ئهڤه چهند روژهکن باژێری سلێمانیێ و دهڤهرێن هاویردور، دڕهوشهکا ئ
اڵوز دا دبورن و ترسا بهڵاڤبوونا وان ئالوزیان بوپارێزگههێن دیێن کوردستانێ ژی ههیه. دلسوزێن کورد و ههڤالێن کوردا ژی ژ ھەر دهرهنجامەكا ڤان ئاڵوزیان دترسن !بهری ههر تشتی بوچی دبێژم ئاڵوزی !!
وهکی کوردهکی، کو ژیانا خوه ژبو خهبات و تیکوشینێ درێکا ئازادی و ڕزگاریا کوردستانێ دا تهرخان کری و نهو ژی تهنێ دلخوشیا من ئهوه ئەزێ دبینم كو ئاڵایێ کوردستانێ یێ بلنده و بهس. دڤێ رێیا پیروزدا گهلهک دهستکهفتی وسهرکهفتن و دبەرابەر ژی دە گهلهک شکست و طهنگاڤی دیتین. مخابن و جارهکا دی مخابن، ههمی گاڤا لدهمێ سەركەفتنان گهلهک کهس هاتینه پێش و خوهکرینه قارهمان بهلێ دشکهستنادا کێم جاران ڕاستی هاتینه دیارکرن . ئازادیا باشوری کوردستانێ بهرههمێ خوهو خوینا گهلێ کورد ههمیێ یه، بهرههمێ خهبات و تێکوشینا پێشمهرگێن کوردستانێ یه، بهرههمێ تێکوشینا وان دلسوزانه ئەوێن شهڤێن درێژ و ساڕ و طاری، یان دچهپهرێن بهڕهڤانیێ دا و یان كونجێن زیندانان دا بكولە مەرگی بوراندین. ئازادی بهرههمێ خوهوخوین وھەلویستێن وان ڕوشهنبیروشۆڕشگێرانە ئەوێن کو بقهلهمێ خو، بهونهرێ خوە و بهزرا خوە پارێزگاری لههبوون و وجودا میللەتێ کورد کرین. ئەڤ ئازادی، بهرههمێ وان کوردانە یێن لبندهستێ ڕژیما بهعسا خوین ڕێژدا خوه ڕاگرتی و نهبووینه دهستهکێن داگیرکهران، یان ژی سهرێ خوه بو دوژمنی نهچهماندی و بسالان دهربدهری و نههامهتی کێشای. ئەڤ ئازادی یە بهرههمێ قوربانیێن ئەنفالێن شوم و ھەلەبجە و کیمیابارانێ و رهڤا ملیونی یا کوردایه. یانکو بکورتی ئەڤ ئازادیا نها ئهم تێدا بهرههمێ کهدا گهلهکایه. پێدڤی یە و دڤێت ئهڤ بهرههمه ههم دهستکهفت بیت بو ههمیا و ههم بهرپرسیاری ژی بیت بو مه ههمیا. ههرکهس و لگورهی خهبات و دلسوزیا وی و پاشی رێز و سهروهری بھەڤرا ژبو مه ههموویان. بهلێ دیسان مخابن بهرههمێ وێ خهباتێ و ڤێ سهروهریێ ب بهرههمیا نهکهفت و رێز لخهبات و تێکوشینێ نههاته گرتن و ل پەیدا پیڤان و کێشانێن شاش هاتنه بکارئینان و پراكتیزەكرن.
ئهڤرو لسهردهمێ پێشکهفتنا تهکنولوژی وگلوبالیزمێ دا، گهنجێن کوردستانێ ژی دادپهروهری و یهکسانی دڤێت. گهلی کورد بدلسوزی ڤە چاڤهرێی ئایندهکێ باشتر بوو، لێ ڕوناهی نهدیت و كەفتنە بەندا خەیالێن خاڤ دا.
بەلێ پشتی 19 ساڵان جام تژی بوو، گاڤا تژی بوو دێ ژێ رژیێت، مهزنا یا گوتی. راستیا ڤان بویهرێن سلێمانیێ دئالیەكی و شڵەژانا گشتی یا ھەرێمێ ئەوا تێ دیتن و ھەست پێ كرن. بهلێ ئالوزی یە نە تشتهکێ دیتره: کی خوه لێ دکهته خودان و کی پویتهپێناکهت؟ یا دروست و ڕاست داخازیا مافان ڕاستن و خوهپێشاندان ژی مافهکێ ڕهواو شارستانیە، لێ دسنورێ یاسایێ دا. توندوتیژی ژههرلایهکی ڤە بیت جهێ شهرمهزاریێ یه. گوهداری كرنا داخوازان و پویتهپێکرن ئهرکێ حکومهت و دهستههلاتێ یه و جاکسازی دهرمانه نهک توندوتیژی. ئالوزی ئهوه سنورێ مافێن خوهپێشاندهران نههێنه زانین و ئهرکێ ئاسایشێ و بهرپرسیارێن دهستههلاتێ دیارنهبن!! ئالوزی ئهوه تومهتێن ئاماده ههبن بو ههر داخوازهکا رهوا! ئالوزی ئهوه داخازێن رهوا ببنه گێرهشێوێنی!! بهلێ ئالوزیا ژههمیا مهزنتر ئهوه کو دلسوز و نهدلسوزێت کوردستانێ و ئازادیێ ژێک نههێنه جودا کرن. گهلو ما ئهگهر چاره ژبو ڤان ئالوزیا نههێنه دانان کی دێ زیانی بینن؟ ئهگهر ئهڤ ڕهوشه بهردهوام بیت، رویت و پێخواس دێ ههر مینن بێ جلک و بێ پێلاڤ و گهندهل و مشهخور ژی دێ بنه شهرمزارێت ههردو دونیا و کوردستان ههمی جارهکادی دێ بیته شمال العراق!! یان ژی ئهگهر دهستههلات گهندهلکاران گوری ئایندێ کوردستانێ بکهت، ههر کهس دێ ههست بپهرپرسیاریهتیی کهتن و وهکی جاران کوردستانێ دچاڤێت خوهدا پارێزیت و دلسوزێت کورد دێ وهکی ههرجارپێشمهرگێن وهلاتی بن و ئهم ههمی دێ چاڤهرێی کوردستانهکا ئازاد و سهربخو بین وگیانێ شههیدان ژی دێ شابیت و بنهمالێن واناژی دێ سهرفرازبن.
لدوماهیێ دبێژم داخازا چاکسازیێ لکوردستانێ، دلسوزی یه ژبو ئایندێ گهلێ مه و دهنگ بلند کرن ئهرکێ مه ههمیایه، هیڤی دکهم ڤێ سهروهریێ نهدهنه بزاڤا گوڕان و نهدهنه چ کهسان ئەوێن بوینه ئهگهرێن پهیدابونا گهندهلیێ و مشهخوریێ.
سوید 28 شوات 2011 بێستون بهرواری
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.