یادی ٢٣ ساڵەی کارەساتی کیمیابارانی هەڵەبجە
چوار گەنجی کورد یادی ٢٣ ساڵەی کارەساتی کیمیابارانی هەڵەبجە لە شاری لوند ریکدەخەن ئەم بیرەوەریە لە ڕۆژی ١٦/٣ /دا٢٠١١ ڕیکدەخریت و مەبەستیان ئەوەیەداوایهک بە شارەوانی لوند پێشکەش بکەن بۆ چاندنی درەختێک لە ناوەڕاستی شاری لوند وەک هێمایەک بۆ کیمیابارانی هەڵەبجە.
سیروان دهباغ ساڵی چوارهەمیەتی لە کولێژی ئهندازياريی (بەشی ڕیگاوبان) له زانکۆی لوند، غوربەت ساڵی سێهەمیەتی لەبەشی رامیاری نێودەوڵەتی زانکۆی لوند، دیلان ساڵی سێهەمیەتی لە بەشی ئابۆری زانکۆی کلیخانستاد، پەروین ساڵي سێهەم و کوتايیه لە دواناوەنديی لە شاری ماڵمۆ.
سیروان خەڵکی سلیمانیە، غوربەت و دیلان خەڵکی کونیان و پەروینش خەڵکی ورمێيه، هەر چواریان بە منداڵی لەگەڵ خیزانەکانیان وڵاتیان بەجێهیشتوە بەهۆی زۆلم وستەمکاريی رژێمە داگیرکەرهکانی کوردستانهوه.
پرۆژەکهیان بە سێمیناریک لە یەکێک لە هۆڵەکانی زانکۆی لوند دەست پێدەکات بۆ یادکردنەوەی کارەساتی کیمیابارانکردنی هەڵەبجە، وەستانی خولهکێک ماتهم، داگیرساندنی ٢٣ مۆمی یادەکە، مامۆستا بورهان یاسین مامۆستای مێژو لە زانکۆی لوند خۆبەخشانە بەشداری دەکات.
لە قاوەخانەیەکی لوند چاوم کەوت بەم چوار گەنجە خوێنگەرمەو هەندێک پرسیارم لێکردن:
سیروان دەڵیت بیروکەی ئهم پڕۆژهيه ساڵی ٢٠٠٩ لە مێشکمدا پەیدا بوو، دەستم کرد بە واژۆ کۆکردنەوە، دواتر ئەم گەنجانەم ناسی و بۆم باسکردن، بیرۆکەکهیان پەسەندکرد و دەسمانکرد بە ئیشکردن بۆ ئەنجامدانی پڕۆژەکە.
غوربەت دەڵێت دەمانەوێت بە باشی خومان ئامادە بکەین بۆ ئەوەی کاتێک پرۆژەکەمان گەیشتە بەردەم سیاسييەکانی شارەوانی هیچ کەموکوڕيیەکی تێدا نەدوزنەوەو یەکسەر پەسەندی بکەن، بەڵام هەندێک کۆسپی ئابۆریمان ههیە، هەوڵمان دا چەند دەوڵەمهندێکی کورد یارمەتیمان بدەن، بەڵام بەداخەوە خۆیان دزیەوە. هەڵبەتە ئامادەبوانی کۆڕێکی ماموستا بورهان یارمەتیان بۆ کۆکردینەوە هەروەها چەند ئەندامێکی پەرلەمانی سوید و ئەوروپا.
سێ پێشنیاز هەن:
یەکەم: لەناوەڕاستی شاری لوند لە باخچەیەک کە موڵکی زانکۆیە بهناوی "لوندا گۆرد" هەندێک درەختیان تێدان کە تەمەنیان لە ١٠٠ ساڵ کەمتر نیە، ئەم هیوایە زۆر قورسە بێتەدی.
دوهەم: لە باخچەی گشتی لوند شارەوانی بەنیازە ٨٣ درەخت بچێنێت، یەکێک لەوانە تەرخان بکرێت بۆ هەڵەبجە، بەڵام دەمانەوێت لەبەردەم درەختەکەدا تابلۆیەک دەربارەی هەڵەبجە هەبێت.
سیهەمیان: شارەوانی پارچە زەویهکمان بۆ تەرخان بکات، خۆمان درەختەکە بڕوێنین.
گرفتێکی تر نازانین چ جۆرە درەختێک هەڵبژیرین، لەوانەیە درەختی لیند -"زەيزەفۆن" بێت.
واژۆی چوار کەسایەتیمان هەیە لە کۆمیتەی تەکنیکی شارەوانی لوند، هەروەها کارمەندێکی بەرێوەبەرایەتی تەکنیکی شارەوانی لوند، چەندەها ئەندامی پەرلەمانی سوید و ئەوروپا.
شاری لوندمان هەڵبژارد لە بەر ئەوەی شارێکی گەورەیە، بە کولتور و زانکۆ گەورەکەی کە کۆنترین زانکویە لە وڵاتانی باکوری ئەوروپا، هەروەها گەورەترین ناوەندی تۆژینەوهی ئەوروپای لێ دروستدەکرێت و لەهەمان کاتدا پچوکەو درەختەکە ون نابێت، لە شارێکی وەک ستوکهۆڵم رەنگە کەس نەیدۆزێتەوە.
لوند شاری زانیاریە و باشە زانیاری هەبێت دەربارەی گەورەترین شەڕی بیۆشیمی لە جیهاندا، دژی هاوڵاتی سڤیل لە دوای شەڕی جیهانيی دووەم.
پەروین باس دەکات و دهڵێت: ئێمە منداڵ بۆین، یان کاتی کارەساتەکە هەر لەدایک نهبووبووين، بەڵام خۆشەویستیمان بۆ وڵات و گهل دەمێنێتەوە. ئێمە هەست بە بەرپرسێتی دەکەین، دەتوانین ئەو کارەساتە لەگەڵ کارەساتی ژینۆسایدی جوەکان و روداوەکانی رواندا بەراورد بکەین.
٦٥ ساڵ دوای ژینوسایدی جوەکان لە هەموو ئەوروپادا ئەم کارەساتە لە قوتابخانەکان دەخوێندرێت. من خەڵکی کوردستانی باکورنیم، بەڵام کوردم. ئێمە سەربەخۆین و سەر بەهیچ لایەنێکی سیاسی یان ئاینی نین.
ناتوانین هەڵهبجە لەگەڵ هێرۆشیما بەراوردبکەین، لە بەر ئەوەی کارەساتی هەڵەبجە بەشێکە لە ئەنفال. کەواتە دەتوانین لەگەڵ جینۆسایدی جوەکان یان روداوەکانی رواندا بەراوردی بکەین، هەڵەبجە میلەت کوژی و راگواستن بوو، ئێستا لە سۆماڵیش کومەڵگای کوردی دوای ئەنفال هەیە کە ڕاگوێزراون.
- ئایا ئێوە هەر چوارتان بەیەکەوە پەیوندیتان کردوە بە شارەوانی یان حکومەتی هەریمهوه؟ - نەخیر لەبەر ئەوەی ئێمە نامانەوێت ئەم پرۆژەیەی ئێمە ببێت بە هی سیاسیەکان و خۆیانی پێوە هەڵکێشن.
ئێمە پەیوەندیمان کردوە بە کوردەکانی ناو لایەنە سیاسیەکانی سوید و هەروەها پارتە سویدیەکان.
کارهساتی هەڵەبجە تاقه کارەساتێک نیە لە مێژوی کوردا، بەڵام وەک پرۆژەی داهاتومان دەمانەوێت کارەساتەکانی بەشەکانی تری کوردستان بناسینین و دەمانەویت ئیمە ببین بەو ئەڵقەیە کە کورد یەک دەخاتەوە .
غوربەت دەڵیت من هیوایەکی زۆرم هەیە کە ئەم پرۆژەیەی ئێمە ببێتە یەکەم هەنگاو بۆ یەکبوونی گەنجانی کورد.
بەرنامەی پرۆژەکە:
17:45 دەرگاکان دەکرێنەوە
18:00 بەخێرهاتنی میوانەکان لەلایهن رێکخەرانی پرۆژەکەوه
18:15 سێمينارێک دەربارەی هەڵەبجە لەلایهن د. بورهان یاسینهوه پێشکەش دەکرێت
19:00 پشوو
19:30 ماموستا فەرهاد شاکەلی چەند کۆپلەیەک شیعر پێشکەش دەکات
20:00 خولهکێک راوەستان بۆ شەهیدانی هەڵەبجە و داگیرساندنی ٢٣ مۆمی یادەکە
20:15 باسکردنی پرۆژەی درەختەکەی هەڵەبجە
20:30 کۆتايی
بۆ زانیاری زیاتر پەیوەندی بکەن بە:
+46(0)704 95 46 18
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.