ووشه‌یه‌ک ... جه‌بار عه‌بدوڵا.. .
مانچسته‌ر
که پیم وتیت خۆشم ده‌وێیت..
.
وامئه‌زانی ئه‌م ووشه یه واتلێئه‌کا.
هه‌موو حه‌زو ئاواتێکت دێنێته دی
هه‌موو گیانی پڕ مه‌ترسیت
هه‌موو ئه‌ندێشه‌و ئازارت له‌بیرئه‌کا
* * *
وامئه‌زانی ئه‌م ووشه‌یه ئه‌بێت به‌ئاو
له‌بیابانی رێگای هات ونه‌هاتتدا
به‌یه‌ك دڵۆپ
گه‌روی ووشکت پاراو ئه‌کا
* * *
وام ئه‌زانی ئه‌م ووشه‌یه ئه‌بێت به‌مانگ
کام شه‌وه‌ت زۆر ترسناکه
هه‌مو دنیات رۆشن ئه‌کا
* * *
نه‌مئه‌زانی که‌پێم ووتیت خۆشم ده‌وێیت
لانه‌ی دڵت ده‌رگای گشت عیشق وسۆزێکم
لێ داده‌خا.
