ڕاڤۆ: براستی ئهڤ دونیا ئهم تیدا دژین دونیایهكی گهلهك سهیروسهمهره. ئهڤجا ل ڤئ دونیا سهیروسهمهر هندهك جهئ سهیروسهمهرتر یئ ههین كو پتر 
سهرنجا مروڤی رادكیشت.
ئیك ژ جهئ سهرنج راكیشهر كوردستانه. ب راستی جههكی عهجیب و غه ریبه. ئاخهكی سهیر و دیروكهكا سهیر، زمانهكئ سهیر، ئابوریهكی سهیر و مروڤین عهنتیكهنه.
چما سهیرو سهمهره؟؟
ژبهر هندئ سهیرو سهمهره، چونكی ئهڤئ پارچه ئاخئ ههبونهكا سهیر یا ههی وهك ههبونا گهردونی. ژبهركو كی شیت بیژت مریشك بهری هیكی هاتبی یان هیك بهری مریشكئ.
الله یعلم ئهڤهژی ل سهر ڤی پاچه عهردی دگونجیت كا گهلو ژكیڤه هاتیه، چاوا چئ بیه؟
كهنگئ هاته وجودئ؟
میژویهكا سهیر ژبهركو ههردهم ئهڤ جهه بیه جهئ رم بازیا ناحهزان وههر ژخودانئ سوره الانفالان بگهره حهتا دوماهیكا سالین 90 یان هیشتا ئهڤ نهكبهته بهردهوامه. ئیدی پیویست ناكت مروڤ باسی ساسانی، ئهمهوی، عباسی، مهغولو تاتارو حهتا ڤئ گاڤئ ژی فارس وترك عهرهب بهردهوامن. زمانهكئ سهیره ژبهركو ب دههان زاراڤه ل خوكوم كری وهك كرمانجی، سورانی، زازای لوری و... . هتد.
سهیرو سهمهر ب ئابوریا خوڤه. دار، بهر، ئاڤ، ئاخ نفت ههمی ههرزیروزیڤن.
مروڤئ وئ سهیره ژبهركو هندی توبیژئ جوامیر، مهرد، نامهرد، توڤئ خوخور، خوه پهرست ئو مروڤ دوسته.
بهلئ ئهڤ پیشهكیه من ژبهر بابهتئ "كورد له شانشینئ ئوردنئ (ماموستا علی سعید گورانی كییه) ب نڤیسینا عبدلله احمد كهركوكی ل كوردستان نیت دا ل بهروار 22، 8، 2008 دهاتبی خوارئ، ئینات.
ل ژیر سایا حكومهتا ههریمئ، ئهڤرو جاش، مستهشار و خوین میژئ ڤی گهلی بینه ههمی و ههمكاره. خودانئ دژداشا ل ناڤ كهڤنترین باژیرئ دونیایی كو ل كوردستانی یه، ئهرئ كهلها ههولیرا خو راگر كو بو سوارین هولاكوی چوك نه ڤهدا، بوینه خودانئ پارچه زهڤیان ههر كهسهكئ دهستهك قوتا، چیروكهك ڤه هاند وپالهوانیه ك بو حكومهتا ههریمئ گوت، ههما دئ بیژن وهلا ئهڤه یه كاوهئ ئاسنگهروههما دئ دهستی ب سهریدا ئینن و بت خودانئ مالی، ئهڤرو داریژهرئ سیاسهتا داگیركرنا ڤئ ئاخئ ل سلیمانی یه كه لهه ئاڤاكرن. لهوما ژی ئهڤروكه كابرایهكئ كوحهتا دوهی چ فره ب كوردنیبیه نهبیه و په روهردئ فیرگهها عسمانلیا و ژبو رژیما ئوردنا وی یا عهزیز بالویزی و ماموستای كریه و ئیك ووشه كوردی نزانت وههما جاره كئ بو كارهساتین ب سهرئ ڤی گه لی هاتین روهندكهك نه بورانده. ههما هه كه ر روهندكا تیمساحی ژی بیا بلا. دئ خوكت نه ڤیه فلان و بیهڤانا، ههكهر شه رم نه بت دئ بیژت ههما ئهز نهڤیه شیخ سهعیدئ پیرانیمه و ههكهر خودئ نه كری بابئ نهمر بارزانی بئ زریه ت با دابیژن ئهم نهڤیه وینه وئهم با بكال ڤه نیشته جئ هاندهران یان عه مان و مهمانا بینه. بهس بلا كه چین ب دهستئ نه ڤیین قورهیشیا هاتین فروتن ل پایتهختئ وهلاتین عه رهبا وعهمانا وی یا منهوهر ژ شهرما ناموسئ بئ دهنگ بن و دهرگههئ حكومهتا ههریمئ لئ نهدهن.
وهره یا ئهخئ وهره، خودئ یا حهزكری. بلا لی قهومائیه وهلاتوكئ من رهزیل، بئ نانئ شهڤئ، بوستهك ئاخ نهبن بوخو كولكهكئ ل ناڤدا ئاڤاكن. ئهرئ بلا خیزانین شههیدا بچن شوكن، بلا گوندئن مهسیحیا (دگهل ریزگرتنئ بومهسیحیه دناڤ ریزین شورهشئ) كو حهتا دوهی خزمهتا رژیمی وبو جهنابئ سیدرهئیسی وعدی و قێی مهی تید كرن بین ئاڤاكرن. بهس بلا گوندئ ب دههان شه هید ل ریا رزگاریا كوردستانئ دایین ههر ویران بت.
وهره توژی، وهره كهكئ منو، مادهم مستهشار و ئهمن و رهفیقی دوهی ههر ل سهر پوستی خو دهوام دكن وئهندام پهرلهمانئ حكومهتا ههریمئ نه وخودان موچه قهێروقوێیرن. دئ ههر وهك باسهۆانی ساجیدا سید رئیسی (درودئ خودئ ل سهر) ل نیزیكی زاخوكا من پارچه زهڤیهكی وهرگری. ڤیجا بئت ئاڤاكرن یان فروشتن بلا ئهو نه پروبلیما من ئۆ یین وهكی من هزردكن بت وههكهر ئهم گهلهك نه رحهتین ئهم دشین سهرئ خول كوچه بهرئ پرا دهلال دین.