کوردستان نێت نێتی هەمووانە
ئهرێ راسته یاسا سهروهره ل کوردستانێ ؟ لدهڤ بهرپرسێن ههرێما کوردستانێ پهیڤا یاسا یا وهکی زکرێ سپێدێ وئێڤارێ لێ هاتی، بهری بنڤن دبێژن یاسا سهروهره وسپێدێ بهری چاڤێن خوه ب شون دبێژن کهس ژ یاسای مهزنتر نینه ل کوردستانێ ! بهلێ نزانم کیژ یاسا جونکه زور جورێن یاسا ههنه، یاسا راستهقینه که ههمی هاوهلاتی وهک ههڤن دئهرک ومافاندا، یاسا دارستانێ گیانهوهرێ مهزن تێدا سهرکێشه ویێن بجیک دخون ئانکو کورت وکرمانج مان بو یێ ب هێز وشیانه، یاسا لاستیکی هندهک کهس وپارتێن سیاسی وهکی وان دڤێت ژێک دکێشن ژ بو بهرژهوهندیێن تایبهتی، یاسا دهریایی تێدا ماسیێن مهزن ونههنگ گیانهوهر وماسیێن بجیک دخون ودا دعویرن ! گهلهک جاران دهمێ کهسهک تاوانهکێ ئهنجام ددهت حکومهت خهمسیاریێ دکهت بو سزا دانانا ڤان کهسان دبێژن بابو ئهو حویته کهس نه شێت لگهل باخڤیت براستی نزانم ئهم لکیڤه دژین ل ئهقیانوسێ ئارام یان ل کوردستانێ ؟! یاسا تهڤنێ تهڤن پیرکێ گیانهوهرێن مهزن ژێ قورتال دبن ویێن لاواز پێڤه دمینن . ل هندهک دهڤهرێن کوردستانێ خهلکێ سڤیل لنیڤا شهڤێ ژ مال دهردئێخن ودبن زیندانێن تاری وجهێ ئهشکهنجهدانێ بێ کو دادوهری بریار دابیت، ل جیهانا پێشکهفتی زیندان دبیت جهێ جاکرنا تاوانباران بو نموونه ل سوید پولیسێن ڤی وهلاتی جهندین جاران داخاز ژ ماموستایێن ئولی کری یه بجن ناڤ گرتیخانا دا شیرهت وئاموژگاریان پێشکێشی زیندانیان بکهن ژ وان ئهندازیار ئهحمهد موفتی خهلکێ دهوکێ گهلهک جاران بو ڤێ مهرهمێ سهرهدانا گرتیخانا کری یه بهلێ ل کوردستانێ زیندان جهێ ئازاردانێ وتولڤهکرنێ یه ! بلندکرنا درویشمێ کهس ژ یاسای مهزنتر نینه ل کوردستانێ بتنێ بهس ریکلامهکا زیق زیقوکه جونکه ژیوارێ دهڤهرێ بهروڤاژی خویا دکهت، نیڤا شهڤێ کیژ دادوهر هشیاره بریارا گرتنا خهلکی دهربێخت یان تو بێژی دادوهرێ شهڤێ بیت ؟! خوزیکا دادوهرێ روژێ هند شیان ههبان کارێ خوه کربا بێ مایتێکرنا پارتا دهست ههلاتدار وگوتبا ئهڤه گهندهلجی یه ودزیکهره وبهرتیل خاره . سیاسهتمهدارێن مه ههردهم دبێژن سهربورا مه یا کوردستانێ باشتره بهێت ڤهگوهاستن بو دهڤهرێن دی نزانم خهلک دێ جل ڤێ سهربورێ کهت خهلکێ بێ تاوان ئهڤه پتره ژ 12 ساله دزیندانێ ڤه بێ که بهێت دادگههکرن وکهس وکارێن وی تشتهکێ ژێ بزانن، ئهگهر یاسا سهروهره جارهنڤیسێ ڤان کهسان بوجی ناهێته دیارکرن، ههتا کهنگی زاروک جاڤهرێی باب وسهمیانێ خوه بن، دهیک وباب روژا ب هژمێرن کا دێ ئهو روژ هێت جاڤێن وان شاد وکامهران ببن ب دیتنا جهگهرا وان .
ردوان گولی / سوید
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.