نووسه‌ره‌ ناسراوه‌کان

زۆر به‌کورتی مه‌زهه‌ب بیری سنورداری مرۆڤه‌و ده‌ستکردی خوده‌و خۆڕازی کردن و سه‌رنجی ده‌وروبه‌ر ڕاکێشان و خۆبه‌دیندارو خودا په‌رست نیشان دانه‌و سه‌رقاڵ بوونی مرۆڤه‌ به‌هه‌ندێک یاساو ڕێسای که‌مرۆڤ خۆی دایناوه‌و . . هتد . هیچ مه‌زهه‌بێکیش له‌گه‌ڵ سه‌رده‌می نوێدا ناگونجێت و به‌تایبه‌ت له‌گه‌ڵ زانستدا نایه‌نه‌وه‌ یه‌ک و مه‌زهه‌بێک بۆ یه‌کێکیتر جیاوازی هه‌یه‌و بێجگه‌ له‌خودا په‌رستی که‌س په‌رستیشی تێدایه‌و له‌خواره‌وه‌ باسی ده‌که‌ین     .

مه‌زهه‌ب به‌شێکه‌ له‌ئاین و خودا په‌رستی و بڕوابوون و ئیمان به‌ڕێگه‌یه‌ک و کارو تێکۆشان له‌پێناو ئه‌و ڕێگه‌یه‌دا . مه‌زهه‌ب جۆری زۆره‌و ئه‌مانه‌ هه‌ندێک له‌ناوه‌کانیانن ( سونی، شیعی، مالکی، حه‌نه‌فی، شافعی، حه‌نبه‌لی، تجاری، زیدی، فاشیه‌و . . هتد ) . مه‌زهه‌ب لای خاوه‌ن مه‌زهه‌به‌کان جۆرێک له‌پیرۆزی ده‌به‌خشێت و بێجگه‌ له‌وه‌ی کۆمه‌ڵێ شتومه‌کی سونه‌تی و کارو کرده‌وه‌ له‌خۆ حه‌ڵاڵ کردن و به‌خته‌وه‌ربوون به‌بڕیارو کرده‌وه‌ی خوده‌ به‌پێچه‌وانه‌شه‌وه‌‌ مه‌زهه‌ب کۆمه‌ڵێ ڕه‌فتار حه‌رام کردنه‌ له‌خۆ بۆیه‌ جۆری زۆره‌ وه‌کو له‌سه‌ره‌وه‌ باسمان کردو هه‌ر مه‌زهه‌به‌ی به‌شێوه‌و ڕه‌نگێکه‌ له‌پیرۆزبوونیی و قایم گرتن و مامناوه‌ند گرتن و پیرۆزی و گه‌وره‌یی خودا جیاوازه‌و مرۆڤ په‌رستیشی تێدایه هه‌روه‌کو چۆن له‌مه‌زهه‌بی شیعه‌دا ئیمامی عه‌لی له‌پێش هه‌موو سوێندوو گه‌وره‌یی یه‌که‌وه‌یه‌و له‌سونه مه‌زهه‌بیشدا ناوی موحه‌مه‌د زۆر دێت و‌ ته‌نانه‌ت خواردنیش جیاوازه‌ تیایانداو هه‌ندێک له‌شیعه‌کان‌ که‌روێشک و قه‌ل و که‌ڵه‌شێر ناخۆن و هه‌ندێک له‌سونه‌ مه‌زهه‌به‌کان ڕێوی ده‌خۆن و ده‌ڵێن بۆ ڕۆماتیزم چاره‌سه‌ره‌و . . هتد‌ . که‌واته‌ مه‌زهه‌ب واتای خۆڕازی کردن و قه‌ناعه‌ت پێ کردنی خودو سه‌رنج و ڕازی کردنی ده‌وروبه‌ره‌‌ بۆ خودی خاوه‌ن مه‌زهه‌به‌که‌ . بۆیه‌ له‌دنیای مه‌زهه‌بدا بیرو داهێنان و نوێکاری له‌گه‌ڵ سه‌رده‌می نوێ دا زۆر سنورداره‌و هه‌ربۆیه‌‌ کلتوری کۆمه‌ڵگا ڕۆڵی سه‌ره‌کی تێدا ده‌گێڕێت و سرف ئاینی یه‌و دوره‌ له‌علمانی یه‌ت و بیری فراوان که‌له‌خودی ئاینه‌کاندا هه‌یه‌ . زۆربه‌ی مرۆڤه‌ مه‌زهه‌بی یه‌کان بۆ دنیایه‌کی تر ده‌ژین و چاوه‌ڕێی مردن ده‌که‌ن هه‌تا به‌و ژیانه‌یتر شادببن که‌چاوه‌ڕێی پاداشتن له‌خوداوه‌ند که‌به‌هه‌شت و حۆری و شه‌راب به‌ده‌ست بهێنن به‌ڵام بیر له‌وه‌ ناکه‌نه‌وه‌ که‌ئه‌م ژیانه‌ش هه‌ر خودایه‌ک پێی به‌خشیون و ده‌بێت به‌سروشتی و به‌باشی بیبه‌نه‌سه‌ر و ئه‌و به‌هه‌شت و حۆری و شه‌رابه‌ش له‌م ژیانه‌ ئاسایی یه‌دا بوونی هه‌یه‌و ده‌بینرێت‌ بۆیه‌ زۆربه‌ی مرۆڤه‌کان له‌ژیانی ئه‌م دنیایه‌دا ماڵ دروست ده‌که‌ن و خۆشی ژیان و ئیش و گه‌ڕان و خۆشه‌ویستی و سێکس ده‌که‌ن له‌ڕێگه‌ی ژن هێنانه‌وه‌ یان جۆرێک له‌جۆره‌کان که‌به‌تایبه‌ت له‌سیستمی شیعه‌ مه‌زهه‌بدا هه‌یه‌ که‌پێێ ده‌ڵێن زه‌واجی موتعه‌و ( سیغه‌ ) له‌یه‌ک سه‌عاته‌وه‌ هه‌یه‌ هه‌تا مرۆڤ خۆی حه‌ز بکات و جارجاره‌ش به‌هه‌ر په‌یوه‌ندێک بێت مه‌ستیی ده‌بینن و منداڵ دروست ده‌که‌ن و . . هتد . که‌واته‌ له‌م دنیای ئێستایه‌ماندا به‌هه‌شت و حۆری و مه‌ی هه‌یه‌ به‌ڵام ده‌شێ له‌وێ له‌و ژیان و دنیایه‌ی تردا به‌جۆرێکی تر بێت ئه‌وه‌ نه‌ک من که‌س نایزانێت که‌چۆنه‌و ئه‌گه‌ر خۆمان گێل نه‌که‌ین که‌سیش نه‌یبینیووه‌ . هه‌ر بۆیه‌و له‌به‌ر ئه‌و هۆیه‌یه‌ که‌خۆکووشتن له‌هه‌موو ئاینه‌ ئاسمانی یه‌کاندا حه‌رام کراوه‌ چونکه‌ مرۆڤ به‌ژیری و هه‌ست جوانی خۆی ده‌توانێت به‌هه‌شتێک بۆ خۆی و ده‌وروبه‌ری دروست بکات و سودمه‌ندیش بێت بۆکۆمه‌ڵگاو سودیش ببینێت له‌خه‌ڵک . هه‌موو مرۆڤایه‌تی ئازادن له‌چۆنی یه‌تی ژیان و بیروڕاو هه‌ڵگری علمانی یه‌ت و مه‌زهه‌ب و . . هتد . به‌ڵام له‌چاکه‌و هه‌ست کردن به‌خودو بیر له‌دنیای ‌مرۆڤبوونیی خۆیاندا ‌بکه‌نه‌وه‌‌و پلانی جوان و کاری باشی بۆ ڕێک بخه‌ن چونکه‌ له‌ڕاستیدا بیانه‌وێت یان نه‌یانه‌‌وێت هه‌موو مرۆڤێک ژیانێکی پێ به‌خشراوه‌ پێویسته‌ هه‌رگیز درێغی نه‌که‌ن به‌رامبه‌ر خۆیان و که‌سانیتر له‌ژیان و به‌خته‌وه‌ری و بوون به‌ڵام هه‌رگیز نه‌ژین بۆ مردن و کۆتایی چیرۆکی ژیانیان چاوه‌ڕێ بکه‌ن چونکه‌ به‌دڵنیایی یه‌وه‌ کارێکی زۆر خراپه‌ هه‌موو ژیانیان نائومێدی و تاریکی ده‌بێت . بۆیه‌ مرۆڤ ده‌بێت به‌هیواوه‌ بژی و بیر له‌ڕۆژانی داهاتووی خۆشتر بکاته‌وه‌و هیوایه‌ک بۆ ژیان هه‌ڵگرێت بۆ ئه‌وه‌ی به‌سروشتی و بێ ته‌گه‌ره‌ ژیان به‌ڕێ بکات . بۆیه‌ ده‌بێت خۆش بژین له‌و ته‌مه‌نه‌ی که‌هه‌ست به‌بوونی خۆمان ده‌که‌ین ببین و بوونمان هه‌بێت چونکه‌ ژیانیش باجیی خۆی هه‌یه‌و ده‌بێت بدرێت که‌ئه‌ویش مردنه . ‌

This email address is being protected from spambots. You need JavaScript enabled to view it.

This email address is being protected from spambots. You need JavaScript enabled to view it.

Fb : Hamid Aziz  

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.