نووسه‌ره‌هه‌میشه‌ییه‌کان

الحمد لله والصلاة والسلام على رسول الله وعلى اله وصحبه اجمعين اما بعد:

خوای بەرز ئەفەرموێ : [وَلَا تَكُونُوا كَالَّذِينَ خَرَجُوا مِنْ دِيَارِهِمْ بَطَرًا وَرِئَاءَ النَّاسِ وَيَصُدُّونَ عَنْ سَبِيلِ اللَّهِ وَاللَّهُ بِمَا يَعْمَلُونَ مُحِيطٌ (47)] الانفال واتە : (وەکو ئەو کەسانە مەبن کە لە ماڵەکانیان دەرچوون بۆ ڕەد کردنەوەی حەق و خۆ دەرخستنیان لە نێو خەڵک وە ڕێگری ئەکەن لە ڕێگای خوا وە خوا بەوەی دەیکەن زانایەو دەوری داون هیچی لێ وون نیە).

ئەوە حاڵی موشریکەکانی مەککە بوو کاتێ دەرچوون بۆ جەنگی بەدر بە فیزەوە ئەیانویست ناویان دەرکەوێ لە نێو خەڵک و لێیان بترسن وە دەیانویست دژایەتی دین بکەن و ڕێگری لە بڵاوبوونەوەی بکەن.

دیارە مەرج نیە خۆپێشاندان کە بکرێ بە مەبەستی دژایەتی دین بێ بەڵام لەوە خۆچواندنە بەو کافرانە کە خۆ دەرخستن و مەبەست بوونی ڕیایە! بەڵێ ئەوە لە سیفەتی مونافیقانیشە [يُرَاءُونَ النَّاسَ].

بەڵێ حیزبە ئیسلامیەکان کەیفیان بەوەی دێ کە ئەوەندە هەزارە ئەخەنە سەر شەقام و خۆی پێ هەڵدەکێشن! کە ڕاستی ئەو لە خۆ ڕازی بوون و لە خۆبایی بوونە سیفەتی موشریک و کافرەکان بوو کە دژایەتی دینیان ئەکرد! موسڵمان لە خۆ بایی نابێ کار بۆ ئەوە ناکا خەڵک سەیری بکەن.

وە بزانن بەرەنگار بوونەوەی دەسەڵاتداری موسڵمان -ئەگەر ستەمکاریش بێت-و دەرچوون بەرامبەری دژی دینەو کاری خەواریج و موعتەزیلەو ئەهلی بیدعەو مولحیدەکانە!

کەسانێک دیارە بە بیانوی ئەوە خۆ پێشاندان ئەکەن دەڵێن دەسەڵاتدار ستەمکارە بۆیە ئەبێ زەغت بکەینە سەری بە خۆپێشاندان! ئەڵێن ئەوە ئینکاری مونکەرە! بەڵام بەوە مەخەڵەتێن چونکە ئینکاری مونکەر بە مونکەر نابێ دەرچوون بەرامبەر دەسەڵاتدار خۆی مونکەرە، پێغەمبەر صلى الله علیه وعلى اله وسلم ئەفەرموێ : ( انكم سترون بعدي أثرة وأمورا تنكرونها قالوا : فما تأمرنا يا رسول الله ؟ قال : أدوا إليهم حقهم وسلوا الله حقكم ) رواه البخاري واتە : ( ئێوە لە پاش من شتی وا ئەبینن =لە دەسەڵات دارەکان= کە مافتان ئەخۆن و بۆ خۆیانی ئەبەن و شتی وا کە ئەزانن تاوانە و ستەمە ووتیان : ئەی پێغەمبەری خوا ێلى الله علیه وعلى اله وسلم بە چی فەرمانمان پێ ئەکەی لەو کاتە =کە ئەو ستەمەمان لێکرا= ؟ = پێغەمبەری خوا صلى الله علیه وعلى اله وسلم= فەرمووی : ئێوە مافی ئەوان بدەن و بیگەینن وە مافی خۆتان لە خوا داوا بکەن ) .

لەو فەرموودە فەرمانمان پێکراوە لەو کاتەی کە سەرۆکی وڵاتمان ستەمکار بوو مافی وەماڵی ئێمەی بەناحەق دەخوارد ئەوە ئارام بگرین و دژایەتی نەکەین لەسەر دونیا بەڵکو مافی ئەو لەسەرمان چیە بیدەین وە مافی خۆمان لە خوا داوا کەین و دوعای بکەین خوا دڵی نەرم بکات مافمان بگێڕێتەوە ئەوە فەرمانی پێغەمبەری خوایە صلى الله علیه وعلى اله وسلم نابێ چاو لە کافران بکەینەوە خۆ پێشاندان بکەین یان مانی بگرین یان دژایەتی سەرکردە بکەین و چەکی بەرەو ڕوو هەڵبگرین با بەوەش نەخەڵەتێین هەندێ کەس بەناوی ئیسلام ئەوکارەی ئەکەن ئیسلام لەو کارانە بەریەو ئەوە بۆ خۆ دەوڵەمەند کردن و بودجە زیاد کردنە! موسڵمان کێشەی دونیا نیە بەڵکو دینە، دونیا بەقوربانی دین ئەکات نەک دین بە قوربانی دونیا!

وە پێغەمبەری خوا صلى الله علیه واله وسلم ئەفەرموێ : ( مَنْ كَرِهَ مِنْ أَمِيرِهِ شَيْئًا فَلْيَصْبِرْ عَلَيْهِ فَإِنَّهُ لَيْسَ أَحَدٌ مِنْ النَّاسِ خَرَجَ مِنْ السُّلْطَانِ شِبْرًا فَمَاتَ عَلَيْهِ إِلَّا مَاتَ مِيتَةً جَاهِلِيَّةً ) متفق عليه واتە : (ئەوەی شتێکی بینی لە سەرکردەکەی کە ڕقی لەو شتە بێت با ئارام بگرێ لەسەری چونکە بە تەئکید کەسێک نیە لە خەڵک دەربچێ لە دەسەڵاتدار بستێک جا لەسەری بمرێ ئیللا مردنێکی جاهیلی دەمرێ).

وە پێغەمبەری خوا صلى الله علیه واله وسلم ئەفەرموێ : (من رأى من أميره شيئا يكرهه فليصبر عليه فإنه من فارق الجماعة شبرا فميتته جاهلية) متفق عليه واتە : (ئەوەی شتێکی بینی لەسەرکردەکەی ڕقی بێتەوە لەوشتە با ئارام بگرێ بەتەئکید ئەوەی جودا بێتەوە لە جەماعەت بە قەد بستێک ئەوە مردنەکەی جاهیلیە).

لەو فەرموودانە ئەبینین کە موسڵمان ئەگەر لە گوێڕایەڵی دەرچێت چۆن لە قیامەت بێ بەڵگە ئەبێت! بێگومان دۆڕانی قیامەتیش گەورە ترە لە دۆڕانی دونیا لەبەر ئەوە با لە دونیا ماف خوراو بیت باشترە لەوەی لە قیامەت بێ بەڵگە بمێنی و حیسابی جاهیلانت بۆ بکرێ لەبەر ئەوەی مردووی بێ ئەوەی پەیمانی گوێڕایەڵیت لەمل بوبێ! جا نەکەی بکەویتە داوی ئەو حیزبی و تەکفیریانەو بتکەنە سوتەمەنی بەرژەوەندی خۆیان!.

وە کاتێک کەسێک بەناوی سلمة بن يزيد الجعفي پرسیاری کرد لە پێغەمبەری خوا صلى الله علیه وعلى اله وسلم و ووتی: (يَا نَبِيَّ اللَّهِ أَرَأَيْتَ إِنْ قَامَتْ عَلَيْنَا أُمَرَاءُ يَسْأَلُونَا حَقَّهُمْ وَيَمْنَعُونَا حَقَّنَا فَمَا تَأْمُرُنَا فَأَعْرَضَ عَنْهُ ثُمَّ سَأَلَهُ فَأَعْرَضَ عَنْهُ ثُمَّ سَأَلَهُ فِي الثَّانِيَةِ أَوْ فِي الثَّالِثَةِ فَجَذَبَهُ الْأَشْعَثُ بْنُ قَيْسٍ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ اسْمَعُوا وَأَطِيعُوا فَإِنَّمَا عَلَيْهِمْ مَا حُمِّلُوا وَعَلَيْكُمْ مَا حُمِّلْتُمْ) رواه مسلم واتە: (ئەی پێغەمبەری خوا ئایا بینیوتە ئەگەر سەرکردەی وا بێنە سەرمان ببن بە سەرۆکمان داوای مافی خۆیان لە ئێمە بکەن و مافی ئێمەش نەدەن و مەنعی بکەن لێمان ئایا چۆن فەرمانمان پێ ئەکەی چی بکەین؟ پێغەمبەری خوا صلى الله علیه وعلى اله وسلم ڕووی لێ وەرگێڕا وەڵامی نەدایەوە دیسان پرسیاری لێ کردەوە دیسان وەڵامی نەدایەوە لە دووەم جار یان سێهەم جار الْأَشْعَثُ بْنُ قَيْسٍ گرتی و لایدا ئەوجا پێغەمبەری خوا صلى الله علیه وعلى اله وسلم فەرمووی : گوێڕایەڵی سەرکەردەتان=سەرۆکی وڵاتتان= بکەن بە تەئکید ئەوان بەرپرسن لەوەی لە ژێر دەستیاندایە وە ئێوەش بەرپرسن لەوەی لەسەرتانە هەر کەسەتان لە کردەوەی خۆی بەرپرسیار ئەبێت).

سەیر کەن پێغەمبەر صلى الله علیه وعلى اله وسلم نەیفەرموو مان بگرن و وەرنە سەر شەقام بەڵکو فەرمووی گوێڕایەڵ بن تەنانەت لەو کاتەی سەر کردەکان مافیشمان ببەن!

(حذيفة) ڕەزای خوای لێبێ لە پێغەمبەرەوە صلى الله علیه واله وسلم بۆمان ئەگێڕێتەوە کە فەرمویەتی : (ستكون بعدي أئمة لا يهتدون بهدي، ولا يستنون بسنتي، وسيقوم فيهم رجال قلوبهم قلوب الشياطين في جثمان انس قال حذيفة : كيف أصنع ان أدركت ذلك ؟ قال : تسمع وتطيع الأمير، وان ضرب ظهرك، وأخذ مالك فاسمع واطع) رواه مسلم واتە : (لە پاش من = پاش پێغەمبەر صلى الله علیه واله وسلم = ئیمام و سەرکردەی وا دێن کە لە سەر هیدایتی من نین وە لە سەر سوننەتی من نین، وە پیاوی وایان تیا هەڵئەکەوێ کە دڵیان دڵی شەیتانەکانەو لە لاشەی ئینسانە = حذيفة = ڕەزای خوای لێبێ ووتی ئەی پێغەمبەری خوا صلى الله علیه واله وسلم چی بکەم ئەگەر گەیشتم بەم ڕۆژە؟ پێغەمبەر صلى الله علیه واله وسلم فەرمووی : گوێ ڕایەڵ بەو لە ژێر فەرمانی ئەمیر بە ئەگەر لە پشتیشی دای وە ماڵیشی بردی لە ژێر فەرمانی بەو گوێڕایەڵ بە).

لەو فەرموودە بە جوانترین شێوە بۆمان ڕوون کراوەتەوە کە ئەگەر سەرۆکی وڵات ئەوەندە ستەمکار بوو شەیتان بێت لە جسمی ئینسان ئەوجا ماڵمان بەزۆر بەرێت و لە پشتمان بدات هەر ئەبێت لە گوێڕایەڵی دەرنەچین و دژایەتی نەکەین، ئیتر ئەوە فەرموودەی پێغەمبەری خوایە صلى الله علیه وعلى اله وسلم بە قسەی بریق و باقی کەس مەخەڵەتێن با کەس بۆ گیرفانی خۆی نەتانکاتە سووتەمەنی!.

زەرەرو زیانەکانی خۆ پێشاندان و مان گرتن

زۆری زەرەرو زیانەکان بۆ خەڵکی هەژارە خەڵکێکی زۆر بژێوی ژیانیان ڕۆژانەیە گەر ڕۆژێک کار نەکەن ئەو ڕۆژە برسینە! بەڵام حیزبیەکان بۆ بەرژەوەندی خۆیان گوێ نادەنە بەرژەوەندی خەڵک هانیان ئەدەن بۆ مان گرتن و واز هێنان لە کار و کەوتنە سەر شەقام! وە باسی ئەوە مەکە زۆربەی جارەکان توشی توندو تیژی ئەبن و بریندارو کوژراو ئەبێت خەڵکێکیش لە زیندان بەند ئەکرێن! جگە لە زیانی تری ماددی لە هێرش کردنە سەر شوێنە گشتیەکان و ماڵی تایبەتی خەڵک ئەوەش شاراوە نیە لێتان، وە زۆر کەسی هەڵپەرست بۆی هەیە بۆ مەبەستی تۆڵە بخزێنە نێو خۆپیشاندەرانەوە! بەڵام لە هەموو زیانەکان گەورەتر ئەوەیە کە ئەم کارە موخالەفەی دینەو خۆ چواندنە بە کافران جگە لە تێکەڵی کوڕو کچان و ناشەرعیەکانی تر!.

وە بۆ ئەوانەی دەیانەوێ بە موزاهەرە کردن سەرۆک لابەرن ئەو ووتەیە بیریان ئەخەمەوە کە شێخی ئیسلام ابن تیمیة رحمه الله لە دوای ئەوەی باسی گرنگی بونی سەرۆک دەکاتن دەفەرموێ: (وَيُقَالُ {سِتُّونَ سَنَةً مِنْ إمَامٍ جَائِرٍ أَصْلَحُ مِنْ لَيْلَةٍ وَاحِدَةٍ بِلَا سُلْطَانٍ} .وَالتَّجْرِبَةُ تُبَيِّنُ ذَلِكَ.وَلِهَذَا كَانَ السَّلَفُ - كالْفُضَيْل بْنِ عِيَاضٍ وَأَحْمَد بْنِ حَنْبَلٍ وَغَيْرِهِمَا - يَقُولُونَ: لَوْ كَانَ لَنَا دَعْوَةٌ مُجَابَةٌ لَدَعَوْنَا بِهَا لِلسُّلْطَانِ) مجموع الفتاوى 28/391 واتە: (وە ووتراوە کە {بونی شەست ساڵ ئیمامێکی ستەمکار و لەحەق لادەر چاکترە لە یەک شەوی کە ئیمام و دەسەڵاتدار نەبێت}.وە تەجروبەش ئەوە ڕوون دەکاتەوە.لەبەر ئەوە سەلەف –وەک ْفُضَيْل بْنِ عِيَاضٍ وَ أَحْمَد بْنِ حَنْبَلٍ وە غەیری وان ئەیان ووت: ئەگەر دوعایەکی گیرابوومان هەبوایە ئەوە دوعامان پێی دەکرد بۆ دەسەڵاتدار).

سبحان الله! ئەفەرموێ تەجروبە ڕونی کردۆتەوە کە یەک شەو بێ ئیمام فەسادی زیاترە لە شەست ساڵ ئیمامی ستەمکار!

نمونەش لە واقیعدا ئەبینی لە موزاهەرەکان کە دەبێتە فەوزاو ئیمام دەسەڵاتی نامێنێ چەندە دزی و جەردەیی و خوێن ڕشتنی موسڵمانی بەدواوەیە! بێجگە لە تاڵان کردن و سوتانی ماڵی حکومی کە ماڵی گشتیەو هی شەخسێکی تایبەت نیە!

لە هەمووی سەیرو سەمەرە تر بانگەشە بۆ مانگرتنی مەلاکان

سەیرو سەمەرەیةکی زۆر سەیر لە ماوەی ڕابردوو مامۆستای ئاخیر زەمان (کرێکار) و شوێنکەوتەکانی بانگەشەی ئەوەیان دەکرد کە مەلاکان مان بگرن و بێنە سەرشەقام! بەڕاستی سەیرە تۆ بڵێی مەلا لەچی مان بگرێ بە قسەی ئەو (رويبضة) انە مەلا واز بێنێ لە وتاری جومعەو نوێژی جەماعەت و دەرگای مزگەوت دابخات! ئەگەر وانیە ئەی مان گرتنی مەلا چیە کە ئەو نا مەسئولانە داوای ئەکەن!؟ وە ئێستاش کەوتونەتە بانگەشەی ئەوەی دوا لەخەڵک ئەکەن بێنە سەر شەقام و ئەیانەوێ خەڵک بخەنە فیتنەو بە گومانی خۆیان گوایە دەیانەوێ گەندەڵی نەهێڵن!!!

فەتوای پێشەوای ئەهلی سوننە عبد العزیز بن باز رحمه الله

پێشەوا ابن باز رحمه الله دڕکێک بوو لەچاوی ئەهلی بیدعە هەر کاتێ باتڵێکی ببیستایە ڕەددی ئەدایەوە لەو ڕەددانەشی ڕەددی لەسەر عبد الرحمن عبد الخالق کە حیزبایەتی و بوونی چەندین حیزب بە دروست ئەزانێ وە خۆپێشاندان بە وەسیلەی دەعوە ئەزانێ! پێشەوا ابن باز رحمه الله ڕەددی دایەوە بەوەی قسەکانی ڕاست نین و موخالیف بە بەڵگەی شەرعن من ئەوەندە نەقل ئەکەم کە پەیوەستە بە باسەکەمان بەڵام لینکی ڕەددی پێشەوا ابن باز رحمه الله لە مەوقیعی ڕەسمی خۆی دائەنێم بڕۆنەوە سەری:

سادساً: ذكرتم في كتابكم: (فصول من السياسة الشرعية) ص31، 32: أن من أساليب النبي صلى الله عليه وسلم في الدعوة التظاهرات (المظاهرة).

ولا أعلم نصاً في هذا المعنى، فأرجو الإفادة عمن ذكر ذلك؟ وبأي كتاب وجدتم ذلك؟ فإن لم يكن لكم في ذلك مستند، فالواجب الرجوع عن ذلك؛ لأني لا أعلم في شيء من النصوص ما يدل على ذلك، ولما قد علم من المفاسد الكثيرة في استعمال المظاهرات، فإن صح فيها نص فلابد من إيضاح ما جاء به النص إيضاحاً كاملاً حتى لا يتعلق به المفسدون بمظاهراتهم الباطلة.

واتە : شەشەم :لە کتابەکەتان (فصول من السیاسة الشرعیة) لاپەڕە31، 32 ئەوەتان باس کردووە : کە لە ئوسلوبەکانی پیغەمبەر صلى الله علیه وسلم لە بانگەوازدا خۆپێشاندان بووە.

وە من نازانم دەقێک هەبێ لەو مانایە، جا تکایە سوود بگەینی بەوەی نیشان بدەی کێ ئەوەی باس کردووە؟ جا ئەگەر بۆ ئەوە بەڵگەیەکتان نەبوو، ئەوە واجبە لەوە پاشگەز ببنەوە؛ لەبەر ئەوەی نازانم لە شتێک لە دەقەکان بەڵگە بن و ئەوە بگەیەنن، وە لەبەر ئەوەی زانراوە کە فەسادی زۆر هەیە لە بەکار هێنانی خۆپێشاندانەکان، ئەگەر دەقێک ڕاست بێ هاتبێ لەسەری ئەوە هەر ئەبێ ئەوکاتە ئەوە ڕوون بکرێتەوە کە هاتووە لە دەقەکە ڕوون کردنەوەیەکی تەواو هەتا فەساد خوازەکان خۆی پێ هەڵنەواسن بە خۆ پێشاندانە باتڵەکانیان.

http://www.ibnbaz.org/mat/8677

وە فەتوای تریشی هەیە کە خۆپێشاندان بە شەڕو فیتنە ناو ئەبات لەو لینکە دەتوانن گوێی لێ بگرن.

http://www.fatwa1.com/anti-erhab/Tafjerat/Tafjerat.html

فەتوای پێشەوا محمد بن صالح العثیمین رحمه الله

السؤال: بالنسبة إذا كان حاكم يحكم بغير ما أنزل الله ثم سمح لبعض الناس أن يعملوا مظاهرة تسمى عصامية مع ضوابط يضعها الحاكم نفسه ويمضي هؤلاء الناس على هذا الفعل، وإذا أنكر عليهم هذا الفعل؛ قالوا: نحن ما عارضنا الحاكم ونفعل برأي الحاكم، هل يجوز هذا شرعًا مع وجود مخالفة النص؟

الجواب: عليك باتباع السلف، إن كان هذا موجودًا عند السلف فهو خير، وإن لم يكن موجوداً فهو شر، ولا شك أن المظاهرات شر؛ لأنها تؤدي إلى الفوضى من المتظاهرين ومن الآخرين، وربما يحصل فيها اعتداء؛ إما على الأعراض، وإما على الأموال، وإما على الأبدان؛ لأن الناس في خضم هذه الفوضوية قد يكون الإنسان كالسكران لا يدري ما يقول ولا ما يفعل، فالمظاهرات كلها شر سواء أذن فيها الحاكم أو لم يأذن.

وإذن بعض الحكام بها ما هي إلا دعاية، وإلا لو رجعت إلى ما في قلبه لكان يكرهها أشد كراهة، لكن يتظاهر بأنه كما يقول: ديمقراطي وأنه قد فتح باب الحرية للناس، وهذا ليس من طريقة السلف.

واتە : پرسیار : بە نیسبەتی ئەگەر هاتوو دەسەڵاتدار حوکمی بەغەیری ئەوە دەکرد کە خوا دایبەزاندووە پاشان ڕێگای بدا بە هەندێ لە خەڵک کە هەڵسن بە کاری خۆ پێشاندان کە ناوی نراوە (عصامیە) مانگرتن لەگەڵ مەرجەکان بۆی کە دەسەڵاتدار خۆی دایئەنێ وە ئەو خەڵکە لەسەر ئەو کردەوەیە ئەڕۆن، وە ئەگەر ئینکاری ئەو کردەوەیان لێ بکەی؛ ئەڵێن : ئێمە موعارەزەی (بەرەنگاری) دەسەڵاتدار ناکەین وە بە ڕاو قسەی دەسەڵاتدار کار دەکەین، ئایا ئەوە دروستە لە شەرع لە گەڵ بوونی پێچەوانەی دەق؟

وەڵام : لەسەرتە شوێنی سەلەف بکەوی، ئەگەر ئەوە بوونی هەبوو لای سەلەف ئەوە چاکە، وە ئەگەر بوونی نەبوو ئەوە خراپە، وە گومان لەوە نیە کە خۆ پێشاندانەکان خراپە؛ لەبەر ئەوەی سەر ئەکێشێ بۆ فەوزا لە لایەن خۆ پێشاندەران وە لەوانی تریش، وە لەوانەیە دەست درێژی و ماف خواردنی تێبکەوێ؛ یان لەسەر ناموسی خەڵک، یان لەسەر ماڵی خەڵک، وە یان لەسەر جەستەی خەڵک؛ چونکە خەڵکی لە نێو ئەو فەوزایەیە وا دەبێ مرۆڤ وەک سەرخۆشی لێدێ نازانێ چی ئەڵێ وە نازانێ چی ئەکات، جا خۆ پێشاندانەکان هەمووی خراپە ئەوجا یەکسانە ئەوە ئەگەر دەسەڵاتدار ڕێی پێ دابێ یان نا.

وە ئیزن دانی هەندێ دەسەڵاتدار پێی هیچ نیە تەنها بانگەشەیە(ڕیکلامە)، ئەگینا ئەگەر بگەڕێیتەوە سەر ئەوەی کە لە دڵی دایە ڕقی ئەبێتەوە لێی توند ترین ڕق، بەلام وا خۆی نیشان ئەدات بەوەی وەک ئەڵێ : دیموکراسی خوازەو دەرگای ئازادی بۆ خەڵک کردۆتەوە، وە ئەوە لە ڕێگای سەلەف نەبووە.

لێرە بەدەنگیش ببیستە

http://islamcast.wordpress.com/2008/04/06/%d8%ad%d9%83%d9%85-%d8%a7%d9%84%d9%85%d8%b8%d8%a7%d9%87%d8%b1%d8%a7%d8%aa-%d9%88%d8%a7%d9%84%d8%a7%d8%b9%d8%aa%d8%b5%d8%a7%d9%85%d8%a7%d8%aa-%d9%88%d8%a7%d9%84%d8%a5%d8%b6%d8%b1%d8%a7%d8%a8%d8%a7/

 فەتوای تری زانایانی ئەهلی سوننە زۆرە وەک زانایان شێخ مقبل الوادعی رحمه الله لە کتابی (الحاد الخمیني فی بلاد الحرمین) و شێخ صالح الفوزان حفظه الله وە شێخ صالح ال الشیخ وە عبید الجابري وە عبد العزیز الراجحي حفظهم الله وە زۆر زانای تر ئەو لینکە بکەوە بۆ بینین و بیستی هەندێ لە فەتواکانیان

http://www.fatwa1.com/anti-erhab/Tafjerat/Tafjerat.html

ڕەددی گومانێکی حیزبیەکان (ئەوانەی خۆپێشاندان بە دروست ئەزانن)

دیارە ئەم حیزبیانە هیچ بەڵگەیان نیە بەڵام لەبەر نەبوونی بیروباوەڕی دروست لە لایان دێن تەحریفی قورئان و سوننەت ئەکەن بۆ مەرامەکانیان! وە بەڵگەی لاوازو نا دروست ئەهێننەوە بۆ کارەکانیان، لە مەسەلەی خۆپێشاندان بەڵگەیەک ئەهێننەوە کە گوایە لە سەر دەمی پێغەمبەری خوا صلى الله علیه وعلى اله وسلم کاتێ عمر کوڕی خطاب رضي الله عنه موسڵمان بووە موسڵمانەکان دەرچوونە بە کۆمەڵ! ئەو فەرموودە زۆر لاوازە ئەتوانن لە (سلسلة الاحادیث الضعیفة 6531) سەیری بکەن وە هەر لەوێ ببینن کە پێشەوا محمد ناصر الدین الالباني رحمه الله ئاماژە بەوە ئەکات حافظ ابن حجر رحمه الله بێدەنگ بووە لەسەر سەنەدەکەی =لە فتح الباري=وە لەوە باشی نەکردووەو ڕوونی ئەکاتەوە کە لاوازە ئەوجا ئەڵێ :

ولعل ذلك كان السبب أو من أسباب استدلال بعض إخواننا الدعاة على شرعية ( المظاهرات ) المعروفة اليوم، وأنها كانت من أساليب النبي صلى الله عليه وسلم في الدعوة! ولا تزال بعض الجماعات الإسلامية تتظاهر بها، غافلين عن كونها من عادات الكفار وأساليبهم التي تتناسب مع زعمهم أن الحكم للشعب، وتتنافى مع قوله صلى الله عليه وسلم : "خير الهدى هدى محمد صلى الله عليه وسلم ".

واتە : وە لەوانەیە ئەوە هۆ بێ یان لە هۆیەکانی کردنە بەڵگەی هەندێ لە برا بانگخوازەکانمان بێ لەسەر شەرعیەتی خۆ پێشاندانەکانی کە ناسراوە لەم ڕۆژگارەمان، وە ئەوە ئەکەنە بەڵگە لەسەر ئەوەی کە ئەوە لە ئوسلوبەکانی پێغەمبەر صلى الله علیه وسلم بووە لە بانگەواز! وە بەردەوام هەندێ لە جەماعەتە ئیسلامیەکان خۆ پێشاندانی پێ ئەکات، بێئاگا لەوەی کە ئەوە لە عاداتی کافرانە وە لەو ئوسلوبانەیە کە ڕێک ئەکەوێ لەگەڵ ئەو گومانەیان کە دەڵێن حوکم بۆ گەلە، وە ئەوە دژایەتی ئەکا لەگەڵ فەرموودەی پێغەمبەر صلى الله علیه و سلم : چاکترین هیدایەت و ڕێباز هیدایەت و ڕێبازی محمد یە صلى الله علیه وسلم.

وە ئاگاداریەکیش لەلایەنی برای بچوکتان باوکى حارث:

ئەگەر بێت و ئەو فەرموودە ڕاستیش بوا ئەوە الحمد لله نەدەبووە بەڵگە بۆ خۆ پێشاندان لە بەر ئەوەی بەو شێوەیە دەقەکە : (...فأخرجناه في صفين، حمزة في أحدهما وأنا في الآخر ولي كديد ككديد الطحين حتى دخلنا المسجد...) ئەوە چۆن ئەکرێتە بەڵگە بۆ خۆ پێشاندان و مان گرتن کە تەنها ئەوەی تێدا دەرچوین بە دوو سەف دوو پۆل بەرەو مزگەوت تا چوونەتە مزگەوت!

ئەوە ئەگەر ئەو فەرموودە ڕاست بوایە نەدەبووە بەڵگە بۆ خۆپێشاندان بەڵام زۆر لاوازیشەو دروست نیە بیکەین بە بەڵگە یان بیگێڕینەوە!

ووتەی شێخ صالح الفوزان لەسەر ئەوانەی تەکفیری حاکمەکان ئەکەن و دەرئەچن لەسەریان

سؤال: من يكفر الحكام ويطلب من المسلمين الخروج على حكامهم هل هو من الخوارج؟

الجواب: هذا هو مذهب الخوارج إذا رأى الخروج على ولاة أمور المسلمين وأشد من ذلك إذا كفرهم فهذا من مذهب الخوارج.

واتە : پرسیار: ئەوەی حاکمەکان کافر بکات وە داوا لە موسڵمانان بکات کە دەربچن لەسەر حاکمەکانیان ئەوە ئەو کەسە لە خەواریجانە؟

وەڵام: ئەوە مەزهەبی خەواریجەکانە ئەگەر بڕوای بوو بە دەرچوون لەسەر وەلی ئەمرەکانی موسڵمانان وە لەوە توندتر و خراپتر ئەگەر کافریان بکات ئەوە لە مەزهەبی خەواریجەکانە.

سؤال: ما موقفنا من الذين يكفرون حكام المسلمين اليوم جملة وتفصيلا ؟ هل هم من الخوارج ؟ أفيدونا بارك الله فيكم وجزاكم خيرا ؟

جواب: الذين يكفرون حكام المسلمين هؤلاء من الخوارج.

واتە: هەڵوێستمان چۆن بێت بەرامبەری ئەوانەی حاکمەکانی موسڵمانان کافر ئەکەن ئەمڕۆ بە جوملەو تەفسیل -هەمویان- ئایا ئەوانە لە خەواریجەکانن؟ سوودمان پێ بگەینن بە وەڵامەکەتان خوا بەرەکەتتان بخاتە سەرو پاداشتی خێرتان بداتەوە؟

وەڵام: ئەوانەی حاکمەکانی موسڵمانان کافر ئەکەن ئەوانە لە خەواریجەکانن.

(دروس في شرح نواقض الاسلام صفحة 174- الطبعة الثالثة مكتبة الرشد-

لە کۆتایی : من داوا دەکەم لە هەموو موسڵمانان چیتر بەو حیزبە بەناو ئیسلامیانەو تەکفیریانەو ئەو خەڵکەی کە لادەرن لەدین نەخەڵەتێن ئێمە لەسەرمان واجبە شوێنی ئەوە بکەوین کە خوا عز وجل بۆ پێغەمبەری صلى الله علیه وعلى اله وسلم دابەزاندووە نابێ شوێنی هیچ شتێک بکەوین کە پێچەوانەی ئەوەیە خوا دایبەزاندووە وەک خوای بەرز ئەفەرموێ [اتَّبِعُوا مَا أُنْزِلَ إِلَيْكُمْ مِنْ رَبِّكُمْ وَلَا تَتَّبِعُوا مِنْ دُونِهِ أَوْلِيَاءَ قَلِيلًا مَا تَذَكَّرُونَ (3)] الاعراف.

وە خوای بەرز ئەفەرموێ : [وَمَا آَتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ] الحشر(7) واتە : ( وە ئەوەی نێردراوی خوا =پێغەمبەر= بۆی هێناون و فەرمانتان پێ دەکات وەری بگرن و ملکەچ بن بۆی وە ئەوەی کە نێردراوی خوا نەهیتان لێ ئەکا لە سەری ئەوە وازی لێ بێنن دوور کەونەوە لێی وە لە خوا بترسن خۆتان بپارێزن لە سزای خوا بێ گومان خوا سزایەکەی وە تۆڵەی توندو بە هێزە ) .

وە خوای بەرز ئەفەرموێ : [فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ] النور 6363 واتە : ( با بترسن ئەوانەی پێچەوانەی فەرمانەکانی پێغەمبەری خوا ئەکەن لەوەی توشی فیتنە بن _توشی گومڕایی و هاوبەش دانان بن_ وە توشی سزایەکی توند بن _لە دونیاو دواڕۆژ_ ) .

ئەوجا ئاگادار بە دینی خۆت وێران مەکە بۆ قازانجی دونیای ئەو حیزبانە! مەهێڵە بتکەنە سوتەمەنی بەرژەوەندی شەخسی و حیزبی بەناوی موعارەزەو داوا کردنی مافی خەڵکی!!! وە ئەو بەڵگانە بخوێنەوەو دوای حەق بکەوە نەک هیچ شەخسێک یان حیزبێک کە پێچەوانەی حەق بکات جا لە هەر پلەو پایەیەک بێت، داوا لە خوا عز وجل ئەکەم کە ڕاگیرمان بکات لەسەر حەق و بمان پارێزێ لە فێڵی چەواشەکاران تەنها خوا عز وجل شایانی ئەوەیە داوای لێ بکەین بمان پارێزێ.

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.