په‌ری ڕه‌ش

کاتژمێرێک لەگەڵ خۆم ...پەری ڕەش

-١-

با هەر چواردەوریشم

هەمووی مرۆڤ بێ

بەمن چی

کە هەر تەنیابم

-٢-

وەک کەشتیەکی

وون

وێڵم بەدوای کەنارێ

-٣-

ئەمەوێ

لە شەقامەکانی

شار

مناڵی خۆم بدۆزمەوە

تا پێی بڵێم

جارێکی تر

جێم مەهێڵە

بێ تۆیی

پیری کردم

-٤-

ماندووم لە شەوە

تاریکەکان

بمبەرەوە سەرەتای

ڕێ

با سنورەکانی

خۆر ببڕم

-٥-

نازانم تۆ خەریکی چیت ؟؟

تاقەتم نەماوە

ئەوەنە بەدیار خۆمەوە

دانیشم

-٦-

خۆش بەختی قومێک

ژەهربوو

کە خواردمەوە بە هێڵنجێک

دامەوە بە سەرو سیمای خۆیا

ئاخر تاڵ بوو تاڵ

-٧-

واتێدەگەم

ژیان لە کەشتیەکی

بەتاڵ دەچێت

دەریاش لە مسافیرێکی

توڕە

  -٨-

ئەمویست

پیاسەیەک بکەم

بەشەقامە تەزیوەکانی

شار

پاییزم دی ئەگریا

  -٩-

ئولفەتم پێتەوە گرتوە

گەر نەشیەیت

هەر چاوەڕوان دەبم

چ موعتاد بونێکە..؟

  -١٠-

فێرە گریانت کردم

بەڵام فێرت نەکردم

چۆن ژیر ببمەوە

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.