نووسین وقەڵەم بەهای تایبەتی خۆیان هەیە هەندێ جار نووسین دەبێتە مایەی تێكدانی شیرازەی هەندێ داب ونەریتی باو ڕەنگە ئەو داب و نەریتانەیش خۆیان لە خۆیاندا پتەوكردنێكی بنەمای پەیوەندییە كۆمەڵایەتیەكانە بە تایبەت لە نێو هەموو ئەوگەل و نەتەوانەی تازە سەر پێ دەكەون بۆنموونە باشووری سودان ناتوانن دەستبەرداری زۆر لە داب و نەریتەكانی خۆیان بن ئەمازیغیەكانیش لە مەغریب و ئەو ووڵاتانەی تریش كە لێی نیشتەجێن بە هەمان شێوە یان وڵاتانی عەرەبی كوردیش بەهەمان شێوە نەك ئەو داب و نەریتانە بەڵكو سیستەمێكی تەواوی دیموكراسی یان چۆنیەتی بەڕێوەبردنی دەوڵەتی واتا سیستەمی كارگێڕی مەحاڵە وەك ڕۆژ ئاوا یان ئەوروپای لێ بكات چونكە كورد هێشتان سەرپێی خۆی نەكەوتوە سەرپێ كەوتن ئەوەیە هەموولایەكمان ئاهەنگ بگێڕین كاتێك ئاڵای كوردوستان بەفەرمی لە گۆڕەپانی نەتەوەیەكگرتووەكان هەڵدەدرێت تا نهۆ بەحەسرەتی ئەو ڕۆژەیین
كەچی كەسانێك بێ ئەوەی ساتێك ئازارو مەینەتییەكانی میللەتی كوردیان دیبێت كەهەر دەماودەم بیستویانە یان ئاوە ژوویی خوێندوویانەتەوە قەڵەمەكانیان بۆ گیانی خۆیان تیژ دەكەن بێ ئەوەی تۆزقاڵێك بیربكرێتەوە ئاخۆ ئەو هەرێمەو ئەو دەسكەوتانە بە چ ئافاتێك دەگەن.ڕێزو حورمەت لەسەركردەكان ناگرن ئەوانەی وڵاتانی زلهێز حیسابیان بۆ دەكەن كەچی خۆمان بێ حورمەتیان دەكەین.بێ ئەوەی بەڵگەیەكمان بەدەستەوەبێت ئەمەی دەیڵێین ئەو واتایە ناگەیەنێت بەتەواوی پشتگیری لەو گەندەڵییە دەكەین هەیە ئێمە پێمان وایە لە نوسینەكان جەخت لە ریسواكردنی گەندەڵچیان بكرێتەوە كارێكی ئەوتۆ بكەین بەرپرسە باڵاكان ناچار بکەین ئەو خەڵكانەی لە سەر حیسابی خوێنی شەهیدان پۆست و پلە و پایەیان وەرگرتوە لێپرسینەوەو لێپێچینەوەیان لەتەك بكرێت وەك قۆناغی یەكەم ئەگەر لە كارەكانیان دوور بخرێنەوە هەنگاوێكە بۆ بەرەو پێشەوە چوونو ڕێك و پێك كردنی سیستەمی كارگێڕی نەك كار بكەین بۆ ئەوەی ئەو دەسكەوتانە لە گرێژنەوە هەڵتەكێنین.پێمان وایە ئێمە ئەگەر كار بەوئاراستەیە بكەین كە هەندێ قەڵەمی ژەنگاوی دەینێت و دەیانەوێت جەماوەر یان خەڵك بڕژێننە سەر شەقام پێشوەختە گەرەكە یەكەم بیر لە جێگرەوە –بەدیل- بكەین دووهەم گەرەكە چاك بزانین ئەوەی عێراق لە ماوەی حەوت ساڵی ڕابوردو بەسەریدا هاتووە پادشای دەبێت واتا زۆر خۆشتر بەر كەماڵتر دەبێت لەو حاڵەتەی كەكوورد وهەرێمەكە بەسەریا دێت چونكە وڵاتانی دونیا ئەگەر چی ژێراو ژێر كاریان بۆ یەك پارچەی وبونیانی دەوڵەت و حكومەتی عێراق نەدەكرد ئەوەی لە میدیاكاندا باسیان دەكرد وبەپەرۆشەوەن بۆ دەوڵەتی عێراقی.ئێمە پێمان وایە بۆ كوردو هەرێمەكەی وڵاتانی دوونیا چ ژێربەژێر چ لە میدیاكانەوە بۆ هەڵوەشاندنەوەی سیستەمی هەرێم دەست بەكار دەبن بەتایبەت وڵاتانی هەرێمایەتی ئەو وڵاتانەی بەرژەوەندیان لە گەل دراوسێكانی هەرێمداهەیە.
خەڵكی هەرێمی كوردوستان نابێ هەرگیزاو هەرگیز چاوەڕوانی ئەوە بن لە وڵاتان كە پشتگیرو پشتیوان دەبن لێرەوە بەو خاوەن قەڵەمە ژەنگاویانە دبێژین هانی جەماوەر بۆ سەر شەقام لە دەست دانی ئەم دەسكەوتانە بوو ئەوكاتە چ وەڵامی میللەتەكەیان دەدەنەوە.
بەخەڵكی دیكەش دەڵێین ئەگەر چی زۆربەی هەرە زۆری ئەو خاوەن قەڵەمانە ئازاری، میللەتیان نەبینیوە یان بۆ خۆیان لە وڵاتانی ئەوروپاوە كار بۆ ئەومەبەستە دەكەن و تێك چوون و تێك نەچوونی هەرێمەكە بۆ ئەو هەر وەكو یەكە یاخود لەلایەن خەڵكانێكەوە دنە دەدرێن كە بۆ خۆیان دووریان گرتووە و پاسەپۆرت وناسنامەی ئەوروپایان لە بەڕكە و منەتیان بەكورد نیە چی لێ دێت یان نایەت گرینگ ئەوەیە بڵێن خاوەن قەڵەمە قەڵەم.
كەزۆرێكی تریان ئەو بەناو خاوەن قەڵەمانە پێشتر بەهوی جودا جوداوە نەك پێشمەرگەی ئاسایی نەبوون بەڵكو حیمایەیئ ئەم بەرپرس وئەو بەرپس بووە بەقودرەتی قادر ئیمڕۆ بووە بە خاوەن قەڵەم.
میللەتی كورد پێویستە خۆی هێندە وشیار بێت و قسەی هەردوو بەرەی دەسەڵات ودژە دەسەڵات كە ناوی خۆیان ناوە لایەنگری ئازادی پێوەری ڕاستەقینەی بۆ بكەن ئەو كات بڕیاری خۆیان بدەن نەك ئەمجارەیان خۆمان ساڵی 1946 ی مەهاباد و1974 ی كوردوستانی باشوور بەدەستی خۆمان دووبارە بكەینەوە هەڵوێست وەرگرن بیركردنەوەی قووڵی دەوێت نەك هەڕەمەكیانە وهەڵەشەیانەو بەپی پەتی خۆ بهاویژنە نێو پرسێكەوە كە زۆر قورس وزەحمەتە بۆ ئایندەی نەتەوەیەك
2011/01/23
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.