بەو دیمەنی جوانی پەخشت ئەوین لەچاوما دزراوە
گەنجەینەی هەست لەلای تۆیە هاوارە هیچم نەماوە
چۆن دەتوانم وێنات بکەم خۆم و دڵم شێتت کردین
بۆ نوسینی شیعرێکی تەڕ دەست و خامەم تێکئاڵاوە
دوو عاشقی سێبەر ڕەشی لەمانگەشەو وا ڕێدەکەین
پەنجە و لێوان لەمەزە و مەی سەرخۆشیە زۆر تەواوە
داخوا کەینێ بەسەرپیلا سەرخەوشکێن چاولێکبنێین
بۆ بینینی خەونێکی خۆش خەو لەچاوماندا هەرماوە