دەمێک گوێم لە لێدوانی بەرپرسێکی لەمەرخۆمان دەبێت، کەدەڵیت[ ئەم ئازادیەی بە خوێنی شەهیدانمان بەدەستمان هێناوە، دەبێ بیپارێزین، یاخود کە دەڵێت ئازدی لە کوردستان بەرقەرارەو بۆ هەمووکەس فەراهەم کراوە، و ئەوە دوژمانن دەڵێن ئازدی نیە و دەیانەوێت لەباری بەرن]. من بەم قسانە گاڵتەم دێت. ئەمەی لە کوردستان دەگوزەرێت ئازادیەکی درۆیە، ئازدیەکی ساختەیە.
چونکە ئەو دمە دەتوانین باس لە ئازدی بکەین کە ڕۆژنامەنووس یا هەر تاکێکی کۆمەڵگا قسەی خۆی بکات و هەڕەشەی لێنەکرێت، لێی نەدرێت، دادگایی نەکرێت و تەرۆر نەکرێت. ئەمە چ ئازادیەکە لەسەر وتنی هەق، لەسەر دەرخستنی راستی، لەسەر ئاشکراکردنی گەندەڵی و دزی و بەهەدردانی سامانی میللەت بکورێیت؟.
ئازدی بۆئەوانەیە کە خۆیان ئازادی تەرۆر دەکەن. ئەمە چ ئازادیەکە چەکدارە بەدەمامکەکان کێیان بوێت بیکوژن یا بیفڕینن کەسیش نەزانێت کێن و سەربە چ لایەنێکن و لە کوێوە هاتوون. ئەمە ج ئازدیەکە [بی ئیم ڤی] ئازادانە بسوڕیتەوە بەئارەزووی خۆی تەقە بکات، خەڵک بکوژێت یا برینداری بکات و پاشانیش بکەر نەدۆزرێتەوە؟
تەرۆرکردنی کاوە گەرمیانی و پێشتریش سەردەشت عوسمان و سۆرانی مامەحەمە، ئەوەمان پیدەڵێت کە ڕەخنە گرتن، هەڵدانەوەی لاپەرەکانی گەندەڵی، ناوهێنانی مافیاکان، پاداشتەکەی سزای مەرگە.
هەموو لەو بڕوایەداین ئیمڕۆ لە کوردستان ژیانی کەس پارێزراو نیە. چەند هێزی چەکداری دیارو نادیار و لەژیر چەندین ناودا هەبن، ئەمانە ناتوانن ژیانی هاولاتیان بپارێزن. دەسەڵاتدارتان چەند دیعایەی ئامان و ئاسایش بکەن کەس بە پولیکی قەڵب لێیان ناکڕێت، چونکە واقیع واناڵێت.
من بێگومانم گەر دەسەلاتدارانی یەکەیتی [بۆیەدەڵێم یەکیەتی چونکە ئەوان لەودەڤەرە بالادەستن] بیانەوێت بکوژەکان بدۆزنەوە دەتوانن، دووریش نیە ئیستا سەرەداوێکیان لانەبێت، دەنا درووستکردنی لیژنەو لیژنەکاری هیچ بەرهەمێکی نابێت و لە دیزە بەدرەخۆنەکردنی دۆسیەکە بەولاوە هیچی تر نابێت.
نابێت تەرۆری کاوە گەرمیانی ڕۆژنامەنووسان بێدەنگ بکات، دەبێ لە جاران جەسوورتربن، دەبێ ڕاشکاوانەتر شتەکان باسبکەن، دەنا بێدەنگییان، کوردستان دەکاتە جەنگەلستان.
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.