گهلێ کورد زور ستهم و زوری لێ هاتیه کرن ژ لایێ خهلکیڤه هندهکان ئهسل وهرسهنیا کوردان گههاندیه ئهجنان وهنده کێن دی کرینه عهرب وتورکێن تورانی دگوت: کورد تورکێن جیانن بهلێ گهلێ کورد ژڤان ناڤ و نیشانا ههمیان مهزنتره وبهێزتره، ئهز دبێژم ودیروکێ یا سهلماندی:
شهر، ئاگروئاسن، کارهسات، ئهنفالێن رهش وتاری، گورێن کومکوژ، سێدارهدان، کێمیاباران، حهلپجه، فهرمان، جینوساید، قرکرن، پیلان، داگیرکرن، عهرهبکرن بهعسیکرن فارسکرن شیعهکرن تورکرن تورانیکرن ههمیان نه شیایه کوردان ژناڤ ببن جونکه گهل نامریت، گهلهگ جاران خهوکرن وخاڤهتی گهنج ولاوێن مه دگریت بهلێ دێ ههر رابیت ژ خهو ودێ ژ ڤان ئاستهنگان قورتال بیت، ئهی گهلێ من، دهمێ خهوا گران ودرێژ نهمایه، روژ روژا ماف وسهربهخونا گهلانه، گورگێن دهڤ خوین یێت دلیرن، گرتنا پهز وبزنێت کیڤی نه ئاسائی یه، جاڤێت گورگان گهلهک خوشن بێهنا گوشتی وخوینێ ژ دیرڤه دکێشن، گورگێت ئهنازولێ یێت رابین سهرخوه دڤێت کوردستانا ئازاد دگیرکهن، خهونێت ئاشوپی نابن ژیوار، زفراندنا میراتێ ئیمبراتوریا عوسمانی نه ژیواری یه، دبێژن ههر ئاش ب جهپی نازفریت، فهلهکا مه بهروڤاژی یا دزفریت نوکه، مشهخت ورهڤوک یێت بین خودان ئهرد ودهولهت، دیروک ڤهدگێریت بو مه کو باپیرێ وان (ئهرتغرل) دهمێ درهڤین دناڤ رویبارێ دیجلهیدا خهندقی، بهلێ ڤێجارێ دێ سهرکردێن لهشکهری وپاسهوانێت سیستهمێ علمانی د خابیریدا خهندقن، جوونا ناف شاخ وجیایێت کوردستانێ نه سهیران وبهێن ڤهدانه بو لهشکهرێ تورکان، یا خویایه زفرین نه وهکی جونێ یه، دڤێت سهربورێ بو خوه ژ دیروکێ وهرگرن، هێزا گهلان نامریت ههر دێ زال بیت، توبارنکرنا گوندێن کوردستانێ ئاریشا مللهتهکێ پتر ژ 50 ملیونا جارهسهرناکهت ودێ ئالوزتر لێ کهت.
وهکی ئهز دبینم ودخوینم ههر دهست ههلاتهکا ستهم وزوری لگهلێ کورد کری یا ژناڤ جووی وخهلکی نهفرهت یێن ل وان سهرکردان کرین بو نموونه شاهێ ئیرانێ یێ گوربهگور، خودانێ پهیمانا جهزائیرێ یا خیانهتکار ههمبهری کوردان لسالا 1975، پشتی شورهشا ئیسلامی یا سالا 1979 شاه محمد رزا بههلهوی رهڤی دبێژن: خێزانا وی هاته بهلاڤهکرن لناڤ ههمی کیشوهران وههتا دوماهیکێ ل وهلاتێ مسری مری ونوکه رژێما ئیرانێ یا شیعه مهزههب سهربور نه وهرگرتیه ژ ڤان دکتاتورێن گوربهگور توبارانکرن وسێدارهدانا گهنجێن کورد وتیروکرنا سهرکردێن بزاڤا رزگاری خازا گهلێ مه، دێ پتر مه بهێز ئێخیت، سهدامێ دکتاتورجاڤلێکهرێ هێتلهری وستالینی وموسولینی ووو، دوماهیکا وی جهند برهزالهت وسهر شوری ژ ڤێ دونیایێ بارکر وههر وهسا ههردووک کور ونهڤی لێ هاتن کوشتن وخێزانا وی هاته دهربهدهرکرن، ئاتاتورکێ گورگێ ئهنازولێ وهکی هندهک ژێدهرێن دیروکێ دبێژن تووشی ئێشهکێ ببی نه دشیا بجیت تهوالێتێ دهمێ جووبا ههڤالێت وی ژ کهیفا دهست دقوتان ونوکه ژی خهلک ب هزارا نهفرهتان لێ دبارینن وپارتا وی ل تورکیا روژ بو روژێ لاواز دبیت وههتا بجیت دناف گیفکێ مێژوویێ دا، کوردستان نه مولکێ بابێ کهسێ یه وێرا پلنگ وپالهوانانه...
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.