مناجاتی مه‌رگی ڕۆژنامه‌نوسان وتڕافیك ... مامۆستا هێرش - سوید

سه‌ودای سیاسی له‌مه‌مله‌که‌تی عوراقی منا، له‌هه‌ڕاجێکی نادیاردا به‌ده‌ست ده‌ڵاڵ جاڕه‌کانه‌وه‌ هه‌موو ڕۆژێك له‌بیست وچوار کاتژمێردا کڕین وفرۆشتنی پێوه‌ده‌کرێت وده‌خرێته‌ مه‌زاته‌وه بۆ به‌رده‌می ملی هوڕی کارخانه‌چیه‌کانی کۆسه‌پیاوی سیاسی وده‌موچاوه‌پێچراوه‌کانی ناوکه‌لاوه‌ی کوخه‌ قوڕینه‌کان وعه‌مامه‌و سه‌روڕیش هاتووه‌کان... هه‌روه‌ك شێتێکی ئه‌جه‌ل وئاینده‌یه‌کی دۆڕاو، به‌ڵێ له‌ڕابردووی مێژوویه‌کی پڕشه‌رمه‌زاریدا، ئه‌وه‌تا مه‌رگ له‌م مه‌مله‌که‌ته‌دا ترافیکی هه‌یه‌... !مێژوومان دووڕوه‌و هه‌رچی جوگرافیاشمان هه‌یه دابه‌شی چوار میراتی کرا، میراتگه‌ره‌کانیش دوژمنی باوه‌کوشته‌ی باب وباپیارنمانن، هه‌رزوو له‌دێرینه‌وه‌ مه‌رگی ئاینه‌که‌مانیان به‌شمشێری ئاینێکی تازه‌ گۆشتاگۆشت سه‌ربڕی و خوێنیان رژانده‌ سه‌رخاکی کوردستان.. ! له‌باتی تۆماری تاپۆی ڕه‌سه‌نی ئه‌م گه‌له‌، تۆماری ڕه‌شی چنگ ونیینۆکی ئه‌وان وچاره‌نوسی ئه‌وڕۆژگاره‌ی ناوی قه‌ده‌ره‌، هه‌موو ئه‌مانه‌ ته‌نهاوه‌ك ئه‌وسێوه‌ی که‌قه‌ده‌غه‌کرا له‌خواردنی ‌ئاده‌م وحه‌وابه‌ڵام له‌گه‌ڵیا شه‌یتانیشی بۆ نازڵکرا، دوواجاریش شاربه‌ده‌رکران لێی له‌وبه‌هه‌شته‌ی که‌نه‌مره‌... . به‌لێ سیاسه‌ت له‌مه‌مله‌که‌تی منا وه‌ك میوه‌ی گه‌نیوو بۆگه‌نی ناوعه‌لوه‌کانی لێهاتووه‌ ته‌نها سواڵکه‌ره‌کانی سه‌رشه‌قامه‌کان ده‌یچننه‌وه‌!!سیاسه‌ت بۆته‌ ئه‌وخۆراکه‌ ئێکسپایه‌رانه‌ی که‌لای چاوچنۆکه‌کانی بازاڕی مرۆڤ فرۆشتندا به‌ناوی خێرخواییه‌وه‌، له‌گه‌ڵ فیدراڵی پیکه‌وه‌ ده‌مانده‌نێ! له‌ماڵ ونانی خۆمان به‌شمان ده‌ده‌ن، ئه‌وان سوڵتانی بغدادی دوێنێ وئه‌مڕۆشن هه‌تاماون هه‌ر ئه‌بێت سوڵتان بن... به‌ڕاست وچه‌پ به‌ئاشکراو نه‌هێنی، به‌دووڕوویی ویه‌ك ڕوویی به‌گوفتی پیرۆزو یاسایی به‌رژه‌وه‌ندی ویاسایی ناچاری هه‌رئه‌وان حوکمان ده‌که‌ن خۆشیمان بێت وترشیمان بێت، ده‌ستوریش بابۆخۆی پرخه‌ی خه‌وی بێت... !؟ نه‌م ئازادیه‌ی ئه‌مڕۆمان بۆته‌ ئه‌و، وه‌رمه‌سه‌ره‌تانیه‌ی که‌له‌به‌ربین وقورقڕاگه‌ی ناحه‌زانی کوردوکردستانه‌که‌مان هاتووه‌، به‌ڵێ ده‌یانه‌وێت له‌باری به‌رن هه‌روه‌ك ئه‌وکۆرپه‌یه‌ی بۆدایکی نامێنێت، ده‌یانه‌وێت هه‌مووشتێکمان لێبسه‌نن وه‌ك به‌درێژایی مێژوو لێیان سه‌ندووین، ده‌یانه‌ویت چرای ڕووناکی ئازادی هه‌رێمه‌که‌مان بکوژێننه‌وه‌، به‌ڵێ هه‌روه‌ك کونده‌په‌پوو چاویان به‌ڕووناکی ئازادی کوردستان هه‌لنایه‌... بۆیه‌ به‌ئاگابن ئه‌وانه‌ی نه‌خشه‌ی ته‌نافی جاڵجاڵۆکه‌ ده‌کێشن هه‌رئه‌وانن که‌دوێنێ ئه‌نفالیان کردن هه‌ر ئه‌وانن که‌ژه‌هربارانیان کردن هه‌رئه‌وانه‌شن که‌فێریان کردن یه‌کتر بکوژن بۆیه‌به‌ئاگابن... .. !نه‌که‌ن ده‌ستی ناحه‌زان ودوژمنانی نیشتیمانه‌که‌مان تێکه‌ڵی ده‌ستی خۆمان که‌ن، نه‌که‌ن ده‌ستی ڕه‌شی تابوری پێنجه‌م تێکه‌ڵی ده‌ستی خۆمان که‌ن، نه‌که‌ن دوژمنی ناوکۆڵان وژیرزه‌مینه‌تاریکه‌کانی سه‌روڕیش چڵکن وئه‌سپێیاویه‌کانی ناولمی دوپشکه‌ومارتێکه‌ڵی باخی دارگوێزو داربه‌ڕووه‌کانی نیشتیمانی خۆمان که‌ن، نه‌که‌ن به‌هۆره‌ی دوژمنانی سه‌رسه‌ختی گه‌له‌که‌مان باوڕکه‌ن... ئه‌وانه‌ فێرن هه‌میشه‌ له‌پشته‌وه‌ خه‌نجه‌رله‌بربڕاگه‌ی پشتمان ئه‌ده‌ن... مه‌رگی جه‌رگبڕی سه‌رده‌شت عوسمانیش یه‌کێکه‌ له‌چه‌که‌ره‌ی سه‌وزی به‌ری داری ئازادی کوردستانه‌که‌مان، ناحه‌زانی ئه‌م نیشتیمانه‌مان قینی چاوچنۆکیان هێنده‌گه‌وره‌یه، هه‌موو سه‌وزای کوردستانمان ده‌شێوێنن ترسنۆکانه‌ له‌پشته‌وه‌ هه‌روه‌ک گورگی برسی هه‌ڵمه‌تمان بۆده‌به‌ن خوێنی ڕۆژنامه‌نوسان به‌که‌ڵبه‌ولمۆزی قینی نه‌زانینیان سورده‌که‌ن!ده‌ی خه‌رمانی نه‌زانین کام شه‌مال ده‌توانێت خاك خاشاکی پاککاته‌وه‌، پێم ناڵێن تاکه‌ی له‌دیموکراسی ده‌ترسێن پێم ناڵێن تاکه‌ی له‌داتپه‌روه‌ری ده‌ترسێن پێم ناڵێن له‌مافی مرۆڤ بۆده‌ترسێن، خۆبینیتان به‌چاوی خۆتان که‌سه‌دام وداروده‌سته‌که‌ی چۆن بوون به‌په‌نگی زه‌مانه‌.. !ناتوانن ده‌نگ ڕه‌نگی زمانی دووان وده‌ست وپێنووسی وێژدان هه‌ڵوه‌رێنن ناتوانن ڕاستی سه‌ره‌ونگوم که‌ن، ناتوانن به‌ری خۆر بگرن ناتوانن سه‌رده‌شت عوسمان جارێکی که‌ شه‌هیدکه‌ن... ئاخۆ ئه‌م تڕافیکی مه‌رگه‌ هی چرای ئاین ومه‌زهه‌ب ونه‌ته‌وه‌وحیزب په‌رستیه‌!!!؟‌‌‌‌