(1)            ئاسۆی ڕوونـاک  

ڕۆژێ ئێمە دووبارە کۆترەکانمان

دەبینینەوە

میهرەبانی، 

دەستی جوانی دەگرێتەوە. . 

ڕۆژێ کە کەمترین سروود ماچە و

هەر مرۆڤێ، 

بۆ ئەوی دی برایە، 

ڕۆژێ چیتر

دەرگای ماڵکانیان داناخەن

قفڵ شتێکی ئەفسانەییە و

بەتەنیا دڵ، بەسە بۆ ژیان. . 

ڕۆژێ مانای هەر پەیڤێ

خۆشویستنە

تا تۆ بۆ پیتی دوایی

بۆ وشە نەگەڕێی. . 

ڕۆژێ ئاهەنگی هەر پیتێ ژیانە

من بۆ دوا شیعرم

بۆ گەڕان بە دوای سەروایێ، 

ڕەنج نەکێشم

بەدوای سەروادا نەگەڕێم. . 

ڕۆژێ هەر لێوێ

سترانێکە

تا کەمترین سروود ماچ بێ

کە تۆ بێی، 

بە یەکجاری بێی و 

میهرەبانی، 

هاوتای جوانی بێ

دووبارە دان بدەینەوە کۆترەکانمان. . 

منیش تا مردن

چاوەڕێی ئەو ڕۆژە دەکەم. 

(2)            وتــی

 وتی: دێم                                         

بەیانی دا و نەهات. . 

نەهات و

نایەوێ بێ. . 

بەم شێوەیە ئەو، 

هیچ پەیمانێکی نەبەست

نەیـشکاندبێ. . 

ئەو هیچ کاتێ نەسووتاوە

تا مانای سووتان بزانێ. . 

هیچ وەختێ دەردی نەدیوە

تا بزانێ دەرد چییە. . 

ئەو هەرگیز لە چاوەڕوانیدا نەبووە

تا لە تاڵیی چاوەڕوانی باخەبەر بێ. 

 
(*) ئه‌حمیدی شاملۆ شاعیری ناسراوی فارس، له‌ 12/12/1925 له‌ تاران له‌دایك بووه‌، ساڵی 2000   كۆچی دوایی كردووه‌ . 

  ئه‌و له‌ ده‌سپێكدا له‌ژێر كاریگه‌ری پێشه‌نگی شیعری نوێی فارسی (نیـما یوشیج) بووه‌، پاشان توانیویه‌تی ڕێی خۆی ببینێـته‌وه‌. . 

ئه‌م شیعرانه‌ی له‌ ( احمد شاملو – مجموعه‌ اشعار شانزده‌ دفتر) بڵاوكراوه‌ی كتێبخانه‌ی (امید ایران) كراون به‌ كوردی.