ئەکرەم محەمەد ئەمین ئەحمەد

پرۆسەی هەڵبژاردن زۆر گرنگی خۆی هەیە لەسەر ئاستی ناوخۆو دەرەوە، لە هەمان کاتدا گرنگە بەڕیزەوە بە بێ فروفێڵ ئەم پرۆسەیە بەڕێ بکرێت .

ئەوەی پرسیاری دروست کردوە دەنگی مرۆڤەکانە .

ئایا بە چی پێوەرێك مرۆڤەکان دەنگ ئەدەن ؟ ئەوەندەی بزانم دوو پێوەر هەیە :

١ - رابوردوی ( مێژوی ) پارتەکان یان ڕێکخراوەکانی بەشدار بووی پرۆسەی هەڵبژاردن گرنگە لێبروانیت .

٢ - بەرنامە و کاری خزمەتگوزاری بۆ پرۆسەی دوای هەڵبژاردن .

ئەگەر باس لە مێژووی یەکیتی بکرێت لای هەموومان ئاشکرایە تەنها پارتی سیاسی شۆڕشگێری ناو خاکی کوردستان بوە لە دوای ( ئاش بە تاڵەوە ) خاوەنی هەزاران پێشمەرگە و دەیان سەرکردەی شەهیدە، سەرکردایەتی لە ناو خاکی کوردستاندا بوو ملمان بۆ هیچ دەوڵەتێکی دراوسێ کەچ نەکرد .

خاوەنی دەیان داستان و هەزاران چالاکی سەرکەوتوە، زۆر بە شانازیەوە باسی سەروەریەکانمان ئەکەین و شازی پێوە ئەکەین پێشمەرگەی یەکێتی بوین، چۆن بیرمان ئەچێتەوە بۆ چالاکی ناو شار بە دەیان خێزان و خەڵکی ئازاو دڵسۆزی شارەکەم دەرگای وەڵا بوو دوای چالاکیە میوانیان بین بۆ نان خواردنێکی خێرا .

یەکەم هێزی پشتیوانی بوین بۆ کوردانی ڕۆژهەلات و دەیان پێشمەرگەمان شەهید بوو بەرامبەر کۆماری ئیسلامی .

ئایا کام لەم پارتانەی ئیمرۆی ناو پەرلەمان هێندەی یەکیتی خاوەنی خەبات و کوردایەتیە یان ( یەك لە سەدی یەکێتی ) شەهیدی نەداوە . یان دژی داگیرکەرانی کوردستان نەجەنگاون، ئەمە مێژوویەکی زۆر دوور نیە هەر هەموی ڕاستیە چۆن لە بیر ئەکرێت، ئەی لە دیموکراسی کە بیوژدانە .

بەشی دووەم باسی ئایندەو بەرنامە و کاری خزمەت گوزاری .

١ - یەکێتی بە بەرنامەو پرۆژە و کۆمەڵێك کاندیدی باش و بە تواناوە هاتە مەیدانی هەڵبژاردنەوە .

٢ - یەکێتی بەدرێژایی چەند ساڵی ڕابوردوو پرۆژەی هەبوە و کاری خزمەتگوزاری پێشکەش کردوە لە لایەن خۆیەوە تەنها دەسەڵاتیش نەبوە لە حوکمەتدا، کاری زۆر باشێ ئەنجام داوە، بەڵێ کەم کوریش بوە .

پرسیار ئەوەیە لایەنی بەرامبەر بە هەمان شێوە هاوبەشی حوکمەت بوە لەگەڵ یەکێتی و زۆری کەم کوریەکانیش و نەبونی دیموکراسی لە ناوچەی زەرد بوە، خێرە پارتی دەنگی زیادی کردبێت و یەکێتی دەنگی لە کەمبوندا بێت،

سەرەرای هەردوو بەشی یەکەم دووەم کە مێژوو ئایندەمان زانی، ئەمەیە دیموکراسی و دەنگدان ؟

خۆمان ناشارینەوە لە کەم و کوریەکانی ناوخۆی یەکێتی بەڵام ئەوش دەنگی یەکێتی نیە .

بۆ یەکێتی گرنگە خۆی چۆن ئامادە بکات بۆ کابینەی نویی حوکمەت .

١ - تەبایی مەبدەئیانەی سەرکردایەتی تا کاتی کۆنگرە و ڕێز گرتن لە بیرو بۆچونەکان لە پێناوی پێشکەش کردنی دەست پێشخەری کارسازی و چاکردنی کەم و کوریەکانی ناوخۆی، کە جێگەی دڵخۆشی ئەندامان بێت .

٢ - ئاڵ و گۆرەکانی ناو ئۆرگانەکان ئەتوانرێت بوەستێنرێت تا کاتی کۆنگرە .

٣ - زۆر گرنگە کەسانی ئازاو بە ئاگا زیرەك بەشدار بێت لە حوکمەتدا، بەرپرس بێت لە چوار چێوەی کارەکەی خۆیدا، دژی دەسەڵاتێکی کارتۆنی بێت بۆ کەسایەتی خۆی و پارتەکەی زۆر گرنگە .

٤ - بە تەنها چونمان بۆ پێکهێنانی حوکمەت هەڵەیەکی گەورەیە و چارەسەرکردنی ئاسان نابێت، دەسەڵاتمان نابێت ئەگەر پلەی دەسەڵاتیش بەرز بێت،

بۆیە پێوستە کار بکەین حوکمەتێکی بنکە فراوان بێت و بە تێکرا بەرنامەو پرۆژەکان یەك بخرێت بۆ ئایندەی کابینەی نوێ و هەموو بەشدار بین لە خزمەت گوزاری و مافە نەتەوەیەکاندا .

لە ڕێگەی ئەندام پەرلەمانەکانمانەوە بە پێشکەش کردنی پرۆژەو کاری خزمەتگوزاری ئەتوانین دەنگی یەکێتی بگەرێنینەوە .

٠٦/١١/٢٠١٣

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

هەڵبژاردن پرۆسەیەکی دیموکراسیە بروامان بە ئیرادەی گەل هەیە و یەکیتی یەکەم پارتی سیاسی کوردستانە لەم پێناوەدا کاری کردوە و کاری بۆ ئەکات.

هیوادارین هەموو کات پروسەیەکی سەرکەوتوو بیت نمونەیەکی جوان بدات بە ناوچەکە و جیهان دوور لە توندوو تیژی.

ئەم جارە ئەوەی جێگەی باسە ڕێژەیەکی باش بەشداری کردوە، بێگومان هەموو پرۆسەیەکی هەڵبژاردن بێ کەم و کوری نابێت، بەڵام پرۆسەکە لە چاو ووڵاتانی عارەبی و ناوچەکە لە هەمویان سەرکەوتوتر بوە ئەمە گرنگی خۆی هەیە بۆ گەلی کورد و یەکێتی.

زۆر جار ئەم پرۆسەیە ئەنجامی چاوەروان نەکراو ئەهێنێت و کەس ناناسێت پارتێکی وەکو یەکێتی نیشتمانی کوردستان دوور ئەخاتەوە لە دەنگی یەکەمی کە یەکەم هێزی خەبات و تێکۆشانی ناو خاکی کوردستان بوە و خاوەنی هەزاران شەهیدە، یەکێتی هەربە خۆڕاگری مایەوە هەتا ئێستا و بەردەوامیش ئەبێت بۆ ئایندە.

زۆر گرنگە هۆکارەکانی بزانین، کار بکەین بۆ چارەسەرکردن.

ئەوەی من هەستی پێئەکەم و ئەیبینم لە شوێنی خۆمەوە وەکو ئەرکێک بە پێوستی ئەزانم بیخەمە بەدەمی بەڕیزتان بە هیوای جێگەی چارەسەر بێت.

١ - بێگومان نابێت پەشیمان بین لەوەی بە تەنها هاتینە پرۆسەی هەڵبژاردنەوە، سەنگ و رەنگی خۆمان زانی ووریا کردنەوەیەك بوو بۆ پیادە چونەوەی کەم و کوریەکانمان.لەم ژمارەیەوە دەست پێبکەین کە ئەنجامی هەڵبژاردن بەرمان ئەکەوێت.

٢ - بێگومان بۆ ئەم هەڵبژاردنە ناوی بەڕێز (ما جەلال) سەنگ و هیزی خۆی هەبوو ئەگەر ئامادە بوایە بێگومان ئەنجامەکان بە شێوەیەکی تر ئەکەوتەوە، بەداخەوە باری تەندروستی رێگەی نەدا.

لێرەدا پرسیار زۆر دێتە ئاراوە.

لەدوای روخانی رژێمی عیراق، ئەرکی گرنگی سەرکردایەتی یەکێتی بۆ بەشداری کردنیان لە ئایندەی عێراقدا و بەڕێز (مام جەلال) بە سەرۆك کۆمار هەڵبژێرا بۆ نەتەوەی کورد دەسکەوتێکی مەزن بوو لەسەر ئاستی وولاتانی عارەب و جیهان سەنگ و گرنگی کوردی نیشاندا لە عێراق و ناوچەکە،

کەسێکی کورد و پێشمەرگە ئیمرۆ سەرۆك کۆماری عیراقە مێژوو خەباتی بەڕێزی هاندەری یەکەم بون بۆ سەرۆك کۆماری.ئەمە بۆ ئاستی نەتەوەیی زۆر گرنگ بوو.

بەڵام بۆ ناو یەکێتی لەدەست دانی بریار دانی ناوەند بوو بۆ مەکتەبی سیاسی و سەرکردایەتی و وەکو ئەوەی بینیمان کە چیمان بەسەر هات ناوچەگەری و دەستەوتاقم و دواجاریش برادەرانی گۆران جیا بونەوە، بە داخەوە جیا بونەوەی گۆرانیش نەبوە هۆی سەرلە نوێ خۆ ئامادە کردنەوە و پیا چونەوەی هەلەکان و سود وەرگرتن.

کەواتە زۆرێك لە ئەندامان و دۆستان و پێشمەرگە دێرینەکان پەراوێزخران کە براوایان بەم جۆرە کارە نەبوو زۆریان هەوڵدا لەگەڵیدا بۆ چارەسەر سودی نەبوو، لە یەکێتیدا مانەوە تەنها بۆ پاراستنی دەسکەوت و سەروەریەکانی خۆیان پاراست لەم کێشانە.

٣ - دانانی ژمارەیەکی زۆر بە ناوی کادر و ئەندام مەکتەب و ئەندام مەڵبەند و ئەندامی پەیوەندیەکان هتدددد، هەر ئەندامێک پیاوی بەرپرسێکە بە بی رەچاوکردنی پلەی حزبایەتی، ئەمانە تەنها لەسەر حسابی یەکێتی ژیاون و دژایەتی ئەندامە دلشۆز تێکۆشەرەکانیان کردوە بە ئێشتاشەوە.

بۆ دامەزراندنی هەموو ئەندامێك (cv) پێشکەش بکرایە بێگومان ڕۆژمان نە ئەگەشت بەم ڕۆژە و بەرپرسەکان سنورێکی دیاری کراو هەبوو بۆ کار کردنیان.

٤ - داوامان کرد هەڵبژاردن لە ڕیکخستنەکانەوە بکرێت بۆ پالێوراوی پەرلەمان لە ووڵاتی هۆلندا نەمان بینی و نەمان بیست بۆچی نەبوو بە دەیان کەسی شارەزاو باشی تیایە.

راگەیاندن:

١ - بە تەلەفزیون و چاپەمەنیەکانەوە داهاتیان لەسەر بودجەی یەکێتیە، راگەیاندن پشکی گەورەی بەرئەکەوێت لە نە دۆزینەوەی چارەسەر کردن و نە خوێندنەوەی هەموو چین و توێژەکانی ناو کۆمەڵ

کوردسات تەنها بۆ چەند دەم چاوێکە ئەم هەفتەیە کۆمەڵی یەکەم هەفتەی دووەم کۆمەڵی دووەم بە پێچەوانەوە.

لە ساڵێکدا ٢- ٣ جار یادی کەسێک ئەکرێتەوە بە بێ رەچاو کردنی هەزاران شەهید و هەزاران پێشمەرگە و زیندانی سیاسی و خەڵکی تێکۆشەر، وادیارە خۆیان بەرنامەکان نابینن.

٢ - هەردوو کەناڵەکە کرابونە جێگەی ململانێی نێوان یەکێتی و گۆران، پارتی و ئیسلامیەکان بینەری ئەم شەرەی نێوانمان بون و بوە دەسکەت بۆ ئەوان.

نمونەیەك:

پاش بیست ڕۆژ لە ململانێ تێرمان نەخوارد، دوو رۆژی پێش هەڵبژاردن پێوستە ئارام بین.گۆران ناوی چەند بەرپرسێکی پارتی بلاو ئەکاتەوە کە کە پلەی وەزیر خانەنشین کراون،

یەکێتی تۆ بۆ ئەچیتە سەنگەرەوە لە گۆران وەلامی ئەدەیتەوە، ئایا تۆ دەم راستی پارتیت، راگەیاندنی پارتی بێدەنگی هەڵبژارد تا نیوەی دووەمی دووەم رۆژ وەڵامی گۆرانی دایەوە ئەویش لەبەر خاتری یەکێتی وەڵامی دایەوە، زیانێکی زۆری هەبوو نەك قازانج کاتەکان هی ئەوە نەبوو.

٣ - ڕۆژنامەکان ئەگەر بەشان و باڵی یەکێتیدا هەڵنەدەی بۆت بڵاو ناکرێتەوە، تاپۆکراوە لەسەر چەند کەسێکی دایاری کراو.

٤ - گرنگی نادرێت بە چالاکیەکانی کوردەکانی ئەوروپا.

٥ - بۆ کاندیدەکان چاوپێکەوتن و ناساندنیان بۆ کۆمەڵانی خەڵکی کوردستان نایەکسانی زۆری تیا بوو.

حوکمەوت ؛

١ - بە درێژایی رابوردوو هەرچی دەسکەوت هەبوو پشکی گەورە بۆ پارتی بوو، قبولی نەبوو لەژێر دەسەڵاتی زەرد یەك زیادەرەوی بکرێت، هەرچی هەڵەی حوکمەتیش بوو بەرەورووی یەکێتی ئەبوە و باجی هەلەکانی پارتیش یەکێتی ئەیدایەوە، کە ئەمەش بەرپرسارێتی گەورەش برادەرانی مەکتەبی سیاسیە.

٢ - درێژ کردنەوەی ماوەی سەرۆکایەتی، ئایا یەکێتی چۆن هەڵی سەنگان بەلام خەڵکی کوردستان دژی بون، لەمەش سەرکردایەتی و ئەندام پەرلەمانەکان بەرپرسیارن.

٣ - بە داخەوە سەرکردایەتی دوور بین نەبون بۆ پرۆسەی هەڵبژاردن، ئایا چۆن وەلامی خۆیان و ئەندامان ئەدەنەوە، ئەوەندەش لە خۆیان رازی بون کێشە و ناکۆکیەکانیش رۆژانە لە هەڵکشاندا بون.

پێوستە گۆرانکاری نیمچە بنەرەتی بکرێت لە هەموو مەکتەبەکانی یەکێتی و کار بە شارەزایی و ئەزمون و کەسایەتی ناکۆمەڵ بکرێت.

 ئەکرەم محـدئەمین ئەحمەد

٢٥/٠٩/٢٠١٣

کورد مێژوویەکی پر کارەسات و خوێناوی هەبوە، دوژمنەکانمان زۆر سەرسەختانە درێخیان نەکردوە بۆ لەناو بردنمان .

بە درێژایی بزاڤی ڕزگاری خوازی گەلەکەمان بە پلەی یەکەم شاخ و گوندەکانی کوردستان و دانیشتوانەکەی سوتماکی سیاسەتی دوژمنکارانەی داگیرکەران بون .

 لەبەر ئەوەی شوێنی خۆشاردنەوەو حەوانەوەی پێشمەرگە بوە، دەروازەی چالاکیەکانیش بەرامبەر دوژمن لێرەوە .

ئیمرۆ ئازادیەك بە خوێنی شەهیدان و پێشمەرگە و کەسانی دڵسۆز و پشتیوانی گوندەکان هاتۆتە ئاراوە،  کارکردن خزمەتگوزاری بۆ کۆمەلانی خەڵکی کوردستان ئەرکی یەکەمی حوکمەتی هەرێمە .

بە سەدان گۆڤار و رۆژنامەی ئەلیکترۆنی و دەیان تەلەفزیونمان هەیە .

ئەمانە بە گشتی کاریان خزمەت کردنی کۆمەڵانی خەڵکی کوردستان و حوکمەتە، کەواتە وەکو پردێك بۆ گەیاندنی کەم و کوریەکان و دەسکەوتەکان بە هەدردوو دیوەکەیەوە بە یەکتری بگات .

بۆ نمونە ؛ بەرنامەیەکی تەلەفزیونی کوردسات هەیە بە ناوی ( ژیانەوەی کوردستان ) .

بە پێوستی ئەزانم دەستخۆشی لە ستافەکە و پێشکەشکاری بکەم .

چەندین گوندیان بەسەر کردۆتەوە، ئەبوایە قۆناغی ئاوادانکردنەوە لە بارەی ڕێگاوبان و خوێندنگا و تەندروستی و ئاو و کارەبا دەمێک بوایە تەواو بوایە،

 حوکمەت کاری بکردایە بۆ ژیانەوەی کشت وکاڵ و بەرزکردنەوەی باری ڕۆشنبیری جوتیارەکان و وابەستەیان بکەن بە زەویەکەیانەوە ناساندنیان بە ئامێری تازەی کشت وکاڵی .

بەداخەوە سەرەرای ئەو هەموو ماڵ وێرانی و ئەنفال کردنە، لە ئاستی داخوازیەکاندا نیە .

لە بەرنامەی هەفتەی رابوردووی ژیانەوەی کوردستان گفتوگۆی لەگەڵ جوتیارێکدا کرد،  ژن و کەس و کاری هەموو ئەنفال کراوە ئەمیان ووتی ( ٢٠ ) کەسم یەکێکی تریان ووتی ( ٤٠ ) کەسم بە سەدان نمونەی وامان هەیە .

ئەم مرۆڤە بەڕیزە بەشێکە لە هەڵگری ئەم ئازادیە، چۆن چارەسەری ئازارو کارەساتە دەرونیەیی ئەکرێت ؟

 زۆر زەحمەتە پیاو بگری ئەگەر ئازاری زۆر نەبێت، گریانی ئەم جوتیارە بەڕیزە بەردی ئەتوانەوە .

پرسیارێک دێتە پێشەوە :

 ئایا ئەم بەرپرسانەی لە حوکمەتی هەرێمدا کارئەکەن تۆ بڵێیت هەمان ئازار و هەستیان هەبێت و ژن یان منداڵ یان کەسی نزیکیان ئەنفال کرا بێت ؟

ئایا بەرپرسەکان توانیان وەکو پێشمەرگە لە ژیانی خۆیان و کەس و کاریان ببورن ؟

ئایا چ پاداشت و ڕێز لێنانێکتان پێشکەش بە پێشمەرگە دێرینەکان کرد ؟

ئایا سەیری گۆڤار و بەرنامەی تەلەفزیونی ئەکەن تا لە کۆمەلانی خەڵکی بگەن و بەدەم دواکانیانەوە بچن، یان تەلەفزیونەکەیان تەنها یەك کەناڵی ئەفلام کارتۆن وەرئەگریت .

لەگەڵ ڕیز

         ئەکرەم محمدئەمین ئەحمەد

10/07/2013

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.

یەكێتی بەس ماندوو بکەن ... ئەکرەم محمدئەمین ئەحمەد

هەموومان شانازی ئەکەین کە یەکێتین خەباتێکی سەخت و قوربانی زۆرمان داوە لەم پێناوەدا بۆ گەیشتن بە ئامانجی گەلەکەمان .

یەکێتی لای ئەندامان و دۆستانی ( قیبلە و پەناگابوو هیواو ئامانج و ژیان بوو ) .

بۆ دوژمنیش ( دۆزەخ و خەزان بوو ) .

دەسەلاتێکی ئیداری باش ئەتوانێت خزمەتگوزاری باش و ئاسایش بەرکەمال بکات بۆ کۆمەڵانی خەڵکی و هەموو هاوولاتیەك بە بێ جیاوازی بیروڕا خزمەتی گەل و نیشتمان بکات .

ئەی ئەگەر بەڕێوبردنی دەسەلات باش نەبوو، یان کاریگەریە ناوخۆی و دەرەکیەکان و ناوچەییەکان هەموویان رەنگدانەویان هەبوە جا چەند پەیوەندی بە خودی حزبەکەتەوە هەبێت یان نا ئەمیش بەرپرسیارە بەرامبەر کەم و کوڕییەکان،

با باشتر و رونتر جیاوازیەکان باس بکەین تا خوێنەر و ئەندامانی یەکێتی لە شتەکان باشتر بگەن و منیش وەکو خۆم ( یەکێتی ) ئازارەکانم کەمێك ساڕێژ بکەم .

١ - جاران یەك بریاری ناوەندی هەبوو بۆ راپەراندنی کارەکانی یەکێتی، ( کۆمەڵە و شۆڕشگێران ) بەرنامەو پەیرەوی خۆیان هەبوو بۆ کارەکان و هەموو ئەندامێك لەبەری بوو کاری بۆ ئەکرد .

# - ئێستاش بریار و ووتاری جیاواز ئەیبینین و ئەیبیستین هەست بە بونی ناوەند ناکەین .

٢ - یەکێتی بە هێزترین و یەکەمین دەسەڵاتی سیاسی و پێشمەرگایەتی سەرخاکی کوردستان بوو .

# - ئێستا هاتوینتە پلە ( ٢ بەرەو سێ گەر نەچین باشە ) .

٣ - نە کتلە و ناوچەگەری هیچی مانای نەبوو، شەرم بوو باس کردنی .

# - ئێستا کتلەو ناوچە گەرێتی شەکەت و ماندو بونی بۆ یەکیتی هێناوە .

٤ - جاران پارەو سامان هیچ مانای نەبوو، بیر و باوەر و ویژدان و شەهید بون لەسەروی هەموانەوەبوو .

# - ئێستا پلە و پارەو سامان بۆ کۆمەڵێك کەس رەخساوە، گەر تۆش نیتە هەر لە وورگی خۆت بە .

٥ - هەموو هێزە سیاسیەکانی ناو کوردستان بە کۆن و نوێوە ئاواتیان بوو لە ڕێگەی یەکێتیەوە بێنەوە بۆ کوردستان و چاویان بەکەس و کاریان بکەوێت یان جەولەیەك بکەن .

# - خاوەن ماڵەکەی کوردستان خەریکە ئەبێتە میوان .

هەموومان بەرپرسیارین لە ماندوو بون و هیلاك کردنی یەکێتی گەیشتن بەدەسەڵات لە ماوەی چەند ساڵی ڕابوردودا زیانی پێگەیاندوین و هاوپەیمانیکەش زیاتر .

 ئەگەر بەم شێوەیە کاربکرێت یەکێتیش لەدەس ئەدەین و ئەو کاتە خەو بەدەسەڵاتەوە ئەبینین .

بۆ سەرلە نوێ بۆ هێزکردنی پێگە و گەرانەوەی جەماوەرەکەی یەکێتی وا باشە پشویەکی خولی بدەین بە یەکێتی بۆ پێدا چونەوەی کەم و کوڕییەکان و بەستنی کۆنگرە، کەواتە خۆمان بەدوور بگرین لە بەڕێوبردنی دەسەڵاتدا وەکو ئۆپۆزیسۆن بمێنینەوە .

گەر وانەکەین سەرلەنوێ ئەبینەوە بە خۆراکی هەلەی میکانزمی بەکارهێنانی هاوپەیمانی و زۆر گرانتر ئەوەستێتەوە لەسەرمان، سەرکردایەتی بەرپرسی یەکەم ئەبێت،

هاوپەیمانی لە پێناوی ئاسایش و گەیشتن بە ئامانجەکان باوەشی بۆ ئەکەینەوە، بەلام نەك وەکو ئێستا .

هەڵبژاردنی سەربەخۆی یەکێتی زۆر گرنگە بریارێکی باشە تا هاوکێشەی کاری خۆمان بزانین لە هەڵبژاردنێکی پاکدا .

( سەرکەوتن کاتێك بەدەست دێت، دان بە هەڵەکاندا بنرێت ) .

                 ئەکرەم محمدئەمین ئەحمەد

١٣/٠٤/٢٠١٣

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.