ل رۆژا (4/1/2011) دیوانا دادگههێن توركیایی بریاردا یێن ههتا (10) سالان د زیندانێن توركیایی دا ئاریشا وان نههاتی ئێكلاكرن بهێنه بهردان دگهل بهردهوامبوونا دادگههیكرنی، لگورهی ڤی بریاری كومهكا كادر و سهركردێن پارتیا (حزب الله) هاتنه بهردان، ئهڤ پارتیا دناڤبهرا سالێن (1993-2000) ی دا شهر دگهل پارتیا كاركهرێن كوردستانی (PKK) دكر وهك ئامرازهك د دهستی دهزگایی سهربازیی توركیایی دا دژی بزاڤ وچالاكڤانێن كوردان ل باكوری كوردستانی و دئهنجامدا گورزهكی مهزن ب كوردان كهفت، و روویدانێن (بكهر نهدیار/فاعل مجهول) ل باكوری كوردستانی هاتنه پێش، لی بشتی دووبهرهكی دڤی پارتیی دا روویدای (كوما مهنزیل و كوما عیلیم) و دهولهتا توركیایی كار ب پارتیا دیاركری نهمای هێزێن ئهمنی هێرش برنه سهر و كادرێن وی دهستهسهركرن.
ماددهیا (102) ژ یاسایا دادگههێن سزاكرنی ئهڤا هاتی راستڤهكرن ل سالا (2005) ی ماوی دهستهسهركرنی (توقیف) كربوو (10) سال، بی گومان ئهڤ چهنده دی بیته ئهگهری بهردانا كهسێن سهر ب لایهنی (PKK) ی و لایهنێن دی ڤه ژی، لی درهنگ ب جهئینانا راستڤهكرنی ههتا ئهڤرو نه تشتهكی سادهیه و ئیللا مهبهستهكا ل بشت ههی؛ چونكه وهكو دیار ل ڤان دوماهیكان دهسههلاتا دادوهری ل توركیایی كهتیه د بن كاریگهریا دهسههلاتا رێڤهبرنی دا كۆ پارتیا داد و گهشهپێدان (AKP) نوێنهراتیا وی دكهت و دبیت ئهڤ پارتیه بهردانا كهسێن چالاك د پارتیا (حزب الله) دا بۆ ههلبژارتنێن گشتی یێن چاڤهرێكری ل مهها حهزیرانی بهێنه ئهنجامدان ب كاربینیت.
پارتیا (حزب الله) بناغی جهماوهری دناڤ هاولاتیێن كوردستانا باكور دا یی ههی، ههر چهنده ماوهیهكه ئهڤ جهماوهره بی دهنگ بوویه لی ڤهگهریانا سهركردێن وان بۆ دهڤهری دی ڤی جهماوهری چالاك كهت و دی پێشبركی دگهل لایهنی نهتهوهخوازیی كوردی كهت د ههلبژارتنان دا، ئانكو وهك دوماهیك پێكولا حكومهتا (AKP) یه بۆ قورتالكرنا خوه ژ بی هێزیا كهتیه تێدا ل باكوری كوردستانی بهرامبهر خورتبوونا بزاڤا نهتهوهخوازیا كوردی و چهسپاندنا كهیانهكی نیمچه ئوتونومی ل دهڤهری.
ب رامانهكا دی، چێدبیت دهولهتا توركیایی دیسان سیناریویی سالێن نوتان دووباره بكهتن كۆ ئامرازی ئاینی بكاربینیت بۆ لێدانا بزاڤا نهتهوهخوازیا كوردی و وی سهردهمی تا رادهیهكی سهركهفتبوو دڤی چهندی دا، چونكه راستیهكا حاشانهكریه كۆ جڤاكی كوردی ب درێژاییا دیروكی جڤاكهكی ئاین پهروهر و ئاین ههمبێز بوویه و زور جاران ئهڤ چهنده ژێرا بوویه خالا لاوازیی.
ژبهر ڤی چهندی رهوش یا مهترسیداره و لایهنی نهتهوهخوازیی كوردی ل توركیایی دڤیا هوشیاربیت ل ههمبهر پیلانێن دهێنه دارشتن و ئهگهر چ پێچێنهبیت ژی تنی بهسه پێكولان بكهت ههڤلهاتنهكی دناڤبهرا خوه و ئیسلام رهوان دا ل باكوری كوردستانی دروست بكهت كۆ قوناغا داهاتی ب هیچ رهنگهكی پێكدادان دناڤبهرا ههردوو لایان دا دورست نهبن ههتا كۆ دۆزا كوردی بهرهف ئاقارهكی ساخلهمتر دچیت.
دلشاد م.سالح بابلا
قوتابیی دكتورایی ب زانستێن سیاسی
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.