جمال چاوشین ٥/١/٢٠١٣

ئەم بەشە ماویەتی

ڕۆتەردام