هەمومان لە باس وخواستەکانماندا بە لۆژیکی سەردەم و جارنامەی مافەکانی مرۆڤ ویەکسانی وسیستەمی دیموکراسی و تەکنۆکرات وئازادی تاك وسەروەری یاسا وهتد. . ئەم ووشە قەڵەوانە دەکەین ، بەلام لە ناوەرۆك و رەنگدانەوەی لەناخەکاندا نەك بەدی ناکرێ بەڵکو مایەی گاڵتەجاریشە ،زۆر زەحمەتە ئەگەر بڵێین سەرکردەکانی شۆڕشی شاخ ،کلتوری سیاسی خۆیان پێدەگۆرێ ولۆژیك و سیستەمی سیاسی دەسەڵاتداریان پێ هەزم بوبێ وەك ئەوەی پێویست و خوازراو بێت بەو واتایەی لە سستەمێکی مەدەنی و دیموکراسی دا بتوێنەوە،خۆ ئەگەر لە کاڵاو پۆشاکدا گۆڕابن ، ئەوا لە دەروندا نەیان توانیوە خۆیان لەکلتوری رق وتۆڵە بپارێزن ، خۆ ئەگەر چەند کەسانێك گۆرانکاری فکریان بەسەردا هاتبێ ئەوا بەرانبەرەکەیان سڕینەوەی مێژووی رابردوی پێقبوڵ نەبوە ، هاوکێشەکە بەلا سەنگی ماوەتەوە ،هەرچەندە ئەم سەرکردانە لە روخسارو رواڵەت لەیەك ناچن ،بەڵام لە ناوەرۆکدا زۆر شتی چونیەك و هاوبەشیان هەیە ، زوربەیان نائارام و ناتەندروستن و هەڵگری ڤایرۆسی دژە کەسایەتین ، بەواتەیەکی تر نائارامن بەو مانایەی نایانەوێ سەردانی دکتۆری دەرونی بکەن ،خۆ ئێمە خوانە خواستە مەبەستێکی ناشیرینمان نیە لە دەربرینی ناتەندروستی دەرونیان ، بەڵام تەنها ئەو یاسا نێودەوڵەتیە وەبیر دێنینەوە ،هەرکەسێ بۆ ماوەی دەساڵ لە نێو جەنگ و شەردا بەشداربوو ،دەبێ خانەنشین بێت و پشوو بدات ،چونکە هەموو ژیانی دەق بەرق و تۆڵەوە دەگرێ و هەست وسۆزی لاواز دەبێ ،ووتمان لە زۆر رەفتاردا لەیەك دەچن ،هەمویان مامەڵە بە رابردوەوە دەکەن، هەمویان رەخنە دەگرن ،بەڵام رەخنەلەخۆگرتن قبوڵ نیە ، هەمویان حەزوئارەزەکانیان وەك یەکە ، کەسیان خۆی بە مرۆڤی ئاسای نابینێت وهەمویان لە پرەنسیپ و هەڵسوکەوتی ژیانی ئاسای کۆمەڵگە دادەبرێن ، لە داڕشتنی فۆرمی تۆڵەو مێژوە سواوەکاندا لەیەك دەجن ،لە دیزانی رەفتارو گوتار لەیەك دەچن ،بۆدەستکەوت وبەرژەوەندی وپاوەنخوازی دەسەڵات وەك یەك بیر دەکەنەوە،هەرچۆن شاخوگوندو ناوچەکانیان لەسەر دەمی شاخ پاوەنکردبوو ئیستاس هەمان رەنگدانەوەیە ، لەیادەوەری وچیرۆکەکانی ژیاندا هاوبەش و هاوڕێن ،لە خوێنی شەهیدەکاندا تەنانەت ئەوانەی بەپلانی خۆشیان کوژراون میراتگری یەکترین ،لە کێبرکێی رازیکردنی دوژمنان و جوڵاندنی داشەکانی شەترنج لاسای یەکتر دەکەنەوە ،ئەگەر یەکێکیان ووتارێک بنوسێ وناوی لەسەر نەبێ زۆر زەحمەتە بزانی ووتاری کامیانە ، لەوانەیە لەچەند ووشەیەکی ئەدەبی کەمێك جیاوازیان هەبێ بەڵام لە ئیدیاو ستراتیژ و ئامانج وەك یەکن ، هەرکامیکیان دەم دەکاتەوە خۆی بەپاڵەوان و میراتگری نەتەوەو نیشتمان دادەنێ ، ئەوەی لەیەکیان جیا دەکاتەوە پلان وشیوازی تەزویرو ساختەکاریە لە هەڵبژاردندا ،ناو وناز ناو قەبارەو کێش وباڵاو روخسارە. بۆ ڕاستی ودروستی ئەم بابەتەش بارودۆخی ئیستای پاڵەوانە زەبەلاحەکانی کەرکوك وناوچەدابراوەکان سەلـمێنەری ئەو ڕاستیەن.
- واتساپ و فایبەر
- 00964770768123
- kurdistannet@hotmail.com Omar Faris Aziz
- کوردستان نێت نێتی هەمووانە
محهمهد بێبهش
ئەوەی ئەو خەباتی بۆ دەکردوبیری لێدەکردەوە، ئەو فەزا دیموکراسی و ئازادییەی لای ئەو کەڵەکە ببوو، ئەو بیروباوەرەی کە تێشوی سەفەروپێخەفی بوو، ئەوجیهانە یەکسانی و دادپەروەرییەی کە پێنوسەکەی پێ داتەتاشی، ئەو خۆزگەو ئاوات وخەونانەی لە هەگبەکەیدا هەڵی گرتبو، ئەو میتۆدو لۆژیکەی ئەو بەکاری دەهێنا، ئەو رەنگ و هێمایانەی ئەو حەزی لێدەکردن، ئەو ئیدیاوستراتیژوپرۆگرامەی کە ئەو هەڵیبژاردبو، ئەو خەسڵەتانەی ئەو دەیویست لە فەرمانرەواکانی ئەم هەریمەدا بیخولقێنی، ئەو نۆتەو رتمەی کە ئەو بۆ ئاوازێکی نوێ دایرشتبو، ئەو مینبەروسەکۆیەی ئەو مایکەکەی لی جێگیرکردبوو، بەکوردی ئەوەی تۆ دەتخواست وئەتکردو دەتنوسی وئەتویست، هەر هەموی دژی ئەهریمەنەکانی ئەم هەرێمە بوو، ئەوەی گرنگە لێرەدا باس بکرێ و پشتگوێ نەخرێ، ئەو سستەمە سیاسییە کە ستالین پەیرەوی دەکرد، کاکە کاوەی نەمر بوو بە قوربانی سیاسەتی پاونخوازی سیاسی و ململانێی دەسەڵات، کاکە کاوە بو بەقوربانی رقووکینەی کەسایەتیەکان، بوو بەقوربانی گواستنەوەی دەسەڵاتەکان، هیچ کەسێکمان بێبەری نابین لەو تاوانانە ی چ روبەرومان دەبێتەوە چی بەرانبەرمان دەکرێ، چونکە هەمومان لە نێوان ئەو بەرداشەکانداین کە ئەمرۆ دەهاردرێن لە نێوان کەسایەتیە سیاسیەکاندا، بەراستی ئێستا ووشەیەك نیە لەم هەرێمە ناوی لێبنێین دیموکراسی یان گەڕان بەدوای ئازادی ومافی مرۆڤدا، یان کە باس لەیاسا دەکرێ هەمومان زەردەخەنە دەمانگرێ وئەو ڕستەیەی سەدام حسێن دێتە یادمان کە ئەیووت(یاسا وەك لاستیکێکە بەدەستی سەدام حسێنەوە) واتە مەبەستی دەسەڵەت بوو، بەڵام لەم هەرێمەش یاسا بۆ مەزاجی کەسایەتیە کۆنەکانە واتە( سیاسیە شاخاوییەکان) تەونی جاڵجاڵۆکەی سیاسی، کێ دەکوژرێ کێ تەقەی لێ دەکرێ وکێ لە برسا ولە بێ کاریدا سزای مردنی خۆی دەدات یان ئاوارە دەبێت، گرنگ ئەوەیە بەقازانجی کەسایەتیەك یان سیاسەتێك یان دەسەڵاتێکدا بشکێتەوە، ئێستا بە خواستی خۆمان نیە هەمومان لە ناو تەونەکەداین، زوربەمان بەبێ ئاگا سەرەداوێکی تەونەکە دەگرین، کەواتە کەسمان بێبەش نین لە تێوەگلانی سیستەمی( سیاسی ستالینی) هەمومان بەشدارین لە پەیرەوی شێوازی ئەم سیستەمەو ناتوانین خۆمانی لێدەرباز بکەین،
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.
بەرێزان ..برواناکەم لیرەو لەوێ کوردێکی دڵسۆز هەبێ حەز بەیەکگرتوی و یەك گوتاری و یەك هێزی ماڵی کورد نەکات ..بەڵام پێویستە هەر یەکێکمان بۆچونی خۆی واڵا بکات ..بۆ شێوازی باشترین و سەرکەوتووترین کۆنگرە .
خاڵە لاوازەکانی کورد لە مێژوودا ...
لەسەرەتاوە ..پێویستە دەستەی ئامادەکار لیژنەیەکی مێژووناسی سیاسی ئامادەبکات ولە هۆکارە دۆراوەکانی رابردوو بکۆلێتەوە وپۆلێنیان بکات .
بە بروای من هەتا سەرنجێکی رەخنەیی لە مێژوە دۆراوەکان نەدەین و خاڵە لاوازەکانی رابردوو دەستنیشان نەکەین ..ناتوانین هەنگاوی داهاتوو بەسەر کەوتوی ئەنجام بدەین ..بەلام کاتێك دەستنیشانی ئەو بۆشاییانەمان کرد کە لە گوتارو رەفتاری رابردوماندا هەبون، بەئاسانی دەتوانین ئەو بۆشاییە نادروستانەی رابردوو بەشێوەیەکی گونجاوی هەنوکەی پر بکەینەوە، خاڵێکی تر سرینەوەوی مێژووی خەباتی رابردوی نەوەی پێش خۆمان، کەئەوەش بۆتە میراتی حێزبایەتی و تەنانەت شۆڕبۆتەوە بۆ ناو تاکەکانی کۆمەڵ و دروستکردنی کینە و رق، بەو رێژەیەی لە رابردوو بینمان هەردوو حیزبی دەسەڵات پەنایان بۆ دوژمنان وداگیرکەران برد، یەکێك لەخاڵە هەرە لاوازەکانی رابردوو خۆمان داوەتە دەست کەسایەتیەك و پەنامان بۆ سیستەمی تاکە کەسی بردوە هەموو مقەدەسایەتی نەتەوەو نیشتیمانیمان لە بۆچونێکی تاك ورەفتاری تاك و ژیانی تاکێکدا کۆکردۆتەوە، کە ئەمەش وایکردوە بەرژەوەندی تاك زاڵببێ بەسەر بەرژەوەندی باڵاو گشتیدا، زاڵبونی بیرورای ئایدیۆلۆژی بەسەر خواستە نەتەوەیی ونیشتمانیەکاندا، هەروەك ئیستا هەندێ لە حیزبەکان بە بەژن وباڵای رۆژئاوادا هەڵدەڵێن و هەندێک بەژن و باڵای رۆژهەڵاتیەکان، کەهەردووکیان لە دابەشبوون و لەتکردنی ئەم نەتەوەو نیشتمانە هاوکارو جێبەبەجێ کاربوون، بڕوا بەخۆنەبون و قبوڵنەکردنی یەکتری بە پاساوی گەورەو بچوك و قەبارە..بۆ مانەوەو زیادەرۆیی لە کایەکانی دەسەڵاتی شەرمەزاریدا ..!
پێویستە ئێستا چی بکەین .ئەوی ئیستا من دەیبیستم لەو لیژنانەی کە دروستکراون ..کورد ووتەنی ( نەڕێسراوەو نە تەندراوە ...شەقەی دێ) جارێ ئێمە بە شێوازێکی فەرمی نێودەوڵەتی لە هیچ شوێنێك خاوەنی کیان و دەوڵەت و سنورێکی دیاری کراو نین، شەڕ لەسەر ئیدیای عیلمانی و ئیسلامی دەکەن، بیریان چۆتەوە کە ئەمە بەستنی کۆنگرەی نەتەوەیی و نیشتمانیە نەك بەستنی کۆنگرە بۆ دروستکردنی حیزبێك ..یان ئاڵۆزی نێوان لیژنەی زمانەوانی لەسەر ئەوەی چ زاراوەو چ رێنوسێك بەکار بهێنن،
من سەرکەوتنی کۆنگرە لەم خاڵە گرنگانەدا دەبینم .
1/ رێکەوتنێکی ستراتیجی لە نێوان هەر چوار پارچەکەی کوردستان ..بە سیستەمێکی کۆنفیدراڵی ..وەك ئەوەی لە جەنگی جیهانی لە نێوان دەوڵەتانی ئەسکەندەناڤیا بریاری لەسەر درا ..تا نەبن بەژێر پێی دەوڵەتە زلهێزەکانی ناوچەکەوە ..واتە یەکگرتنی سەرکردایەتی سیاسی و سەربازی و ئیداری و لۆجستی هاوبەش، چونکە ئیستا حاڵەتی ناوچەکە لە حاڵەتی شەرو ئاژاوەدایە و ئەگەرەکانی ئاڵۆزبون لە زیادبوندایە .خۆ ئەگەرخوێندنەوەیەکمان هەبێ لە روی جوگرافیاو زمان وکلتورەوە بۆ هەرسێ دەوڵەتی سوید و نەرویج و دانیمارك برواناکەم هێندەی ئێمە جیاواز بن .
2/ دروستکردنی لیژنەی دیبلۆماسی و پەیوەندیە نێودەوڵەتیەکان لە کەسایەتی پسپۆرو خاوەن ئەزمونی نێودەوڵەتی کە توانای ئاڵوگۆرێ بەرژەوەندیە نیودەوڵەتیەکانی هەبێ ...نەك بە تەسکییەی حیزبی دابنرێن، پێویستە لە زۆرترین کەسایەتی بێلایەن پێکبهێنرین .
3/ وەلانانی هەموو دەسەلاتە حیزبیەکان لە کۆنگرەدا، ئەوانەی دەسەلاتی لیژنەو سەرۆکایەتی سیاسی کۆنگرەیان پێدەبخشرێ دەبێ لە بەرگی حیزبی و ئایدیلۆژی دابماڵدرێن، تەنها کار بە بەرنامەی کۆنگرە بکەن، تا بتوانرێ دەسەڵات وبریارەکانی کۆنگرە لەسەروی برێاری حیزبیەکان هەژمار بکرێ و پەیوەستبن بە بریاری کۆنگرەوە و سەرپێچی کار سزای نەتەوەیی و نیشتمانی بەسەردا بسەپێ،
4/ لە هەموو لیژنەکان بەشداری کەمە نەتەوەیی و ئاینزاکانی تێدا بکرێ، واتە نابێ هیچ هاونیشتمانیەك پەراوێز بخرێ .
5/ پێکهێنانی لۆبێکی کوردستانی دارای بانکی نیودەوڵەتی بۆ ئامادەبکرێ ..تا هەموو کوردستانیەك بتوانێ هاوکاری دارای بکات، تا هیچ لایەنێك لایەنی دارای پاوەن (استغلال )نەکات بۆ دەسەڵاتەکانی خۆی و ببێتە چەکی خۆسەپاندن .
6/ پێکهێنانی بەرێوەبەرایەتیەکی دارای بۆ داهات و خەرجی .نەك لیژنەی دارای.
بەهیوای سەرکەوتن بۆ گەل و خاکی کوردستان .
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.
تۆ لە روخساردا مردیت و ڕۆحی من بە دوای ناسینی تۆدا وێڵە
تۆ بە جەستە مردیت و خوێندنەوەم بۆپەخشانە شعرێکی تر لێڵە
تۆبەلاشە مردیت وکاروانی رۆحم وەك پاساری ئەجریوێنێ
لە پارکی ئازادی بۆت دەگەرێم ...خەم ئەنێژم ...
لە سەر مەزارگەکەت بەستەکانی دیلان ئەنۆشم
پەیمانی تۆ لە چرا دەچوو ...ووشەکانت گەلەری شعرێ بوو
کێ هەیە بە فرمێسکی شعرەکانی تۆ دڵی تەر نەکا
کێ هەیە چاوێ لە بەرزی بالای ووشەو کتێبەکانی تۆ نەکا
کاکی دڵم...سەفەرەکەت کت وپر بوو ...مال و ئوتێلی حەوانەوەت...
کارۆلینسکای فریشتەکان جگەر بڕبوو
پەنجەکانی ژینم وەرێ ...چاوەکانم لەوێ نەبوو
پر حەزی تامەزرویم من تێتبگەم تۆش تێمبگەی ...مژدە بارانی ڕۆحت کەم
خەمت نەبێ بێخەم بنوو ...
رۆژئاوای وولاتەکەت بە چەپکە نێرگز دێنە لات
هەی هات هەی هات تۆ نەتبینی پەیکەرەکەی وولاتی وون
تۆ نەتبینی هەڵوەرینی وەرزی خەزان .
.تۆ نەتبینی ئاهەنگی چوار ڕەنگی مەم وزین ...
تۆ نەتبینی ڕەشبەڵەكی ئەنفال وسەرچۆپیەکەی جگەرخوێن..
تۆ نەتبینی سسنەوبەرەکان چۆن سەوز بون لە چوار چرا ..بێخەم بنوو کاکی دڵم ..
بێخەم بنوو ئەستێرە گەشەکەی سەرسەرم..بێخەم بنوو کتێبە پیرۆزەکەی هزرم ..
لە بیرم دێ لەدوای کۆرەو لەگۆرەپانی مانگرتوەکان ...
پارچەیەک هۆنراوەم بۆ ناردی..
بە هێمنی چاوە گەشەکانت تەرا کرد و بەدوای مندا وێلی کردی ...
ووتت وەرە ...ئەمە چیە تۆ نوسیوتە هەموی کفرە..
بەڵام گەورەم ئیستا زانیت ...زەمەن لە وڵاتی تۆدا سفرە...
لەدوای بیست ساڵ هاوارت کرد..
زەمەن لە وڵاتی من و تۆدا سفرە...
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.
ئەگەر دەزگانی هەرێم بیانەوێ ئەو کچ وژنانەی لە کاتی ئەنفال دوو جار ئەنفالکراو بدۆزنەوە
ئەگەر نیەتی هاوکاریان هەیە بۆ ڕزگارکردنی ئەو کۆیلە کوردانە ..ئەگەر خۆیان بەخاوەن
کەرامەتی نەتەوەی و مرۆڤایەتی و کوردایەتی دەزانن .
خۆ شتێکیش هەیە لە فەرهەنگدا بەناوی ناموس و کەرامەتەوە ...
ئەوە من دەڵێم سادەترین ڕێگا بۆ دۆزینەوەی ئەو کوردە کۆیلەو ئەنفالکراوانە بەم ڕێنماییە دەبێت.
1 / بەگەر خستنی راگەیاندنەکانی میسری وەك رۆژنامەو تڤێ بەگرێبەستی دوو هەفتە
2/ بە کرێ گرتنی نهۆمی ئوتێلێکی بەناوبانگ بۆ پەیوەندی و ئەدرێسێکی ئاشکراو دیار
3/ دابینکردنی برێکی دیاریکراوی پارە بۆ هاوکاری لایەنە پەیوەندیدارەکان وەك ئەو کەسانەی لە رابردوو کاریان لە و شوێنانە کردوە .
بێگومان بەم ڕیگایە دەتوانرێ بەئاسانی زانیاری تەواو دەستبکەون و بیاندۆزنەوە..
ئەوەی حکومەتی هەرێم و دەزگای ئەنفال و شەهید باسیان لێوە دەکات وەک پەیوەندی کردن بە
سەفارەت و ئەکتەرو دەرهێنەرەوە، ئەوە خۆ دزینەوە و چەواشەکاریە ..
6/8/2013
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.