ھونەرمەندا کورد مەلەک رۆژھات پشتی کۆ دەمەک بێدەنگ ما، ب سترانا وەلات کۆ ب چار زاراڤێن کوردی (کورمانجی، ھەورامی، 
زازاکی و سۆرانی) ھاتیە تۆمارکرن، دھێتە مەیدانێ و ئەڤینا وەلات ژی ب چار زاراڤان و ب چار ریتم و ئاوازێن جودا بلند رادگریت.
سترانا" وەلات" ب چار زاراڤێن کوردی ژ ئالییێ ھهلبەستڤان سەمیر نزاری ڤە ھاتیە نڤێساندن و ئاوازا زاراڤا کورمانجی ژ ئالییێ مەلەک رۆژھات ڤە ھاتیە دانان و ئاوازێن زاراڤێن دن ژی ژ ئالییێ سەمیر نزاری ڤە ھاتنیە دانان.
ئەڤ ستران بەحسێ جوانی و رەوشا وەلات و شوونهوارێت کەڤنارێت کوردستانێ دکەت و ھەر چار پارچەیێن کوردستانێ ژی ل ھەڤدو گرێ ددە و بەحسا دەولەتا ماد و گەلەک تشتێن دی ژی دکەت.
ھهژی گۆتنێیە، کۆ د سترانا وەلات دە چار ریتم ھاتنە بکارئانین و ھەر زاراڤەک ژی ب ئاوازەکێ ھاتیە گۆتن. دابەشکرنا مۆزیکێ ژ ئالییێ ھێمن حوسەین ڤە ھاتیە کرن و ئەندازیارا دەنگێ ژی ژ ئالییێ ئاکۆ ڤە ھاتیە کرن ئ چهندین موزیکڤانێن ناڤدار تێدا پشکداری کریه. ھەروەھا د. موحەمەد زازا و مامۆستا دارا ھەورامی وەکی ئالییێ دهڤۆک و ئاواز و مامۆستا ئەدیب چەلکی ژ ئالییێ زمان ئەدەبی ڤە و دەزگەھێ ھەرمان و ھونەرمەند عارف چۆپان و ھونەرمەند ئاوات ھەورامی د ئەڤێ پرۆژەیێ دە ئالیکارن.
سترانا وەلات نوکه د قۆناغا داوییا وێنەگرتنێ دایە و وێنەیێن ئەڤێ سترانێ ژی ل دەڤەرا بارزان، ھەورامان، ھەولێر و گەلەک دەڤەرێن دیێن کوردستانێ ھاتنە گرتن. دەرھێنانا کلیپێ ژی ژ ئالییێ سامان عەدنان و کاروان زامدار ڤە دھێ کرن.
ھونەرمەند مەلەک رۆژھات دبێژیت "کۆ چ کەسەکی یان ژی چ ئالییەکی ژ ئالییێ دارایی ڤە د بەرھەم ئینانا ئەڤێ سترانێ دە ئالیکارییا من نەکریە، بەلێ دیسان ژی کێف خوەشم کۆ ئەز شیام ئەڤێ کارێ مەزن و ھەستیار ب داوی بینم و ئەز باوەرم، کۆ دێ ئەڤ ستران ب دلێ گەلێ مە بە. د داوییێ دە دبێژم، کۆ بلا ئەم ھونەرمەندێن گەنج بکارن ئەم بخوە خوە پێرا بگەھینن. بلا باوەرییا مە ب شیان و ھونەرا مە مەزنتر ببە، وی دەمی ئەم دێ ببن ھونەرمەندێن پاشەرۆژێ.
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.