بۆ دەبێژیاننامەی درەختەکان
دارەمەیت و دەرگاو کلکی ماسحەو گۆپاڵ و دەرخۆنەبێت
بۆ دەبێ ناسنامەی ژیان مردن و
مردنیش قەدەرنامەی وجود بێ
بۆ دەبێ بۆننامەی خاک خوێن و
خاکیش مشتێ خۆڵی دەستەمۆکراو
بۆ دەبێ پەیماننامەی پێغەمبەران فەلسەفە کەسکەکان و
عەمامەو عەباش شایەنی موفتیەکان بێت
بۆ دەبێ سەفەرنامە پێناسەی جانتابێ
حەقیقەتیش گەر بڕوانامەی نەبێ
لەزهنیەتی هیچ کەس و زاکیرەی (با)دا جێگیرنابێ
ئێوە نامەو
ئەوان نامەو
من نامە
چوزانم
زەهر نامەو دەردنامە
هەموویتان بەمن خوێندەوە
من چی لەم هەموو نامانە بکەم
کە بەڵگەنامەی شوشە شکان و
ماستەری پایزیش هەڵوەرین بێت؟....
لەدەقی پەنجەرەنامە